هل من الممكن القضاء على جنون الأسعار للسيارات الألمانية المستعملة (خصوصا مرسيدس)

أنا من فترة كنت طرحت سؤال بالنسبة للمرسيدس B CLASS وهل هى حريمى ولا لأ
المشكلة يا جماعة إنى مشتريتهاش لأنى إبتديت أقارن بين أسعار العربيات فى مصر والعربيات فى كل حتة فى العالم وبصراحة جالى صدة نفس
مش هاتكلم فى الزيرو لأن طبعا معروف الأسباب لإرتفاع أسعاره
بس بتكلم عن عربيات مستعملة وبرضه الناس ضاربين أرقام هبلة وبيحاولوا يبيعوها بأسعار حرام والله
أكيد سوق المستعمل بيتأثر بسعر الزيرو بس مايبقاش الفرق فظيع كده بين مصر وبين الدول اللى برة.
إللى راح دول الخليج هايعرف إن المرسيدس والبى إم بيبخروهم عشان يتباعوا هناك وأسعارهم فى التراب
أمثلة
1- مرسيدس عيون بحالة جامدة جدا والله سعرها يوازى ممكن 26000 جنيه
2- بي أم الفئة الخامسة مامشيتش حاجة موديل 2004 سعرها مش مكمل 60000 جنيه
وأمثلة كتير تحرق الدم و ده بيعلل انك بتلاقى إللى رايح يقف فى فرن فى الخليج تلاقيه راجع بزلمكة ضارب عليها نمر جمرك وجاي يتمنظر بيها على الخلق رغم ان ال 128 هنا أغلى منها والله
ال B class اللى كنت بتكلم عليها لقيتها راكبها هناك ناس غلابة جدا و 170 مش 150
يمكن دى فضفضة بس هل ممكن من الأعضاء المحترمين حد يقول أقتراحات عشان إذا كانت الجمارك مش هاترحمنا يبقى احنا نرحم نفسنا ونحل مشكلة الأسعار بنفسنا وبالتالى إذا انخفض سعر المستعمل ممكن الزيرو ينزل كمان
انا عارف اكيد كام واحد او كلكم هاتقولوا ايه المجنون ده بس مين عارف يمكن ربنا يكرم ونفكر مع بعض ونلاقى حل

انا مش فاهم اية يعني مرسيدس و لا بي ام زيها زي اي عربية لما بتقدم تبقى كهنة
و تيجي تلاقي عربية مرسيدس موديل 90 صاحبها عايز فيها 100 الف
لية يعني هو اصلا مكنش شاريها جديدة بالمبلغ دة

دة غير ان في مصر محدش بيشوف العربية ماشية كام كيلو
انا دخلت على موقع بيعرض اسعار العربياتالبي ام في امريكا
العربية كل ما تكون مشيت كتير كل ما سعرها بيتخسف بية الارض
كان في بي ام موديل 1996 6سلندر سقف متحرك مفيهاش خدش كأنها جديدة و ماشية 100 الف كيلو او اقل ب 3300 دولار يعني 20 الف جنية

بجد حرام اللي بيتعمل فينا في البلد دة

اظن ان العميل هو الذى يحدد سعر البيع ويريد ان يسترد فلوسة التى دفعها
فى الخارج يوجد قانون الجميع ملتزم به وهو ان كل عام يمر على سنة الصنع له نسبه مئوية تخصم من ثمنها لكن هذا لا يعتمد فى مصر
كما ان فى الخارج توجد وكلات لبيع السيارة وللعلم ليس بها خدش واحد وكذلك قطع الغيار اصلية من بلدها
سيدى انت فى بلد السيارة فرز 15

اقتباس:

---

المشاركة الأصلية كتبت بواسطة dr_abooody

انا مش فاهم اية يعني مرسيدس و لا بي ام زيها زي اي عربية لما بتقدم تبقى كهنة
و تيجي تلاقي عربية مرسيدس موديل 90 صاحبها عايز فيها 100 الف
لية يعني هو اصلا مكنش شاريها جديدة بالمبلغ دة

دة غير ان في مصر محدش بيشوف العربية ماشية كام كيلو
انا دخلت على موقع بيعرض اسعار العربياتالبي ام في امريكا
العربية كل ما تكون مشيت كتير كل ما سعرها بيتخسف بية الارض
كان في بي ام موديل 1996 6سلندر سقف متحرك مفيهاش خدش كأنها جديدة و ماشية 100 الف كيلو او اقل ب 3300 دولار يعني 20 الف جنية

بجد حرام اللي بيتعمل فينا في البلد دة

---

الله ينور عليك . البيع و الشرا في مصر غير الدنيا كلها يعني في أوروبا و أمريكا لما تشتري مستعمل تشوف الماتوووور ماشي كم
كيلو أو ميل ومحدش طبعا بيلعب في عداد العربيه .مش في مصر أول حاجه
يقولك رشه بره و جوه و مش عارف إيه يعني بتكون عربيه مصنعه من حاجه و ٣٠ سنه و ده يقولك رشه ولا مش رشه :majd(4):

الغالى ثمنة فية

انت بتتكلم على المرسيدس
انهارده وانا فى التحرير شوفت عربيه الفاروميو موديل 74 تقريبا كاتب عليها بحاله جيده!!!!!!!!!وغيره تلاقيه كاتب فابريقه
دعربيه بقالها يحى 40 سنه و بحاله جيده و فابريقه كمان

انا شايف(وده رأي اشخصي) ان العيب في فينا احنا, التجار مصريين و الحكومة مصرية و الي بيبيع بالغالي و بينصب في حالة العربية مصري...
للاسف يا جماعة هذه حقيقة و بقى شكلنا وحش جدا قدام العالم, انا مرة ناقشت من فترة شخص سعودي بالنسبة لاسعار السيارات عندنا و عندهم, قالي "بصراحة و من غير ما تزعل, انتم معروف عنكم انكم بتحبوا الفلوس اكتر من نفسكم" و للاسف فعلا انا سمعت بعد كدة الكلام دة من اكثر من واحد و اكثر من جنسية,,,
انا حضرب مثال اكيد بعضكم يعرفة جيدا, و هو لو شوفنا سعر "الهمر" الh3 في بلد منشأها في امريكا من معظم الوكلاء سعرها يتراوح بين 30000 و 40000 دولار حسب كمالياتها, يعني متوسطها حوالي 192500 جنيه مصري, نيجي نشوف سعرها هنا بعد الجمارك و عمولة التاجر و الذي منة ,حنلاقيها بتتباع بحوالي 900000 جنيه, يعني فرق 700000 جنيه الي بيشتريها بيدفعهم في الهواء ذياده عن قيمتها الاصلية,,,طبعا حتقولولي طيب برده فيه شحن من بلدها و كمان التاجر من حقه يكسب, فعلا هذا صحيح و لكن نأخذ نفس المثال و نشوفها بتتباع في السعودية او الامارات بكام حنلاقيها من 250000 الي 300000 جنيه مصري, طبعا الفرق واضح, و الي انا مستغرب ليه جدا ان ليه مبتطبقش القيود السعرية من الشركات المصنعة على الوكلاء المصريين, هل يا ترى بيقوللهم ان المشتري بيشتري و مبيهموش و معندوش اي اعتراض على السعر؟؟؟؟؟...
على فكرة الفترة الفائتة كان فيه ارتفاع في اسعار السيارات في دول الخليج و سببها الازمة الاقتصادية و برده جشع من الوكلاء الرسميين, فرفع الخليجيون تظلمات كثيرة للشركات المصنعة و بدأوا حمله لمقاطعة جميع الموديلات الجديدة و سموا الحمله "خلوها تصدي و موديلها يعدي", اكيد من منكم سمع بها. لكن مااظنش ان الموضوع ده ممكن يحصل في مصر عشان السبب الاساسي عند الشراء هنا هو "المنظره" ثم تأتي بقية الاسباب...

شكرا و اسف على الاطاله...

يا جماعه احنا فى مصر بلد العجايب
وكل شيئ عندنا جايز
فى حاجات كتير عندنا مش موجوده حتى فى بلاد اكثر تخلفا منا
هى دى مصر......
م/خالد

واحد صحبى مهندس اشترى فيزا حره للسعوديه مخصوص علشان يجيب عربيه مرسيدس 320s موديل 2003 الفياقرا...وكل 6 شهور يروح ويرجع

مصر لا تخضع للقوانين و لا للاعراف و لا للعقل عشان كده كل واحد بيعمل الى هو عايزه فى الناس


انا اشتريت جراند بونتو شهر 5 لقين سعر العربيه فى الفاتوره بعد الجمرك واخد بالك من بعد الجمرك ده حوالى 82 الف و الباقى مش عارف ضريبه ايه و دمغه ايه
يعنى اكتر من 20 الف ضريبه و دمغه غير مبلغ الجمرك اساسا الى حنكون طيبين و نقول انه 20 الف كمان اذا عربيه ب 60 الف بتشتريها هنا ب 104 الف و ادفع يا مصرى عشان معاك فلوس كتير
ربنا يرحمنا و يصلح حال البلد

اقتباس:

---

انا مرة ناقشت من فترة شخص سعودي بالنسبة لاسعار السيارات عندنا و عندهم, قالي "بصراحة و من غير ما تزعل, انتم معروف عنكم انكم بتحبوا الفلوس اكتر من نفسكم

---

قوله لو احنا بنحب الفلوس فانتو بتعبدوها .. و لما كنتو انتو زمان مش لاقين تاكلو و كنا بنساعدكم كان بواعز شرعى كنا بنعتبركم اخواتنا لكن انتو بقيتو كلاب سعرانه اول ما شفتو نعمه و ماشيين تتكبرو على الناس ولا يتكبر الا وضيع و نصبتو انفسكم كفلاء فمن يأتى ارضكم تأخذون منه جواز السفر الخاص به و ان كان عربى و مصرى بالذات تعاملونه بعنصريه و تعطونه اقل الرواتب و لكن لا يضير فانتم لا علم و علام و لا اخلاق

اما بخصوص الموضوع الرئيسى فلا تخرج قبل ان تقول سبحان الله
كورولا مو 94 صاحبها فى مصر بيطلب فيها 50 الف
لانسر مو 98 بالمسمى المصرى ( الكريستاله ) صاحبها يطلب فيها 50 الف و يقولك دى حالتها حلوه
يابا الحج العربيه دى ماشيه على الطريق بقالها 15 سنه خلاص موديل اندثر العربيات دى بتتباع بما يعادل 12 الف ج مصرى فى بعض الدول الاوروبيه و فى بعض الدول الاخرى تباع بما يعادل 1200 ج مصرى فقط لا غير
الله يخرب بيت الحزب الوطنى و اللى عمله فينا كان ناقص يسرقو الكحل من العيون خلو الناس بقت مدمنه فساد و قضو على هيئات الرقابه على الاسعار و خلو محدش يعرف يشم نفسه فى البلد الا بالواسطه و الرشاوى