طب لية بتكرها لازم تقولنا السبب دى مناقشة نستفاد بيها كلنا
عرض للطباعة
خلاصة القول اخواتى ومنتظر مشاركات اكثر كوريا عملت الدايو بموتور اوبل 95 وعفشة اوبل95 طب لية لما نزلوا رشاشات تخينة وعملت مشاكل عملوا رشاشان رفيعة كانوا ممكن يركبوا رشاشات البى ام
لية لم يركبوها اكيد درسوا الموضوع ووجدوا رشاشات البى ام تضخ بنزين اكثر نتيجة ان عزم موتور البى ام اكثر من موتور الدايو وهذا يؤدى الى التعجيل فى لفات الموتور لكل دقيقة وعمر الموتور يقصر وتحرك البساتم والصبابات يصبح اسرع ويؤدى الى تلفهم بسرعة
فى انتظار ارائكم
مهو لو الشركه عملت رشاش بعيب صناعه و فى الاخر قامو جايبين رشاش بتاع عربيه تانيه تبقى شركه فاشله لان كده اعتراف منهم انهم مش قادرين يصنعوا حته رشاش لاحظ كمان الجوده بتفرق فى السعر انت مش معفول رايح تشترى حته دايو ب 70-80 الف يحطولهك فيها قطع بتاعه عربيه ب300 الف انت كده عايزهم يبيعو عربياتهم بخسارة :)
بالنسبه لضخ بنزين اكتر او اقل انا عايزك كده تتخيل معايا حاجه
دلوقى الموتور مدخل عدد x جرام هواء يبقى المطلوب دخول عدد Y جرام بنزين لتحقيق
fuel air mixture مظبوط، بسبب تركيب رشاش بيرش كميه اكبر كميه البنزين اللى دخلت بقت اكثر من المطلوبه يبقى ال mixture بقى rich يعنى كميه البنزين فيه مش مناسبه لكميه الهواء ديه لأ ديه اكتر من المطلوب حتكون النتيجه ايه؟؟
سحب اقوى؟؟؟
ولا سحب اقل؟؟؟
طبعا السحب حيقل و حيطلع بنزين نى من الشكمان و حتاكل بنزين كتير على الفاضى
معنى ان السحب زاد فى وجهه نظرى المتواضعه و ياريت اى حد يصححلى لو كلامى غلط، ان استجابة الرشاش افضل للكنترول فالكنترول قدر يظبط الخليط بدقة اعلى فأدى لزياده السحب
حاجه كمان تفتكر فعلا لو الرشاش رش كميه اكتر من المطلوبة الكنترول حيسكت؟؟ فيه حساس شكمان بيعمل feed Back للكنترول عن كفاءه عمليه الحرق اللى لو حس ان فيه بنزين نى فى العادم ( نتيجه ضخ كميه بنزين اكبر من المطلوب) حيقلل الكميه فورا عن طريق تقليص زمن فتح الرشاش.
و بعدين معروفة فى كل الدنيا ان اى منتج يحل نفس ال part number يبقى بديل متوافق تماما و الفارق فى الجوده فقط، مفيش part number ممكن يتشابه بين منتجين مختلفين فى الجنيا كلها
و بعدين انت لو مستريح لرشاش الاوبل اكتر اشترية حاجه اوبل المانى هى كمان و اكيد متقلش جوده عن بتاع البى ام
اهم حاجه فى الموضوع كله انك تجيب حاجه انت مقتنع بيها تماما و مستريحلها نفسيا الموضوع مش اجبار ان الرشاش التخين يتحط بداله رشاش بى ام، انا عن نفسى عملت الموضوع ده كله و كلفت نفسى 260 ج رغم انى مكنتش بشتكى من حاجه اصلا نتيجه قرايتى لمواضيع محمد ممدوح وكلامه عن الرشاشات التخينه اللى بتبوظ و خوفى من انها تبوظ بعد ما تكون قطع الاستعمال شحت فى السوق نتيجة قرار منع الاستيراد و اضطر ساعتها اجيب الطقم الاصلى التخين برضو اللى حيبوظ تانى ب 1000 ج فانا عملت كده عشان الراحه النفسيه مش اكتر
حاجه كمتن حتقولك عليها حتضحكك عليا، انا من احدى الاسباب و لكن مش سبب رئيسى اوى يعنى انى جبت رشاش البى ام انى متعلق نفسيا بيها شوية لانى اشتغلت فتره فى مركز صيانه بى ام و حافظ كل موديلاتها و اكوادها و اسماء مواتيرها و سقت اغلبيه موديلاها و اما انبهرت بالاداء العالى اوى بتاع البى ام عموما :)