ريو 2013 الموتور قفش الحقووووووني

**Dr.M_baz** · 12-05-2014 03:41 PM

ربنا يكون في عونك ...... بس انا مازلت مش مقتنع ازاي الميه تدخل من فلتر الهوا وهو عالي جدا في المكنه ....التوكيل بيستهبل عشان يتهرب من التصليح.

Sent from my GT-N8000 using Forum Runner

**prooo** · 12-05-2014 04:29 PM

المشاركة الأصلية كتبت بواسطة mohab555

تنزل عليها يا كبير كبير المهندسين .. بس هتحتاج تغير قواعد موتور اعتقد علشان تستحمل العزم الرهيب الى هيطلع
دى صوره للغالية بال 1600 بتاع الاسبورتاج ... منزلتش غير فى امريكا و استراليا

والله الواحد لولا صعبان عليه مكنه الفابريكه وال 20000 كيلو اللي الواحد عاملهم كنت سقطت ال 1600 دي ..... نبقى ناخد الخطوه دي في يوم من الايام مع بعض ان شاء الله

**S O P H O S** · 15-05-2014 03:28 PM

مش عارف ده يحصل ازاي
ربنا يعوضك خير ويقدرك علي حل المشكلة

**yasser100** · 15-05-2014 11:40 PM

المشاركة الأصلية كتبت بواسطة mohamed moataz

العربيه عامله 42 الف كل الصيانات في التوكيل وقالولي ده مالوش دعوه بالضمان علشان السيول هيها الي اثرت علي الموتور وبسبب ده حصل العطل لاكن لو كانت اتعطلت لوحدها من غير سبب اكيد كانت هتكون جوه الضمان يعني زي الحادثه بالظبط وسالت كمان شركه التامين قالولي المخاطر الطبيعيه زي السيول والزلازل والشغب في الاحداث السياسيه ده بره التامين

يعنى ايه يا عم بسبب مطره او سيل يقفش الموتور ؟ ليه هيه نزلت البحر ؟ هيه مصنوعه من ايه علشان يحصل كده ؟ دول بيستعبطوا . الموتور دخل له ميه منين الا اذا كان العزل فيه مشكله

**عمرو مجايفر** · 18-05-2014 12:26 AM

المشاركة الأصلية كتبت بواسطة mohamed moataz

السلام عليكم علي كل رجاله كيا وخصوصا الريو امبارح الحمدلله رب العالمين كنت رايح العين السخنه انا ومراتي وابني الي عنده سنتين وطبعا دخلنا في قصه السيل الي حصل مش عايز اقولكو لقيت كميه اوناش عماله تشيل في العربيات الي عطلانه ده غير العربيات المقلوبه وبرده في عربيات مشيت عادي بس ده قدر الله سبحانه وتعالي الحمدلله علي كل شئ العربيه طبعا عندي وقفت ومش عايزه تدور ابدا كانت كل الملامح بتقول انها قصه كهربا جيبت ونش وشال العربيه وطبعا استغلال الظروف الونش خد 650 جنيه والصبح جيبت كهربائى وقطرنا العربيه وتمت كل المحاولات بس العربيه مش عايزه تدور وغيرنا البطاريه وبرده العربيه ولا هنا الميكانيكي وده صديق ليا من ايام العربيه القديمه سالني علي فلتر الهوا وقولتلو المياه وصلت ليه قالي يبقي الموتور دخله مياه فكينا البوجيهات وفعلا كان فيه ميه بس برده الموتور مش عايز يشتغل لفينا الكرنك بتاع العربيه لقينا الكرنك بيلف بس بيجي عند حته معينه ويوقف فتالي اكيد فيه حاجه جوه مكسوره لازم الموتور يتفك وده معناه طبعا تغيير جوان وش السلندر والزيت ده غير حل المشكله ونفس الكلام ده اكده التوكيل لما كلمت مهندس الصيانه بتاع المساعده علي الطريق ولما سالت علي التكلفه المهندس قالي طبعا هتتكلف وتكلفه عاليه بس هتحافظ علي الضمان ولما سالته اعمل العربيه بره قالي كلمه غريبه حسيت منه انه بيقول اعملها بره قالي العربيه بتاعتك فيه منها خليجي من غير ضمان وسكت قولتله شكرا وقفلت والعربيه دلوقتي هشيلها علي الونش من مدينه نصر للوايلي علشان هعملها هناك باذن الله عند مركز محترم ومش غالي ومع الف سلامه الضمان بس لكل رجالة الريو والساده المنسقين والمشرفين علي المنتدي الي فعلا الواحد بيستفاد منهم رايهم في الي حصل وممكن يكون الموتور حصله ايه والحمدلله علي كل شئ وربنا يحفظكو ويحفظ عربياتكو علي فكره عربيتي 2013 مانيوال سيدان

ربنا يعوضك خير ان شاء الله .. وعسى ان تكرهوا شيئ ... اهم حاجة ان حضرتك والاسرة بخير

**mohamed moataz** · 25-05-2014 04:22 PM

الحمدلله ياجماعه العربيه اتصلحت وبقيت زي الفل واحب اشكر كل الناس الي اهتمت الواحد داخ دوخه مايعلم بيها الا ربنا لحد اما الواحد جاب البي الات حتي التوكيل قالي مش موجوده ولو عايزها تستني شهر لحد اما توصل من كوريا المهم ربنا كرمني وجيبتها من عربيه ريو 2013 كانت عامله حادثه من عند المتوكل الي في الحرفيين وتكلفه العربيه كالاتي :
2000 جنيه بي الات من الحرفيين
180 جوان وش السلندر من الجندي
30 فلتر الزيت
70 فلتر الهواء
120 سيليكون الماني علشان هوده الي زي بتاع الفابريكا مش بيسيب اي اثر وسائل عامل زي المياه
130 جركن زيت وهيتغير بعد 500 ك
800 مصنعيه
والحمدلله رب العالمين وقدر الله ومشاء فعل واحب اشكر كل الناس الي ساعدتني هنا سواؤ برايها او اقتراحتها او حتي دعائهم ليا