لمالكي الكروز الرجاء المشاركة بفكر ابدل الكارينز ب الكروز2014
السلام عليكم ورحمة الله
ان شاء الله عربيتي حتكمل 3 سنين بعد 4 شهور ... وبفكر اغير قبل ما سعرها يقع وافقد القيمة السعرية العالية
لفيت ع المعارض والوحيدة اللي عجبتني هي الكروز2014 الهاي لاين وهي فئة واحدة بس
بالذات بسعرها 150الف وفيها esp و abs و ebd و 2 ايرباج والفتيس 6سرعات
غير ان ارتفاعها عن الارض 16.5سنتي اي اعلي من الكارينز اللي 15.6 والحجم الداخلي اقل حاجة بسيطة.
ونازلة بجنوط 16 مقاس 205 علي 60 وديسكات قدام و ورا
كمان لقيت موتورها و شاسيها هو هو بتاع الاسترا !
العربية شداني جدا و انا تقريبا بغير كل 3 سنين عشان احافظ علي قيمة العربية خاصة ان عربيتي جايبة حوالي 135الف من المعروض علي كونتاكت كارز
السؤال اية هي عيوب الكروز وهل حقيقي انها علي كرتات يعني مع اي شتواية الكارت يضرب و كمان هل في مشاكل في كهربا الموتور
وهل حقيقي انها كقيمة اقل من الكارينز الهاي لاين
الرجاء للمشاركة ولا تبخل برأيك وجزاكم الله خير