سوال بخصوص عزل مواسير تكييف السيارة

السلام عليكم

انا عندي عربية لانسر موديل 98 كانت ف الاول ثلاجة وبعد كده ضعفت وغيرت الكمبروسر بس مجبتش بتعها الاصل اللي بيجي معاها مجبتش الفبريكا يعني المهم بتاع التكييفات ركبلي كمبرسور كان فى الاول شغال معايا كويس وبعدين ضعف تاني برضوا

المهم علشان مطولش انا شفت مواضيع كتير بخصوص عزل مواسير التكييف وان ليها وفوائد كتير وبتحسن اداء التكييف وقررت ان شاء الله اني هنفذها

بس عندي سوال اعزل كل مواسير التكييف السخنة والباردة والل اعزل مواسير التكييف السقعة بس اللي راجعة للكمبرسور

وهل لما بعزل المواسير الساقعة دية فعلا التكييف بيتحسن ؟

معلش سوال غبي شوية كمان فية ناس بتعزل المواسير السخنة كمان الى هيه اصلا بتكون سخنة هل ده صح ولا غلط ؟؟


ولكم جزيل الشكر

ممكن تراجع كوول اير 26202455

تعزل المواسير الباردة فقط بيزود البرودة حوالى 10%

اقتباس:

---

المشاركة الأصلية كتبت بواسطة Gelgel2004

ممكن تراجع كوول اير 26202455

---

واضح انك فاهم غلط :question2:
الراجل بيقول انه تكييف العربية هو اللي ضعيف
مش تكييف البيت :embarrassed:

يا ريت تشاهد الفيديو ده عامله الاستاذ مصطفي حسن من عمالقه المنتدي الرائع
https://www.youtube.com/watch?v=IRvJ3VM6QEI

اقتباس:

---

المشاركة الأصلية كتبت بواسطة baherhassan30

واضح انك فاهم غلط :question2:
الراجل بيقول انه تكييف العربية هو اللي ضعيف
مش تكييف البيت :embarrassed:

---

واضح انك فاهم غلط :question2: ....؟؟؟ ليه كده بس؟؟؟؟
مركز كوول اير ... متخصص فى تكييف السيارات يا فندم

شكرا يا جماعة على الرد والاهتمام وجزاكم الله خيرا

اللي انا مقتنع بية اني اعزل المواسير الساقعة بس بس كلام استاذ مصطفي حسن اللي عامل الفيديوا وشراح طريقة عزل مواسير التكييف بيقول لا لازم تعزل كل المواسير الساقع والسخن
انا مش قادر افهم اعزل السخن لية مهو كده كده اصلا الجو اللي حوالية سخن زية من الماتور والشمس

طيب لو عزلت المواسير الشخنة كمان ده مش خطر على الكمبرسور ؟؟

ولكم جزيل الشكر

اقتباس:

---

المشاركة الأصلية كتبت بواسطة ahmedhosnyi

شكرا يا جماعة على الرد والاهتمام وجزاكم الله خيرا

اللي انا مقتنع بية اني اعزل المواسير الساقعة بس بس كلام استاذ مصطفي حسن اللي عامل الفيديوا وشراح طريقة عزل مواسير التكييف بيقول لا لازم تعزل كل المواسير الساقع والسخن
انا مش قادر افهم اعزل السخن لية مهو كده كده اصلا الجو اللي حوالية سخن زية من الماتور والشمس

طيب لو عزلت المواسير الشخنة كمان ده مش خطر على الكمبرسور ؟؟

ولكم جزيل الشكر

---

كلامك سليم... الغرض الأساسي من دايرة مكيف الهواء هو التبريد.. وده بييجي عن طريق التخلص من الحرارة الزايدة جوه الصالون ونقلها لخارج السيارة...

طبعا... كل ما كان فقد الحرارة الزايدة أكبر كانت كفاءة التكييف أحسن... وكمان المفروض نقلل من اكتساب الحرارة من الجو الخارجي (ما عدا الثلاجة طبعا)

الكلام ده بييجي عن طريق عزل المواسير السقعة علشان تحافظ على برودتها وبالتالي الحمل الحراري على الكمبريسور بيكون أقل وكفاءته أحسن.. وكمان أحاول اتخلص من أي حرارة زايدة علشان يفضل الفريون السائل في حالته السايلة .. ولما ييجي يتبخر عند الاكبانشن يقدر يمتص أكبر قدر من الحرارة



...

ايوه يعني انا دلوقتي اعزل المواسير الساقعة بس ولا الساقعة والسخنة كمان :d

الساقعة بس


...

العزل بيكون لمواسير الساقع فقط

انا عزلت الساقعه بس والنتيجه كانت ممتازه

سؤال محيرني
طيب ليه صُناع العربيات مش بيعملوا موضوع العزل ده
رغم انها حاجة بسيطة
وهل ممكن اعمل الموضوع ده في عربية جديدة .. ؟؟

اقتباس:

---

المشاركة الأصلية كتبت بواسطة albasha

انا عزلت الساقعه بس والنتيجه كانت ممتازه

---

طيب ده بيتم ازاي , يعني لازم فني اللي يعمل كده و لا حضرتك عملتها بنفسك , وايه الخامات اللي استخدمتها

اقتباس:

---

المشاركة الأصلية كتبت بواسطة a_h_m_a_d

طيب ده بيتم ازاي , يعني لازم فني اللي يعمل كده و لا حضرتك عملتها بنفسك , وايه الخامات اللي استخدمتها

---

مش محتاجة فني حضرتك... ماسورتين خرطوم اسود عازل من محل قطع غيار تلاجات وشوية افايز بلاستيك سودة ... وشق الخرطوم بالطول وركبه عالماسورة الساقعة واربط بالافايز

تقبل تحياتي

اقتباس:

---

المشاركة الأصلية كتبت بواسطة sonaeg

مش محتاجة فني حضرتك... ماسورتين خرطوم اسود عازل من محل قطع غيار تلاجات وشوية افايز بلاستيك سودة ... وشق الخرطوم بالطول وركبه عالماسورة الساقعة واربط بالافايز

تقبل تحياتي

---

يتلف بورق عزل مفضض افضل من القفزان

دلوقتي احنا قدام رأيين الاول نعزل المواسير الساقعة فقط والثاني فيديو بيوضح عزل المواسير الساقعه والسخنه نعمل ايه ؟

اعزل ساقع عشان مايسخنش ويقفد بروده وسخن عشان مايسخنش اكتر لان الخط دا هو خط تكثيف او تحول الفريون من غاز لسائل عشان كدا سخن بالذات لو الماسوره جنب فرن او قريبه من مانفولد او قريبه من بلوك الموتور لان درجة الحراره في الخطين خط السحب( الماسوره البارده قطرها اكبر وبلفها اصغر او خط الراجع خط الغاز الخاصه بالضغط الواطي او ضغط المبخر ) وخط الطرد ( خط السائل الخاصه بالضغط العالي ضغط الكوندسر او المكثف الماسوره الساخنه الاقل قطرا وبلفها شحنها اكبر من التانية)
الحراره سواء عاليه (سخن) او قليله (بارد) بتعبر عن ضغط معين للجزء المتعلق بيه سواء مكثف (سربنتينه) او مبخر (تلاجه)
ودا بيأثر على ضبط الشحنه وبيأثر على كفائة عمل التكييف
الفكره من فيديو الاستاذ مصطفى انه بيشير لعزل الماسوره السخنه او خط الضغط العالي بسبب كدا
بس لو السربنتينه او الكوندنسر سخنت جدا لاي سبب وساخه خارجيه او كيس او ورقه او اي شيء اخر دا هايزود الضغوط وهايرفع الحراره مع وجود العزل وهايسخن الدنيا في حوض الموتور وممكن يسخن العربيه دا غير ان التكييف ممكن مواسيره تضرب مع زياده الضغط يعني خلي بالك لو عزلت السخن( وماتعزلوش كله) مع الحرص على النظافه والتاكد من عدم وجود اي عوائق تقلل من تبريد السربنتينه

انا عزلت البارد بس
فى فرق بس 10% فقط او اقل

نظف السربنتينه واعزل الاجزاء المتعرضه للسخونه الزياده من الماسوره السخنه وقيس الضغوط عندك يمكن الشحنه مش مزبوطه

هعملها ان شاء الله مع الغاء السخن عشان أحسن التكييف مشكور يا غالي

Fff