طب ممكن تقولنا كدة انطباعك عن ثباتها مقارنة بالعربية اللى بتسوقها وياسلام لو ركبت سيراتو كمان تحكيلنا شوية
طب ممكن تقولنا كدة انطباعك عن ثباتها مقارنة بالعربية اللى بتسوقها وياسلام لو ركبت سيراتو كمان تحكيلنا شوية
انا مركبتش سيراتو بس ركبت النترا اختها التؤام كموتور وعفشه وهيهات هيهات مابين الاثنين كفرامل وعفشه والثبات اللى خلانى اشتريها فى الاساس بجانب العزل الممتاز هى كالالمانى فى الثبات ومتعه القياده وحضرتك ممكن تدور على كسر زيرو منها وانت اولى بالفرق وانا تحت امرك فى اى استفسار
طب ربنا يكرمك والله انا الحمد لله استقريت عليها بالذات عشان ال ESP وقعدتها رياضية جدا انا الايام دى بخلص في عربيتي الكارينز وان شاء الله لما تتباع حدخل فى الكروز ال2014 لانها الوحيدة اللى بال ESP
اللى مغلس عليا حاجة واحدة ... انى متعود اوصل التليفون بالبلوتوث بتاع الكاسيت لو حبيت اسمع اغانى او قرأن
الكاسيت بتعاها هل في وصلة aux ... وكمان ححتاج اركبلها سينسور خلفي هل في مشاكل مع التوكيل مثلا هو و الزينون ؟
وصله ال aux موجوده بس حكايه الاضافات دى مقدرش افيدك لانى مجربتش ازود حاجه
شوف الفئه التوب لاين ان وجدت عند منصور او عند سمير ريان فيها حساسات خلفيه وUSB
موقع شيفروليه عارض 2014 بمواصفات ممتازه يارب تكون فى الواقع
http://www.chevroletegypt.com/vehicl...imensions.html
شوف المشكله عندنا الطرق والعربيه بتعمل معايا 200 فى الصفيحه مابين جوه وبره البلد وطبعا مطبات كل شويه وتهديه حتى لو على الزراعى المقرف
العربيه على سرعة 100 الكمبيوتر بيدينى استهلاك مثالى وانا ملمس رجلى على دواسة البنزين 7 لتر لكل 100 كيلو واحينا والله 6.5 و 6 كمان لكن ده مابيدومش كتير انت عارف طرقنا
الار بى ام بيكون مابين 2.25 تقريبا والصوت الموتور هادى على سرعة 100 وعلى 120 مابيجيبش 2.75 حتى
حسام باشا اذيك :)
البروشور دة قديم مش لل 2014 حتى ارتفاع العربية قديم 14ونص سنتى وهى بقت 16ونص كاملين بالجنط ال16 مش عارف موديل 2013 كام ...
حاليا هى مفيش غير فئة واحدة اللى ب 150 الف بس !! لا فوق ولا تحت وفى احتمال ضخم ان بعد رمضان تزيد 10تلاف
دة موقع شيفورلية الهند بنفس الفيس ليفت بتاعنا ونفس المقاسات الجديدة اللى بالجنط ال 16
http://www.chevrolet.co.in/cruze-sed...ification.html
انت اذاى مجبتش الفوانيس الليد قدام وورا لحد دلوقتي هما بكام ؟
الحمد لله بخير
لا ده معمول ليه تحديث حتى الموتور 115 حصان اصل انا متابع الموقع على طول
القديم اهو
http://nileup.com/up/uploads/nilemotors_14000009821.jpg
http://nileup.com/up/uploads/nilemotors_14000009822.jpg
http://nileup.com/up/uploads/nilemotors_14000009823.jpg
الارتفاع انا مقيستهوش ولكن كان بيقال انه زى الاوبترا ومكتوب هنا 147.5 بس تعدى بيه جبال ولا يهمك حتى وانت محمل
https://www.youtube.com/watch?v=UrZeEh811ZM
https://www.youtube.com/watch?v=T4rw5U8nSoo
انا شفت واحد مركب اللى ورا دة في اسكندرية والله افتكرتها الفئة التالتة الجديدة لحد ما جيت ورا وقفنا فى الاشارة لقيتها كروز !
الكشاف الخلفى روعه ونفسى اجيبه... بى ام من بعيد بدون شك حتى