استفسار بسيط عن الشيفروليه اللانوس 2014
اولا احب ارحب بكل اعضاء المنتدى انا جديد معاكم هنا
خبرتى فى العربيات مش كبيره اوى على قدى يعنى :tongue05:
المهم انا لسه جايب لانوس زيرو عملت 720 كم و فى حاجه غريبه بلاحظها ان العربيه بتنتش سنه ناحيه اليمين على السرعه البطيئه يعنى 60-80 لكن لما بحرق او بجرى بسرعه بس مبعديش ال 120 بتبقى ثابته
فى ناس بتقولى استنى لما العربيه تلين صح و تكمل اول 1000 كم و انا ناوى انشاء الله اخلص امتحنات و اطلع مشوار لحد القاهره عشان تكمل تلين
فى ناس قالتلى بسبب الكاوتش و احسن حاجه انك تغير الجنوط الفبريكه بجنوط 15 عريضه عشان الثبات يبقى احسن و النتشه دى تروح خالص
بس فى نفس الوقت فى ناس خوفتنى انى اغير الجنوط لان ده حيهلك عفشه العربيه و حتدوخنى كل شويه و احسن حاجه انى اجيب جنوط 14 او 13 مع العلم كده الفرق مش حيبقى كبير
عموما اسف انى طولت عليكم بس كنت عاوز اعرف سبب النتشه دى و حلها و الكلام عن الجنوط ده صح ولا غلط
شكرا