استفسار هام وعاجل بخصوص قاعدة فتيس اتوماتيك واورينجات للجنوط

**cap.ahmed** · 10-05-2014 04:35 AM

السﻻم عليكم
لو سمحتم ياجماعه ياريت حد يفيدني في الموضوع ده ﻷنه عملي مشاكل والصنايعيه دوخوني
من اسبوع كده لقيت قاعدة الفتيس للانوس اوتو اللي ناحية العجله الشمال كأنها مفهاش كاوتش خالص المهم روحت جبت واحده نفس القاعده بس شكل الكاوتش اللي في الدايره مختلف عن اللي كانت عندي وبعد التركيب لقيت ان المسمار بتاع الفتيس بقى عند نص الدايره دي تقريبا فقولت كويس المهم اما طلعت القاعده القديمه لقيت كاوتشها سليم بس شكله مختلف عن اللي ركبت فقولت للميكانيكي قالي عادي مش هتفرق اﻻهم بقى ودي المشكله اللي حصل ان بﻻقي العربيه بقت تحدف يمين رغم ظبط الزوايا كذا مره وعند كذا واحد وطبة الجنط اﻻسبور كل اما اركبها تقع مع تغير الفرده حتى نفس العجله اليمين وكأن كل اما اركب طبه حاجه تذقها توقعها 3 مرات واﻻخطر من كده وانا باخد ملف ناحية الشمال كده وبعد ما لفيت وعدلت العجل وبزود بنزين اﻻقي العربيه بترعش جامد وكأن الكوبلن عاوز يملص وبعد فتره الكبالن طقطقت وغيرتهم . فمش عارف ايه سبب ده هل تكون القاعده دي وﻻ ايه ياريت حد يفيدني ارجوكم الساده الكرام باﻻفاده.
والحاجه التانيه اني كنت عاوز اعمل اورينجات للجنط اﻻسبور فعملت اللي هيا تيفلون دي لقيتها ساحت وباظت بسرعه واحد قالي اعملها الومنيوم روحت للخراط يعملهم حاول يعملهم الومنيوم بوظ 2 ومعرفش يعملهم قام عاملهم حديد فسألته قالي عادي مش هتفرف ياتري ده صح وﻻ غلط وﻻ اعمل ايه مش عارف ارجع للتيفلون وﻻ اعمل الومنيوم عند خراط تاني وﻻ امشي بالحديد وخﻻص عادي .

اسف جدا على اﻻطاله بس بوضح الموضوع للدقه وبيان الموقف صح واسف مره تانيه على اﻻطاله وياريت ياجماعه حد يفيدني ارجوكم خبراء الﻻنوس.
والسﻻم عليكم ورحمة الله.

**tito32** · 10-05-2014 12:34 PM

متابع

**cap.ahmed** · 10-05-2014 06:39 PM

ايه يا جماعه محدش رد عليا يعني ياريت حد يفيدني

**misoalex** · 10-05-2014 08:08 PM

التيفلون صعب يسيح بسهوله كدع الراجل ده عملهم بلاستيك مش تيفلون

واظن الحديد طالما عملتهم خلاص بس عيبهم انهم حيصدو بسرعه من الميه التيفلون مش بيصدى ولا الالمونيوم
خليهم ياخدو وقتهم وبعدين غيرهم

**cap.ahmed** · 11-05-2014 12:26 AM

المشاركة الأصلية كتبت بواسطة misoalex

التيفلون صعب يسيح بسهوله كدع الراجل ده عملهم بلاستيك مش تيفلون

واظن الحديد طالما عملتهم خلاص بس عيبهم انهم حيصدو بسرعه من الميه التيفلون مش بيصدى ولا الالمونيوم
خليهم ياخدو وقتهم وبعدين غيرهم

متشكر جدا على رد حضرتك واهتمامك افادك الله كما افدتني بس معلش في واحد قالي متسبش الحديد والحق غيرهم ﻻنهم بيسخنوا بسرعه وبيقفشوا وبيأثرو في مشي العربيه هل الكﻻم ده مظبوط وﻻ ايه ومتشكر مره تانيه على رد حضرتك واهتمامك .

ويارت لو حد عنده معلومه يقدر يفيدنا بيها يكون مشكور ومحدش فادني لسه في موضوع قاعدة الفتيس.

**misoalex** · 15-05-2014 06:39 AM

وهو لما رينجات الجنوط حتسخن حتمسك فى ايه او حتقفش فى ايه :)

كبيرها حتقفش فى العجله وانت بتغيرها حتزقها حتطلع بس خلاص هى ولا بتلف على حاجه او بتعمل حاجه دى حتته حديده بتحشى بيها الفراغ اللى بين قطر الجنوط وقطر الصره وبس يعنى كأنها ورده مثلا