إيه أفضل أنواع مراوح الحائط والستاند ؟

السلام عليكم
مع دخول الصيف وارتفاع فواتير الكهرباء إلى الضعف لازم نشوف حل بدل تشغيل التكييف علطول لأن اللي عنده تكييف دلوقتي يعتبر من الأغنياء ! والفاتورة بدل ما كانت بتجيلي 250 جنيه ممكن تيجي 500 أو أكتر فقلت أجيب مراوح تطري شوية لما يكون الجو مش حر أوي وأهو نوفر شوية في الكهرباء
والسؤال إيه أفضل الأنواع لو عايز أجيب مروحة بتتركب على الحيطة (مش السقف) وواحدة تانية تكون ستاند
أنا عندي ماكسيل سيئة جدا وندمت إني اشتريتها وعندي توشيبا ستاند شايفها كويسة لحد دلوقتي بس ياريت لو في أنواع تانية أحسن حد يفيدنا
وشكرا

عندي توشيبا ممتازة
بدون اعطال نهائيا

بعد تجارب اكتر من نوع سقف وحائط وعندى فى الشغل المراوح اساسى

فيه مراوح كبيره 28 و 30 بوصه جبت منها الصينى ومنها فريش مصرى

منها الحائطى ومنها ستاند المروحه الفريش الكبيره دى من الاخر اعصاااااااااااار بجد بس عيبها انها صوت الريش مع الهواء عالى بالذات مع اقصى سرعه بس اعصار مش مروحه ههههههههه

عن تجرية لمرواح توشيبا وفريش الانتاج الحالى
فريش احسن بكتير جدااا من مراوح توشيبا
اشتريت استاند ومراوح سقف من النوعين وبصراحه فريش مفيهاش زنه ولا صوت خالص
اما توشيبا فصوت زنهم حاجة كده تطفش
ويا سلام على صوت المروحة الاستاند وهى بتلف ..... حاجة كده تصحى الواحد من النوم ده اذا عرف ينام اساسا من الصوت

انا مش عارف شركة العربى بقى انتاجها جودته فى النازل كده لية
الواحد بيزعل لما يكون فى شركة وطنية ومحترمة وليها اسمها فى السوق
وتلافى مستوى جودتها فى النازل كل يوم

انا بحب الفريش

أنا التوشيبا اللي عندي صوتها تقريبا مش بتسمعه حتى لو بتلف مش عارف ليه عند حضرتك فيها مشكلة
أما فريش فمش عارف ليه مش ببلع منتجاتها وبحس انها رديئة واسم على الفاضي عاملة زي كريازي كده !

فريش استاند سيئه - صوتها عالى جدا و مزعجه
http://mtjre.com/upload/image_1352295055.jpeg
http://mtjre.com/upload/image_1352295166.jpeg

المراوح اللى من غير ريش المفروض انها مش هتكون مزعجه و شكلها حلو جدا
حد جربها ؟؟
http://cf4.souqcdn.com/item/2013/09/...02_2932618.jpg
http://www.google.com.eg/url?sa=i&so...99831167953353

اقتباس:

---

المشاركة الأصلية كتبت بواسطة shiko85

المراوح اللى من غير ريش المفروض انها مش هتكون مزعجه و شكلها حلو جدا
حد جربها ؟؟
http://cf4.souqcdn.com/item/2013/09/...02_2932618.jpg
http://www.google.com.eg/url?sa=i&so...99831167953353

---

ياريت فعلا حد يكون جربها ويقولنا تجربته علشان ممكن تكون ضعيفة مش زي الريش

توشيبا أو بناسونيك
فقط لا غير

اقتباس:

---

المشاركة الأصلية كتبت بواسطة salodas

توشيبا أو بناسونيك
فقط لا غير

---

باناسونيك ؟
في منها حائطي وستاند ؟ ولو في بكام وعند مين ؟ وياباني ولا صيني ؟

اقتباس:

---

المشاركة الأصلية كتبت بواسطة shiko85

المراوح اللى من غير ريش المفروض انها مش هتكون مزعجه و شكلها حلو جدا
حد جربها ؟؟
http://cf4.souqcdn.com/item/2013/09/...02_2932618.jpg
http://www.google.com.eg/url?sa=i&so...99831167953353

---

دي ما تنفعش تستخدم كمروحه لانها ضعيفه . استخدامها الأمثل مع التكييف علشان توزع الهواء البارد اللي خارج من التكييف بشكل جيد في جميع الانحاء بتاعه الغرفه

فريش الصغيره كويس انما الكبيره تحس ان فاضلها 50 لفه في الدقيقه و تتحول طياره من صوت الريشه مع الهوا بس الصراحه جباره و الكبيره فيها عيب تاني هو موش عيب اوي بس عاوزه تربيط كويس اوي اوي يعني واحد شاطر هو اللي يربطها اما التشوشيبا التقفيل بتاعها ماعجبنيش في المعرض و حسيت ان هي هي التورنيدو بس فرق السعر الاتنين بيتقفلو في العربي بس اللي بيتقال ان واحده يباني و واحده صيني انا شوفت الفريش كويسه بس احسن هات اللي بالريموت علشان التايمر بيفيد جدا خصوصا و انت نايم علشان تفصل لواحدها بعد الفجر علشان جسمك ما يتعبش انا عندي اصغيره و الكبيره

اقتباس:

---

المشاركة الأصلية كتبت بواسطة Land_Cruiser

دي ما تنفعش تستخدم كمروحه لانها ضعيفه . استخدامها الأمثل مع التكييف علشان توزع الهواء البارد اللي خارج من التكييف بشكل جيد في جميع الانحاء بتاعه الغرفه

---

:Copy of rfds::Copy of rfds::Copy of rfds:
كانت عجبانى جدا

افضل مروحة فى مصر
توشيبا العربى
خامات جيدة واداء ممتاز ومعمرة

فريش ذبالة ومنتجاتها معظم مكوناته صينى

بالنسبة لصوت المراوح يجب تزييت وتشحيم المحاور كل عام
لتضمن اداء جيد ومريح وهادى وكمان لتحافظ على اطالة العمر الافتراضى للمروحة

اقتباس:

---

المشاركة الأصلية كتبت بواسطة أبو آسر

باناسونيك ؟
في منها حائطي وستاند ؟ ولو في بكام وعند مين ؟ وياباني ولا صيني ؟

---

** الى عندى نوعين واحدة سقف والأخرى حائط ... والأتنين افضل من بعض أكتر من ممتازين.

** مش فاكر الأسعار لأنى شاريهم من أكتر من 4 سنوات .. لكن على ما اتذكر السقف بحوالى 370 جنيه والحائط 250 ج .

** السقف يابانى ... الحائط صينى ولكن مفيش منها أى مشكلة .

يبدو إن معظم الآراء مستقرة على توشيبا وهو الراجح بالنسبة لي لحد دلوقتي
وباناسونيك هدور عليها برده لو لقيتها وياباني أكيد هتكون أفضل بلا شك وإن كنت أشك إني هلاقي منها ستاند
محدش جاب سيرة بعض الماركات الأخرى زي بلاك آند ديكر مثلا يبدو إنها غير منتشرة أو مش بجودة الباقين
ياريت لو أي معلومات تانية محدش يبخل بيها
وشكرا

جبت فريش ال 16 كانت ب 260 تقريبا و ال 18 ب 320 و الاتنين بدون ريموت ولو كنت عارف ان الريموت فيه تايمر كنت جبتها بيه
ال 18 فيها ionizer صحيح انا مش عارف هو اشتغاله ولا فعلا بيشتغل بس اهو اوبشن :D

توشيبا طبعا

اقتباس:

---

المشاركة الأصلية كتبت بواسطة أبو آسر

يبدو إن معظم الآراء مستقرة على توشيبا وهو الراجح بالنسبة لي لحد دلوقتي
وباناسونيك هدور عليها برده لو لقيتها وياباني أكيد هتكون أفضل بلا شك وإن كنت أشك إني هلاقي منها ستاند
محدش جاب سيرة بعض الماركات الأخرى زي بلاك آند ديكر مثلا يبدو إنها غير منتشرة أو مش بجودة الباقين
ياريت لو أي معلومات تانية محدش يبخل بيها
وشكرا

---

البلاك اند ديكر ضعيفه جدا انا اشتريتها و رجعتها في نفس اليوم و الجاك بتحتاج تزيت على طول و بتقفيش بسرعه و كان في نوع كان كويس اه كانت وايت ويل كانت كويسه. الفريش معمره على فكره بالرغم ان كل المكونات صيني

انا عندى مروحتين فريش بقالهم 4 سنين وشغالين كويس ومفيهومش مشاكل........وعندى والدى 2 بردوا اقدم من كدا وبردوا فريش وشغالين تمام

اقتباس:

---

المشاركة الأصلية كتبت بواسطة طارق _عبد السلام

بعد تجارب اكتر من نوع سقف وحائط وعندى فى الشغل المراوح اساسى

فيه مراوح كبيره 28 و 30 بوصه جبت منها الصينى ومنها فريش مصرى

منها الحائطى ومنها ستاند المروحه الفريش الكبيره دى من الاخر اعصاااااااااااار بجد بس عيبها انها صوت الريش مع الهواء عالى بالذات مع اقصى سرعه بس اعصار مش مروحه ههههههههه

---

استاذ طارق ممكن اعرف سعر الاعصار بكام لو سمحت :help2:

توشيبا كويسة فرأي

اقتباس:

---

المشاركة الأصلية كتبت بواسطة ahmed salah90

فريش الصغيره كويس انما الكبيره تحس ان فاضلها 50 لفه في الدقيقه و تتحول طياره من صوت الريشه مع الهوا بس الصراحه جباره و الكبيره فيها عيب تاني هو موش عيب اوي بس عاوزه تربيط كويس اوي اوي يعني واحد شاطر هو اللي يربطها اما التشوشيبا التقفيل بتاعها ماعجبنيش في المعرض و حسيت ان هي هي التورنيدو بس فرق السعر الاتنين بيتقفلو في العربي بس اللي بيتقال ان واحده يباني و واحده صيني انا شوفت الفريش كويسه بس احسن هات اللي بالريموت علشان التايمر بيفيد جدا خصوصا و انت نايم علشان تفصل لواحدها بعد الفجر علشان جسمك ما يتعبش انا عندي اصغيره و الكبيره

---

بالنسبة للفرش
حضرتك بتتكلم على الكبيره و الصغيره
يا ترى الفرش الشبح 18 بوصه - تقييمها ايه
( كبيره و لا صغيره )
وبوجه عام سرعتها وصوتها ايه ؟

كمان فى المراوح الصيني الكبيره زى اللى فى الكافتريات
وبتكون اكبر من ال18 بوصه بس عارف هى كام بوصه
و احجامها بتختلف من وسط الى كبيره جدا
واسعارها من 380 وانت طالع
وطبعا اسماء او حروف مجهولة بالكامل كماركة
يا ترى لو جبتها فى البيت هتكون عمليه بالذات لو اخترت اللى اكبر من ال18 بوصه بس مش كبيره جدا ( وسط )
ولا خلينى فى الفرش الشبح

اسف للاطاله
وارجو النصيحه

متابع

الحمد لله اشتريت الشبح
كان فى اسعار
375
360
واللى اشتريت بيه 330 ( الراجل كان صايم ال6 البيض ورايح يفطر المغرب فاكرمنى بسعر من النهايه جزاه الله خيرا )


هواها فعلا شديد
الصوت عالى على رقم 3


اشتريت كمان مروحة سقف صيني
ماركة هونداى على الكرتونه
وعلى المروحة ولا كلمه
سرعه الدوران عاليه
لكن هواء
مفيش مفيش

اقتباس:

---

المشاركة الأصلية كتبت بواسطة yuong313

استاذ طارق ممكن اعرف سعر الاعصار بكام لو سمحت :help2:

---

28 بوصه 480 و30 بوصه 550

من الاخر
سقف تبقي تورنيدو 56 بوصه
اشتانذ اوحائط فريش الشبح
بقالهم عندي 5 سنوات

بما انى اشتريت بالفعل المروحة - الكلام على السقف الصيني هونداى -
وبما انها بتلف بسرعه
بس من غير ما تجيب هواء - الا اسفل منها مباشره

واللى كانت راكبه وحاليا محتاجه تتصلح ( تغيير الرولمان بلى ) كانت بتجيب هواء

يا ترى ينفع افك الريش واركب الريش القديمه ( لو تطابقت مسافات المسامير )
مع ملاحظة ان ريش القديمه اللى عايز اركبها بدل الحاليه - اثقل فى الوزن --
؟؟؟؟؟؟؟

اقتباس:

---

المشاركة الأصلية كتبت بواسطة elpasha1

من الاخر
سقف تبقي تورنيدو 56 بوصه
اشتانذ اوحائط فريش الشبح
بقالهم عندي 5 سنوات

---

اللى كان موجود
سقف
فرش ب140/150
نيو ناشنوال ب 110
اللى جبتها هونداى ب100