النهادرة روحت عملت صيانه 50 الف فى ورشة سبيد سيرفيز عند المحترم المهندس هانى
وطبعا وانا رايح اعمل الصيانه كنت جايب معايا مساعدين خلقى kyp علشان هو قالى عايزين يتغيروا
وطبعا اشترتهم من شارع دمشق ب 700 جنيه هو بيقول لى غالين بس مش مشكلة المهم انى ركبت المساعدين وتم التركيب على اكمل وجة وعنايه خاصة وغيرنا زيت شيل 10 الاف وقلتر بنزين دول كانوا ب 330 جنيه فى ورشة متخصصة وتم تنظيف البوابات و تنظيف قلتر الهواء وغسل الموتور وتنظيف السيارة داخليا وخارجيا من اى زيوت او شحوم او اتربه نتيحة الوقفة فى الورشة وكذلك تربيط العفشة بالكامل ورجلشه الفرامل وطبعا هو بنفسة اللى خد العربيه لورشة تغيير الزيوت بنفسه وجابها وانا مستريح فى الورشة استلمت العربيه على المشى على طول وطبعا حسن الضيافة مفيش كلام عليه خصوصا فى المكنب الجديد اللى عملوا جنب الورشة والسلاسة فى الحوار الرد باحترافية واحنرام يحسد عليهم وفى الاخر الحمد لله الواحد مشى مبسوط وان كان زعلنى انه معحبوش ان العربيه تقفيل مصرى :(
عموما انا تحت امركوا فى اى استفسارات بخصوص الصيانه بس معلش لو اتاخرت فى الرد