لسه بدري 18 سنه بصراحه لسه بدري
عرض للطباعة
لسه بدري 18 سنه بصراحه لسه بدري
انا رأيي تستخير و تتوكل على الله و اللي ربنا يختاره يبقى هو ده اللي فيه الخير. الجواز عصمة برضه ومحدش يجيله الحلال لحد عنده و يرفضه.
الحق اشترى عربيه قبل البترول ما يخلص من العالم انما البنات موجودين موجودين ......... بهزر طبعا اعتقد ان سنك صغير جدا على دخول قفص الزوجيه عيش حياتك الاول بحريه وبعدين انت اللى تقرر وبتأنى امتى تستعد للاستقرار وبناء اسره انا عن نفسى عندى 25 سنه ولسه مفكرتش فى موضوع الجواز خالص مع انى نفسى استقل فى حياتى عن عيلتى سريعا
شكرا لردودكم الاخويه
و الحمد لله انى عرفت اختاركم اهل للنقاش
و شكرا مره تانيه
قبل ما يكون عندك 23 سنة ومخلص جيش وبتشتغل متفكرش تخطب وقبل ما يكون عندك 25 سنة متفكرش تتجوز، دى خلاصة الكلام، الخبرة اللى انت بتكسبها فى بداية حياتك العملية مهمة جدا للتعامل مع الطرف الآخر وتحمل مسئولية بيت، لكن عملية اكتساب الخبرة من خلال الأخطاء اللى هتحصل فى ادارة البيت لازم هيكون فيها خسائر جسيمة
على مهلك فى الموضوع خلص كل إلتزاماتك وبعدين فكر سنتين وبعدها قرر لمدة سنتين واخطب سنتين واتجوز وإنت عندك على الأقل 26 سنه ومبروك مقدما
حبيب قلبى 18 يبقى لسة لسة بدرى
زى ما قالوا الكلية ثم الجيش ان وجد ثم الشغل ولم الفلوس للوازم الجواز شقة وجهاز ومهر واجهزة وخلافه
طبعا الواحد لو يقدر يتجوز موش يخطب 18 سنة ماكانش يتأخر ولكن الظروف
اوعى تتجوز وانت طالب وقبل ان تستقر فى عمل دائم يفتح بيت ويصرف على اسرة
انا تزوجت 27 واعتبره كان بدرى ، واشتغلت 5 سنين كاملة قبل الجواز
لازم تكون هناك نسبة من تكاليف الزواج انت مساهم فيها وعاملها
وتزوج من تعرفها جيدا وتعرف عائلتها جيدا دى مهمة جدا
تزوج من تعينك على الحياه ولا تعجزك فيها
واستخير جيدا واجعل نية ان تعف نفسك بالحلال فى ذهنك هاتشوف العجب
وتجد ربك بيسهلها ويساعدك ويديلك احسن من اللى كنت بتحلم بيه
الام والاب بيبقوا خايفين على ابنهم وعايزينه يتجوز بسرعة ولكن كل زمن وله ظروفه
كتر خيرهم انهم عايزين مصلحتك ولكن كل شيئ فى وقته يكون تمام
عيش حياتك و بلاش تملي اجمل سنين حياتك من دلوقتي
اخرج و اتفسح و سافر و بعدين لما تتخرج و تقدر تفتح بيت ابقي اتجوز
انما و انت عندك 18 سنه كده حرام عليك عمرك
نصيحة واحدة اقدر اقولهالك:
DON'T DO IT
اولا: انت شخصيا مش عايز تتجوز.. لو كنت عايز مكنتش سالتنا
ثانيا:خللى بالك الجواز مش حب و غرام و دلع و بس...لا... فيه مسؤليات والتزامات تهد جبال ميقدرش عليها غير واحد راجل
متفهمنيش غلط... انا قصدى انك شاب لسه صغير عايز تنطلق و تروح و تيجى و تخرج و تسافر و تعمل ما بدالك... لاجواز حياخد 99% من وقتك و فلوسك و مجهودك و بالتالى متحرمش نفسك من الانطلاق دلوقتى عشان متزهقش لما تتجوز
ثالثا: الرسول علية الصلاه و السلام قال: من استطاع منكم الباءة فليتزوج فإنه أغض للبصر وأحصن للفرج
و الباءة هى القدرة المادية على فتح بيت... و انت اساسا لسة بتدرس... و مينفعش ابوك يصرف عليك و انت "راجل متجوز"... دا ربنا سبحانة و تعالى قال "و للرجال عليهن درجة بما انفقوا"...يعنى قوامة الرجل على المرأة مشروطة 'بما أنفقوا و بالتالى مينفعش تتجوز و حد بيصرف عليك
http://www.islamweb.net/ver2/archive...ng=A&id=141424
طيب الخلاصة ايه؟
الخلاصة هى انك متفكرش فى الجواز الا لما تبداء تصرف على نفسك يعنى تشتغل... بعدها تحسب احتياجات الجواز الاساسية و تقارنها بدخلك و لمما تلاقى انك تقدر توفى الالتزامات دى (توافر شرط الباءة) تبقى تفكر فى الجواز
و بعدين يا اخى حد طايل حياه العزوبية؟؟؟ دا بيقولك ان فيه طفل بيسال والدة و بيقولة:
بابا... هى الحمير بتتجوز؟
الاب: يابنى اصلا مبتجوزش غير الحمير
وواحد تانى سال ابوة:
بابا ... هو الجواز كلفك كتير؟
الاب:ولا اعرف... اصلى لحد النهاردة لسة بدفع
المهم يعنى النصيحة الاخوية بتقول انك متفكرش فى الجواز طالما لسة مبتصرفش على نفسك و مش مستحب تشيل مسؤلية كبيرة اوى فى سن صغير كدة خصوصا بظروف الحياه الحالية و بالتاى متستعجلش... رجلك حتيجى حتيجى... انا خطبت و عندى 27 سنة و اتجوزت عندى 29 سنة
MMamdouh