تركيب مقياس حرارة للتريوس 2007

**mhamed70** · 12-05-2014 10:56 AM

تحب تركب مقياس لحرارة الموتور للتريوس وخصوصآ مع الصيف
الفكرة هي أن التريوس لا يوجد بها مقياس لحرارة الموتور بها فقط مبين أخضر c للبارد أو لا قدر الله مبين أحمر h للساخن - ولذلك دورت في نجيب الريحاني والتوفيقية لقيت الأرخص بالتوفيقية مقياس حرارة من 40 الى 120 درجة بمؤشر وحساس الحرارة بتكلفة 60 جنية - والتوصيل للمقياس فية 3 سلك - سلكين 12فولت وأرضي من الولاعة بالتابلوه والسلك التالت بيتوصل بالحساس - الحساس يتربط مع ماسورة معدن للماء الساخن الي جاي من الموتور ورايحة للراديتير - أرضي الماسورة المعدن الملامسة للحساس هو سالب البطارية وبالتالي بيبقى أرضي الحساس.

الأفضل أستخدام ورق الألومنيوم الفويل كحشوة حول الحساس والماسورة وبينهم لضمان أيصال الحرارة من الماسورة الساخنة والحساس بصورة جيدة .

**alemam2005** · 12-05-2014 07:26 PM

فكره كويسه بس فيه صور بعد التركيب

**mo7a_mo7a** · 12-05-2014 10:14 PM

بس انت كده حتقيس حرارة اشعاع الماسورة مش درجو حرارة الموتور وحيكون في فرق كبير في درجات الحرارة

علشان تقيس درجة الحرارة صح لازم الحساس يركب اما داخل كوعة الماء او في وش السيليندر

تحياتي علي الفكرة

**bmya** · 13-05-2014 03:10 AM

فكره حلوه بس هتسفيد ايه من معرفه درجه حراره الموتور

**mhamed70** · 25-05-2014 11:33 PM

الحمد لله
النهاردة عملت الوصلة المعدن وركبت فيها سنسور الحرارة وتم تركيبها على خرطوم الماء الساخن القادم من الموتور وتم تلافي خطأ فرق القراءة السابق - وعملت مقارنة القراءة بالترمومتر المدرج حتى 100 درجة والحمد لله تطابقت القراءتان