ليه الناس بتفترى فى أسعار المرسيدس المستعمل

**amrico** · 10-10-2008 03:55 PM

أنا من فترة كنت طرحت سؤال بالنسبة للمرسيدس B CLASS وهل هى حريمى ولا لأ
المشكلة يا جماعة إنى مشتريتهاش لأنى إبتديت أقارن بين أسعار العربيات فى مصر والعربيات فى كل حتة فى العالم حتى فى جزر أم حتاتة وبصراحة جالى صدة نفس
مش هاتكلم فى الزيرو لأن طبعا معروف الأسباب لإرتفاع أسعاره
بس بتكلم عن عربيات مستعملة وبرضه الناس ضاربين أرقام هبلة وبيحاولوا يبيعوها بأسعار حرام والله
أكيد سوق المستعمل بيتأثر بسعر الزيرو بس مايبقاش الفرق فظيع كده بين مصر وبين الدول اللى برة.
إللى راح دول الخليج هايعرف إن المرسيدس والبى إم بيبخروهم عشان يتباعوا هناك وأسعارهم فى التراب
أمثلة
1- مرسيدس عيون بحالة جامدة جدا والله سعرها يوازى ممكن 26000 جنيه
2- بي أم الفئة الخامسة مامشيتش حاجة موديل 2004 سعرها مش مكمل 60000 جنيه
وأمثلة كتير تحرق الدم و ده بيعلل انك بتلاقى إللى رايح يقف فى فرن فى الخليج تلاقيه راجع بزلمكة ضارب عليها نمر جمرك وجاي يتمنظر بيها على الخلق رغم ان ال 128 هنا أغلى منها والله
ال B class اللى كنت بتكلم عليها لقيتها راكبها هناك ناس غلابة جدا و 170 مش 150
يمكن دى فضفضة بس هل ممكن من الأعضاء المحترمين حد يقول أقتراحات عشان إذا كانت الجمارك مش هاترحمنا يبقى احنا نرحم نفسنا ونحل مشكلة الأسعار بنفسنا وبالتالى إذا انخفض سعر المستعمل ممكن الزيرو ينزل كمان
انا عارف اكيد كام واحد او كلكم هاتقولوا ايه المجنون ده بس مين عارف يمكن ربنا يكرم ونفكر مع بعض ونلاقى حل

انا عملت نفس المشاركة دى فى المنتدى الأوربى العام عشان الكل يدخل ويشارك

**blazer** · 10-10-2008 04:09 PM

كلامك جميل وكلنا عارفينه
انما للاسف استحاله يتحقق الا بقدره ربنا و مشيئته مش بمجهودنا
يعنى انت لو عندك m5 موديل 2002 هتقلل من تمنها 20 الف جنيه لو عاوز تبعها مثلا عشان سوق المستعمل يرخص
لو انا وانت و كل اللى فى المنتدى عملنا كدا المشكله مش هتتحل وكل اللى نعمله اننا هنخسر فلوسنا مش اكتر
اللى انت بتقول عليه دا ممكن يحصل فى حاله واحده ان مصر تفتح استيراد العربيات من غير شرط ان اكون الماللك الاول ليها
هتلاقى السعر نزل شويه

**Mohamed_Ibiza** · 10-10-2008 04:17 PM

يا جماعة الموضوع مختلف ومينفعش نقارن اسعار السيارات بين الدول وبالذات بين اي دولة وبين مصر الموضوع في فروق كبيرة جدا وصعب انك تقول العربية دي سعرها اد كده بره وفي مصر مش عارف سعرها كام

ولازم نحط في الاعتبار ان الفلوس ذات قيمة منخفضة وعمر الموضوع ميتحسب بالاسلوب ده

**emadno1** · 10-10-2008 04:31 PM

انتو بتتكلمو فى مرسيدس و بى ام طيب ما نتكلم فى ال 128 نا باسمع ارقام مش بصدقها انا مش متخيل ان فى انسان عاقل يدفع فى عربيه موديلات سبعينات 2000 جنيه بس للاسف انا شفت ادام عينى ناس بتتكلم فى 24000 جنيه فى عربيه 128 مو 73 و يقولى اصلها المانى

رحت سائله هى انه حته فيها المانى دا انت مغير صاجها كله مرتين فى الحوادث اللى عملتها يقولى لا د شاسيه المانى الغريب انا قلت هوا مجنون و محدش حيعبره لقيت ناس بتتكلم و تفاصل و يقوله 18000 و 20000 و كلام اهبل و غريب و انت تقولى ليه شدين فى المرسيدس احنا فى بلد الناس فيها شاربه ......... على طول

**dynamic_alpha** · 10-10-2008 04:40 PM

انا بس لي تعليق بسيط

دلوقتي السيارات Mercedez و BMW بتتجمع في مصر علشان تعفى من الجمارك

لكن ده مش باين في الأسعار اطلاقا , يعني الأسعار مفروض تبقى أقل من كدة علشان الجمرك تقريبا مش موجودة

معقولة حاطين هامش ربح كبير كدة ؟

**amrico** · 10-10-2008 05:56 PM

المشاركة الأصلية كتبت بواسطة emadno1

انتو بتتكلمو فى مرسيدس و بى ام طيب ما نتكلم فى ال 128 نا باسمع ارقام مش بصدقها انا مش متخيل ان فى انسان عاقل يدفع فى عربيه موديلات سبعينات 2000 جنيه بس للاسف انا شفت ادام عينى ناس بتتكلم فى 24000 جنيه فى عربيه 128 مو 73 و يقولى اصلها المانى

رحت سائله هى انه حته فيها المانى دا انت مغير صاجها كله مرتين فى الحوادث اللى عملتها يقولى لا د شاسيه المانى الغريب انا قلت هوا مجنون و محدش حيعبره لقيت ناس بتتكلم و تفاصل و يقوله 18000 و 20000 و كلام اهبل و غريب و انت تقولى ليه شدين فى المرسيدس احنا فى بلد الناس فيها شاربه ......... على طول

والله حاجة تضحك فعلا
انا بقى شوفت ألعن من كده ، كان واحد صاحبى بيشترى 128 موديل 75 وبعدين الرجل طلب برضه حاجة زى 26000 وبرضه قال حكاية ألمانى دى واللى يضحك اكتر انه قال انه موديل 75 ده يعتبر (موضيل) عالى (بالضاد مش بالدال) وكمان كان مركبلها مرايات جناب بتترفع لفوق زى ال M5 فأكيد تستاهل السعر ده (ده من وجهة نظره)
طبعا آخر مسخرة وتهريج وشكرا على ردودكم ويمكن فكرة حكاية أول مالك للعربيات المتوردة دى هى أكبر عقده فى الموضوع
يارب يكون فى حد عنده أفكار تانية

**amrico** · 10-10-2008 06:01 PM

ضيف على كده ان مفيش ضمير خالص

**amrico** · 10-10-2008 06:02 PM

ولى سؤال تانى لو قولنا ان البى أم ومرسيدس متجمعين فى مصر هو ليه فعلا السعر العجيب بتاعهم ده هو مش المفروض احنا بنرفع الجمارك على العربيات المستوردة عشان حماية المنتجات الوطنية اللى بتتصنع أو بتتجمع فى مصر
ياريت حد يفهمنا الموضوع ده يارجالة

**mrbond88** · 10-10-2008 06:15 PM

فعلا اتفرجو على سوق ال 128 يا نهار ابيض ...ده انت لو ماشي ب 128 يوم الجمعة في سوق السيارات ممكن تلاقي الناس و التجار بينطوا على العربية...

الغريبة تسأل الناس ليه؟؟ يقولولك اصل اي حد يصلحها و قطع غيارها رخيصة .
..طب و انا ليه اشتري عربية بتبوظ بسرعة واقول دي بتتصلح بسهولة وقطع غيارها موجودة ..
غير انها ولا شكل ولا منظر ولا حتى اوبشن .
.ده كان عاملين اعلان عنها من سنتين في الاهرام كاتبين في ( مع امكانية وضع تكييف ) تخيلوا عربية بتنتج بقالها 30 40 سنة و الاوبشن هو امكانية وضع تكييف..

غير انهم ما شاء الله من ساعة ما طلعت فيها نفس عيب الفتيس (بيعض)
يعني الناس بتكرر نفس الغلط من ساعة ما صنعوها
هانقول ايه!! حسبي الله ونعم الوكيل

**amrico** · 10-10-2008 06:22 PM

ولو شوفت أى 128 ماشية قدامك فى الشرع هاتلاقيها حادفة يمين أو شمال
المشكلة بيتهيألى مشكلة ثقافة
هنا فى مصر 128 يعنى 100%
مرسيدس تبقى ملك لو كانت حتى موديل 2000 قبل الميلاد
لادا عربية جامدة وحمالة قسية
البيجو أسرع عربية فى العالم
العربية الهاتش باك ماتتباعش بسهولة
العربية الكوبيه تقيلة عشان تبيعها

والاف من الخرافات دى اللى مضيعه السوق ومخليه الواحد هايتجنن