السلام عليكم
كنت عاوز اعرف هل نجحت الفكرة وبداتو المشروع ولا
وهل فعلا نسبة الارباح مناسبة
وايه اخبار المشروع
وهل من الممكن البدا في واحد مثله
ولا السوق ميستحملش ؟؟
ا
عرض للطباعة
السلام عليكم
كنت عاوز اعرف هل نجحت الفكرة وبداتو المشروع ولا
وهل فعلا نسبة الارباح مناسبة
وايه اخبار المشروع
وهل من الممكن البدا في واحد مثله
ولا السوق ميستحملش ؟؟
ا
انت بتسال حد عمل مشروع هنا فى المنتدى ؟ ولا ايه
ايوا هما كانو عملين موضوع وكدا هنااقتباس:
المشاركة الأصلية كتبت بواسطة blazer
ايوه انا شفت الموضوع ده ....بس للاسف الاثنين الاخوات مبيشتركوش....ما بالك ناس غريبه عن بعض.....اتمنى من كل قلبى يكون المشروع نجح....محدش يكره الخير
منا قوات كدااقتباس:
المشاركة الأصلية كتبت بواسطة mk3
لس هما راحو وشافو المصنع بتاع الراجل وكدا
بس معرفش ايه اللي حصل
كان في عضو اسمو استاذ(امام) او حاجا كدا
كان معاهم فيريت لو حصل جديد او المشروع بدا يخبرونا
ممكن نفكر فيه
وهوا كان بيقول المكسب حلو ومضمون
الملابس انواع يعنى مفيش مصنع ملابس متخصص فى كل حاجه يعنى فيه مصنع ملابس داخلى وايضا خارجى ترينجات وعبايه وفيه مصنع قميص وفيه بنطلون جينز وكتييييييييييير
المصانع اغلبها تخصصات على فكره موال المصنع كبير كنت فاتح ملابس وقفلتها مشكله مع انى متخصص وملم بالموضوع لكن مراحل التصنيع كتيره وعماله الملابس مقرفه جدا لانها بتعتمد على البنات اولا ومفيش بنت مستقره فى الشغل والصنايعيه الرجاله بيبقوا شركاء مستريحين واحسن من صاحب المصنع كمان لانهم بيشتغلوا بالقطعه وحسابهم حاضر وانت بقى لما تبيع ربنا معاك صدقنى مشروع متعب والمخاطره فيه كبيره لعلمك انا بصنع اقمشه ومن مصلحتى مصانع الملابس تكتر :) لكن احنا من ايام الثوره بالظبط شغلنا خراب بيوت مش اكتر بنشتغل شهور قليله فى السنه يعنى لو جبنا مصاريفنا يبقى الدنيا زى الفل الحمد لله على كل حال وفيه ناس كتير جدا وقعت والديون زعلت ناس كتير وفيه ناس شغاله ربنا يبارك لها
نصيحه بلاش المشروع ده لانك مش فاهم فيه فهتكون سقطاتك كتير ولو قصه واحده بس باظت منك او الموديل مش مظبوط هتضيع لك كل حاجه
نسيت اقولك لو عايز تخسر حد خليه شريكك فى الشغل لاااااااااااااااااااااازم تخسروا بعض ان عاجلا وان آجلا
من اكتر الناس اللي بحترمها في المنتدي لاخلاصها وحبها وتمنيها الخير للجميعاقتباس:
المشاركة الأصلية كتبت بواسطة طارق _عبد السلام
بصراحة مشفتش اخلاص كدا
الف شكر علي كل هذه المعلومات القيمة وعلي وقت حضرتك
بس هوا المشروع اللي كانو متفقين عليه (مش بتاعي ) ولا. فكرت فيه
هما كانو قايلين انه مصنع (بديهات) زي كارينا وكدا
وقعد يقول انو مفيهاش مقسات وكدا
وعملو جروب علي الفيس بس شالوني منها
وانا بس كنت عاوز اعرف ايه اخبرهم وهل فعلا تم المصنع ولا
والف شكر علي معلومات حضرتك:Bravo:
الله يبارك فيك واشكرك على كلماتك الطيبهاقتباس:
المشاركة الأصلية كتبت بواسطة merooxx
انا افتكرت اك داخل فى شراكه
للعلم بادى الكارينا بالذات اللى عايز يقلده بالظبط مش هيبقى مصنع ملابس تقليدى يعنى كم ماكينه خياطه ومقص لالالالالالالا
الكارينا لها ماكينات تريكو دائرى متخصصه نوع منها والافضل هو ماكينه سانتونى الايطاليه الماكينه دى بتيجى جديده ب 650 الف جنيه وعايزه محترف يتعامل معها لانها سيستم كمبيوتر ومعقده جدا فى الميكانيكا
والماكينه نفسها بتعمل كل حاجه يعنى لو تلاحظ بادى الكارينا الاصلى مفيش فيه خياطه يعنى ماكينه النسيج بتنزل المنتج جاهز وبيحتاج حاجات صغيره جدا فى التقفيل بتعمل بردوا ملابس داخلى رجالى وحريمى (قطعتين وقطعه واحده) لوحدها برسوماتها ونقشتها وكل حاجه ماكينه تحفه وكان نفسى اجيبها لكن لقيت على الاقل خالص لازم العدد يكون 2 على الاقل ومع انى من فضل الله محترف تريكو دائرى بجميع فنياته ودورات فى اوروبا وسمعتى طيبه فيه لكن الماكينه دى بقف قدامها وازعل من نفسى لانى مش محترف فيها يعنى تشغيلها بس لكن معرفش اصلحها لانى متدربتش عليها ايام الشباب
يعنى الموضوع كبير كبير ههههههههه
دا رابط يفيدك جدا لو يفيد المقبلين على المشروع
وبصراحه صاحب الموضوع ده محترف فى النوع ده لو عايز تاخد فكره عن المشروع
http://www.arabytex.com/forum/thread...mless-knitting
وَإِنَّ كَثِيرًا مِنَ الْخُلَطَاءِ لَيَبْغِي بَعْضُهُمْ عَلَىٰ بَعْضٍ إِلَّا الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَا هُمْ ۗ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ
والله هوا كان قايل في نفس الرنج دا او اقل مش فاكراقتباس:
المشاركة الأصلية كتبت بواسطة طارق _عبد السلام
وربنا يباركلك ويزيدك
انا بصنع ملابس اطفال و بنزل منتج باسمى والحمد لله ,, الموضوع مش سهل زى ما اى حد ممكن يفتكر وارباحه ممكن تضيع كلها فى غلطه واحده لاا قدر الله و خصوصا ان السوق زى الزفت بسبب اوضاع البلد مش زى الاول
اقتباس:
المشاركة الأصلية كتبت بواسطة طارق _عبد السلام
كلام حضرتك مزبوط الماكينة دى ثوره فظيعه و انا بنفسى دخلت مصنع كارينا الاورجينال بتاع البديهات و مصانع جوارب " اشهر ماركات الماكينات الايطاليه زى لوناتى lonati" و الماكينات دى كلها كمبيوترايزد و دقيقه جدا فى شغلها و عاوزه حد فاهم فى الصيانه و المصانع الى فى مصر بتعتمد على الخبراء الاجانب كل فتره بجانب الصيانه المستمره من الفنيين المصريين
و حضرتك ياستاذ طارق عندك مصنع نسيج ؟
فعلا كلامك صحيح والماكينات دى نزله من فتره كبيره على فكره وانتاجها مميز دى ممكن تعمل تى شيرت رجالى منسوج بصورتك الشخصيه مش طباعه امكانياتها جباره بس مش منتشره كتير لسعرها المرتفع وتعقيد تقنيتها ومن فضل الله اخدت دوره تدريبيه فى اكبر شركه فى العالم لتصنيع ماكينات التريكو لكن هى مش بتشتغل فى التخصص ده فمعرفش اصلح مكنه زى دى لكن اى ماكينه تريكو تانيه لعبتى ان شاء اللهاقتباس:
المشاركة الأصلية كتبت بواسطة blazer
ومن فضل الله عندى مصنع نسيج دائرى بصنع اقمشه الانترلوك والبولو والدبل فيس والروزيتا المحله صناعتنا الاولى المنسوجات
لو حضرتك دخلت الرابط اللى انا حطيته ده اكبر منتدى لصناعه النسيج فى العالم العربى وصاحبه سورى وانت عارف الشوام فى النسيج من فضل الله انا مشرف منتدى التريكو ومراقب للمنتدى والاسم بالاحمر ده يعنى درجه خبير ههههه تبا لتواضعى:) .. ولله الحمد درجه خبير دى بشهاده الالمان لى فى ماكينات التريكو
اتشرفت بمعرفتك ياباشا و ياريت تكتب لى رقمك فى رساله عشان لو جت فرصه نتعامل مع بعضاقتباس:
المشاركة الأصلية كتبت بواسطة طارق _عبد السلام
انا بشتغل فى الانترلوك ال 30 و ال 40 الممشط و السنجل ال 30 و الريب اليكرا و القطيفه مش محلوقه فى شغلى
و حاجه كمان,, تعرف كريم الصلاحى ,, حد من اصدفائى عندكم من المحله
الشرف لى وتحت امرك فى وقتاقتباس:
المشاركة الأصلية كتبت بواسطة blazer
ربنا يبارك ويوسع رزقك ان شاء الله