شىء غريب والله هوه صاحب الموضوع ذل حد يا جماعه بصراحه الموضوع الراجل بيسأل سؤال اللى عاوز يفيده يفيده بالحسنى
زى اول ردين فى الموضوع اللى قاله رحم الله رجل سمحاً إذا باع واذا اشترى
عرض للطباعة
طيب يعنى حضرتك مبسوط من موضوع الايجار الجديد وحط نفسك مكان المستأجر
واحد مرتبه 2000 جنيه
وواخد شقه السنه دى ب 500 جنيه
وكل سنه صاحب الشقه مش هيجددله بحيث لو جددله هيزود 100 بس فمبيرضاش يجدد له ويجيب ساكن جديد ب 800 مثلا وهكذا
ولى زملاء كل سنه بيعزلوا من مكان لمكان وكل سنه يفك العفش ويجيب شركه تنزله وتطلعه وهوو وولاده تاعبنين جداً فى الموضوع ده
متفتكرش ان اصحاب البيوت ملايكه
اللي اجر البيت بالتمن دا جد جدي لا انا استفدت ولا ابويا استفاد ولا اعمامي استفادو
و بعدين انا حر ابيع الشقه ان شلا ب مليون جنيه هي مش ملكي ولا ايه
و لو انتا حسبتها هتلاقي الإيجارات المفروض تزيد ولو جنيه
يعني بيتي اللي عمره 85 سنه و الناس مش راضيه تسيبه لو كان الإيجار غلي بنسبه بسيطه كل سنة كان زمانه وصل للسعر الموجود دلوقتي
لما المستأجر يرميلك 10 جنيه و يقولك هي دي مفيش غيرها و كتر خيري اني بديك زيادة
تقوم تعمل ايه ! طبعا ارميها ف وشه و العن سلسفيل النوعيه دي من الناس
مش حلال ليا و حرام ليه .. البيوت دي غالبا بتبقي ورثه من جد و جدين و 3 و بيبقي فيها ميت فرد
يعني ال مئات الألوف اللي حضرتك بتتكلم عليها دي هتتقسم علي 30 فرد ولا حاجة
دا غير ان مفيش حد هيشتري شقة بمئات الألوف ف بيت عمره اكتر من 50 سنة
يبقي لازم تهد و تبني البيت من اول و جديد و تصرف مليون ولا حاجة
بالنسبة بقي لموضوع السن انا سني 22 سنة بس اتربيت اني مظلمش حد و أراعي ربنا ف الناس
و ان ضميري يبقي صاحي وممصش دم الناس
ولا تزعلوا نفسكم خالص مش هسيب الشقة ومش عاوز تمن التشطيب ومش هخلي صاحب البيت يستفيد بفرق الايجار اللي هو ممكن يبقي ضعف الايجار عشر مرات دلوقتي
هعمل ايه ؟
خلي ابوك وامك يعزلوا يا ابني واقفل الشقة وادفع له الايجار كل شهر معزز مكرم لحد شقته
بس خلاص
العقد شريعة المتعاقدين انا وانت اتفقنا علي حاجة والحكومة والدولة مقننة الموضوع دا
وبعدين سؤال الاخ مش عن مدي حلال وحرام الايجار القديم السؤال اعمل ايه لو موصلش لحل وسط
لو الايجار القديم حرام ما صاحب البيت مشارك في نفس الذنب يبقي ليه هو ياخد الشقة ببلاش والمستاجر يسيبها
بصراحة اللي مقتنع بشئ يعمله ولو هو شايفه حلال
نظرا لتناقد الاراء و المشدادات فى الكلام
كنت عايز انهى الموضوع دة بفيديو لعمرو خالد بيتكلم فيه عن حاجة زى كدة
انتة ادرى بظروف صاحب العقار وظروف ولادة و اظن حضرتك عارف كل دخل العقار اية !! " اكيد مبلغ زهيد "
لو ربنا كرمنى فى مكان تانى احسن واريح ليا ,, ممكن تسبها بسماحة ,, وهتشوف بجد كرم ربنا عليك " ربنا بيقول للملائكة اعبدى اكرم منى " ؟؟ تقدر تتخيل معنى الكلمة دى وكرم ربنا عليك