انا واثق فى البى ام حتى لو جر امامى
انا واثق فى البى ام حتى لو جر امامى
بص يا صديقي
اللي مكتوب في الكتالوج بتاع العربية إن الدي في دي ما بيستخدمشي غير لما تكون سرعة العربية أقل من 3 كيلوا. يعني متوقفة تقريبا. جرب كده وهي واقفة.
وبعدين بالموبيل ما بيشغلشي فيديوهات. ده بس بيشغل ملفات الصوت عن طريق البلوتوث.
بصراحة أنا بس مش لاقي وقت أشتري أسطوانة دي في دي وأنزل عليها فيلم وأجربه على العربية خصوصا إني مش محتاج الموضوع ده دلوقتي. يوم جمعة كده حجرب وأقولك.
بالنسبة لفلاشة فبحبس ما تعمقت في الآي دريف هو مش حيقرى من عليها غير ملفات الصوت فقط.
ما شاء الله ربنا يبارك لحضرتك فيها
جميلة ما شاء الله وتقرير حضرتك رائع ووافى
والصور كمان تحفة ما شاء الله
يا جماعة بخصوص فك حماية مشاهدة الفيديوهات او التلفزيون لو موجود في العربية فده سهل جدا عن طريق التكويد باستخدام جهاز خاص و سوفت ير مرتبط بموديل العربية و لو مهتمين بالموضوع ابعتولي رسالة على الخاص و اعرفكم على مركز خدمة خاص بالبي ام محترم جدا و العاملين فيه من خبرات سابقة في البافارية نفسها عن تجربة و بتعامل معاهم ميكانيكا و كهرباء و ضبط اضائة و طبعا تكويد اي امكانيات متاحة لموديل العربية زي رفع الزجاج كله من الريموت و غيره كتير.
آسف على التأخر في الرد لسه شايف كلامك حالا
أخد حوالي ساعة ونص وكان هو لوحده من غير حاجة تانية
ماكالفنيش حاجة متهيألي عشان العربية المفروض أستلمها مفتوح.
وأعتقد إني فهمت من المهندس إن تجديد الخرايط بعد كده بينزل ب 100 تقريبا. فأعتقد برضه إن فتح النافيجيشن حيكون في نفس الرينج..
الف مبروك العربية ماشاء الله وخلى بالك عالجنط ... 18 دة صعب قوى
الف الف مبروك
و ربنا يديك خيرها و يكفيك شرها و شر عيون الناس وبلاوي الطرق
و التقرير اكتر من رائع و منظم و منمق و في الجون من الاخر
و بيني و بينك موضوع الارتفاع ده طلع شيئ اساسي في البلد دي
انا من سكان مدينه نصر و شارع مصطفي النحاس بقالهم اكتر من شهرين بيعدلوا فيه و مبهدلين الدنيا و بقي محتاج دبابه عشان تمشي فيه
و لو هطلع بال 316 بقيت ملزم ب route معين الاقل تضررا من القرف اللي عاملينه مع انه اطول و ازحم بس ما باليد حيله يا اما العربيه هتتبهدل
و انا لولا x1 متورها 2.0 كنت خلصت فيها بس انا طالع مع حفره الاستهلاك في الباجيرو و خصوصا بعد حوارات رفع الدعم دي فمكنتش عايز اخاطر ابدا بعربيه اكتر من 1.6
بالنسبه للزنون انا مركب عندي زنون canbus جايبه من ebay و شغال زي الفل من غير errors خالص
و قلبت السهاري و ال drl كله led ابيض عشان يمشوا معاه
و ادائه احسن طبعا من اللمض الهالوجين بس مش بمستوي الفابريقه و شاكك انه عشان الطقم صيني
عموما انصحك بطقم الاوسرام
عامل حوالي 1400 جنيه و canbus برضه يعني error free و خاماته انظف بكتير من الصيني لانه الماني
انا شويه و ناوي اغير ليه بصراحه
و اي تفاصيل انا تحت امرك
مبروك بالفعل افضل اختيار
ماشاء اللة ربنا يحميهالك من كل سوء
العربية تحفة وتستاهل تمنها ومشكور على التقرير الجميل المفصل
بالنسبة لموضوع الدعم فأنا قرأت كتير ودورت كتير مالقتشي حاجة رسمية نهائيا بخصوص سعة المحرك. أغلب المخاوف كانت شائعات مش كلام رسمي. الكلام اللرسمي اللي لقيته هو نوع البنزين المستخدم ومتوسط كمية الإستهلاك الشهرية بغض النظر عن نوع أو سعة المحرك. الكلام ده من الموقع الرسمي للمنظومة الإليكترونية للترشيد ودعم المواد البترولية.
وبناء عليه توكلت على الله وشربت بريل وجبت العربية. هاهاهاهاها وربنا يستر وما يغيروش الكلام ده وإلا حيبقى مقلب محترم. هاهاهاهاهاهاها
بالنسبة للزينون الألماني اللي قلت عليه نجيبه منين؟ إي باي برضه ولا في موزع ليه هنا في مصر؟