الموضوع: هل ممكن خلط الزيوت

للأسف، خلط الزيوت مرفوض تماما... حتى لو كان ليهم نفس اللزوج ونفس مستوى الخدمة


المشكلة الأساسية هي اختلاف الإضافات الموجودة في الماركتين... واللي ممكن يعملوا تفاعلات غير محسوبة ونتايجها غير محددة ... لإننا كمستخدمين ما نعرفش إيه الإضافات اللي موجودة في كل زيت بالتحديد.


لو عايز معلومات زيادة.. اتفضل وادخل على الموضوع ده
http://www.nilemotors.net/Nile/341680-a.html

وتحديدا في المشاركة الثانية والثالثة... هتلاقي معلومات على موضوع خلط الزيوت



...

المشاركة الأصلية كتبت بواسطة mahmoud_ali

باشا راى حضرتك ايه فى كاسترول لان انا كنت بغير شل وخلاص اتوقف انا عربيتى لانسر 2007 ماشيه 80000

أنهي كاسترول وأنهي شل ؟؟؟

علشان تقارن لازم تجيب زيتين ليهم نفس اللزوجة ونفس مستوى الخدمة وتقارن بينهم... غير كده لا يمكن لإنك هتبقى عامل زي اللي بيقارن التفاح بالعنب.

تاني حاجة... ممكن جدا تكون بتحط زيت غير مناسب لموتور عربيتك... ويبقى ساعتها لازم تغير مواصفات الزيت ... مش ماركته

تالت حاجة... مفيش فروق محسوسة بين ماركات الزيوت... ولو اشتريت زيت مناسب للموتور زي ما الكتالوج بيقول... اشتري أي نوع زيت يعجبك وتثق فيه.

بس لو اشتريت ما تعملش حاجة واحدة... ما تخلطش ماركة زيت مع ماركة تانية... ويفضل كمان تثبت على نوع واحد بقدر الإمكان.



لو عايز معلومات أكتر ممكن تدخل على الموضوع اللي في الرابط اللي فوق



...

المشاركة الأصلية كتبت بواسطة mahmoud_ali

لا ياباشا انا قصدى على شل الترا 10000 وبقارنه ب كاسترول ايدج اللى هوا برضوا 10000 وهما الاتنين نفس اللزوجه اللى الكتالوج موصى بيها انا بس كنت بسئلك على كاسترول ايدج هل هوا موثوق فيه من وجهة نظرك ولا لا

كاسترول من أكبر شركات الزيوت في العالم



...