انا هرد بس على الحتة بتاعة البنزين وده لأن معايا فوكاس ونفس القصة , انا مجربتش الجيتا ولا الباسات
فى البداية كنت شغال 95 بس زى ما مكتوب على التنك والكتالوج وكانت العربية تمام جرى وصوت الموتور ناعم وان كان مع القرص الجامد على سرعات قليلة ممكن ساعات تسمع صوت سقفة خفيفة ( الـ 95 المصرى)
لحد لما لقيت العملية مش جايبة همها وخصوصا انى بمشي كتير بالعربية فا بقيت شغال 92 , طبعا سحب اقل وصوت موتور اخشن شوية وصوت التسقيف زيادة مع القرص .. وكنت كل فترة احطلها علبة منظف لدورة البنزين على تفويلتين تلاتة 95 لما احس ان العربية ابتدت تشتكى
لما ال 95 غلى .. طبعا من يومها مشمتش ريحتة ولا هتشمها :)) ... بقيت كل فترة لما احس العربية ابتدت تعانى علبة منظف على 3 او 4 تفويلات octane booster بيظبط العملية واستهلاك البنزين بيتحسن , طبعا مش زى ال 95 بس نص العمى بقى
اضرار التسقيف وطبعا كل مالتسقيف يزيد الضرر هيزيد .. انها ممكن تطير piston or connecting rods ومع الوقت هتأثر عليهم وطبعا كفاءة حريق اقل مع كل اضرارها .... العملية كلها ان البنزين بيحصله self ignition قبل ال ignition time (قبل شرارة البوجيه ) اللى مظبوط مع الـ piston stroke
فا تخيل مكبس طالع يضغط هوا ومره واحده يحصل انفجار وتمدد للغازات اللى جوه ال cylinder والمكبس طالع لسه والبوجيه يدى شراره بعد مالخليط اتحرق وده كله عامل مقاومة لحركة المكبس اللى غصب عنه هيتحرك لفوق عن طريق الكرنك وال connecting rods
ناوى على الباسات (مبروك مقدما ) بس تبقى حاسس بالعربية وعارف انت بتعمل ايه وازاى تتعامل معاها وتحافظ عليها , هيبقى فى نسبة ضرر اكيد بس هتبقى اقل , اهم حاجة تبقى حاسس بالعربية امتى تعمل صيانات وتهتم بيها اكتر وامتى تستخدم octane boosters وهكذا