رايكم فى اركب علبه الفلتر دى على العمه دى على امل انها تزود عزم الموتو

يا رجاله انا قعدت شويه اشوف فى التربو والفلاتر السبور وفكره عملهم كل اللى اكتشفته ان مهمتها انها بتزود ضغط الهوا الى داخل للبوابه ولما بصيت لموتورى اتصدمت ان مدخل الخوا للفلتر ضيق بالرغم من ان العمه كبيه معنى كدا ان الهوا بيدخل بكميه صغيره على البوابه لان فتحه دخوله صغيره
وده زى مانا موضح بالصوره دى
فى الصوره دى الهوا بيدخل من مكان السهم وهو مكان ضيق اوى على مكان واسع وبالتالى ضغط الهوا بيبقى قليل على البوابه وبيدخل بكميات قليله

http://nileup.com/up/uploads/nilemotors_13999139481.jpg

طيب لو شيلنا مكان الجزء الى رفيع ده هنتصدم ان الهوا اللى بيدخل هوا سخن وبالتالى هيبقى مش بقوه الهوا البارد بس هيدخل بكميه كبيره شيلنا الجزء الرفيه هنلاقى الهوا بيدهل بكميات كبيره لان الفتحه اوسه شويه وبالتالى ضعطه على البوابه اكبر وهتبقى عمليه الاحتراق اكبر بس المشكله انه هوا سخن يبقى عمليه الاحتراق مش بالصوره المطلوبه
http://nileup.com/up/uploads/nilemotors_13999160401.jpg
علشان كدا انا كنت بفكر ليه منخلليش مكان دخول الهوا كبير على امل انه يعمل ضغط هوا على البوابه و يزود عمليه الاحتراق ويبقى زى الفلتر الاسبور بصوره اوفر علشان كدا انا فكرت ليه الواحد ميشلش الحزءالرفيع اللى معلم عليه فى الصوره دى
http://nileup.com/up/uploads/nilemotors_13999139481.jpg
ويركب مكانه خرطوم واسه وقطره كبير وعليه العلبه بتاعه الفلتر دى بشرط ان العلبه تكون مفتوحه من قدام ومن غير فلتر ومهمتها انها تجمع الهوا جواها بكميات اكبر ومع الجرى تضعط الهوا على الخراطيم الاوسع بقوه ضغط اعلى لانها اوسع منهم ومقوله وبكدا لهوا هيدخل مضعوط على البوابه وتزيد عمليه الاحتراق
بمعنى هتبقى هى تعمل نفس نظريه القمع بس بدال الميه تبقى هوا ودى صوره العلبه والخراطيم الواسعه اللى بفكر اركبها على عمه موتورى ايه رايكم فى الفكره دى هتنجج
http://nileup.com/up/uploads/nilemotors_13999164381.jpg

كده بالصور تخيلت المنظر النظريه فى حد ذتها مقبوله ونتا شوفت أن ليها نظير استندر قبل كده

وممكن العمة ديه برضه وهي مناسبة لموتورنا اكتر من اللي الموتور فوق فالصورة ومعتقدش انها هتحتاج تعديل كبير

http://slovenskainzercia.sk/x-sk/inz...1-6-mpi-12.jpg

اقتباس:

---

المشاركة الأصلية كتبت بواسطة windofchange

وممكن العمة ديه برضه وهي مناسبة لموتورنا اكتر من اللي الموتور فوق فالصورة ومعتقدش انها هتحتاج تعديل كبير

http://slovenskainzercia.sk/x-sk/inz...1-6-mpi-12.jpg

---

ايوه الموتور الى فى الصوره ده كوده ايه لان فى المقابله كنت بتكلم فى انى اركب عمته كله قالى مينفعش هو مش ده مواور الاوكتافيا a4 صج كوده ايه بقى وهل عمته يتفع تركب عندنا بالكامل ولا ؟؟؟

ده نفس موتورك ال 1600 MPI ال 8 فالف و العربية اللي قدامك دي اسكودا فيليشيا

اما بخصوص ضغط الهواء و العمه فانا مش مقتنع قوي بالفكرة لعدة اسباب :-
1- اساسا اللي بيتحكم في كمية الهواء الداخلة للمحرك و المناسبة للاحتراق السليم هو البوابة و من قبلها الكنترول اللي بيحسب حساباته حسب قراءات الحساسات و بيفتح البوابة بنسبة محسوبة و ده في السلانسيه فقط (انا بتكلم علي موديل محركك و نوع بوابته )
2- في حالة استخدامك لرجلك و الدواسة لشد سلك الاكسراتير لرفع الار بي ام للمحرك هنا برضه الكنترول بياخد و بيعرف زاوية فتح البوابة من حساس موجود في البوابة و البتالي برضه بيحدد نسبة الهواء المناسبه و بيعرفها و علي اساسها بيحدد كمية البنزين اللي محتاجه تتضخ و سرعة فتح و غلق الرشاشات و معاهم الاشعال عشان يحافظ برضه علي افضل حريق و هنا ملكش تدخل برده
3- اساسا بوابة العربية دي بتسمي احيانا في انظمة الاشعال بوابة الخانق و معناه انها بتخنق فتحة دخول الهواء للحريق عشان تحافظ علي نسبة الخلط و بالتالي ده بيخلق فاكيوم (شفط هواء ) داخل الماينفولد و اسفل البوابة و ده معناه ان اساسا الهواء بيدخل بقوة ضغط = قوة الشفط (الفاكيوم ) المتولده داخل الماينفولد يعني مش محتاجه انك تضغطلها هواء من بره اساسا
4- الفكرة في زيادة نسبة الهواء بيعتمد علي كبر حجم غرفة الحريق و بالتالي سعة المحرك و بالتالي قوته و عزمه = زيادة في قطر فوهة بوابة الخانق = زيادة في خراطيم دخلوها
يعني كل حاجه محسوبة و سبق و قلت من قبل ان بوابات الخانق لكل محركات فولكس حتي 75 حصان سواء 1000 او 1400 او 1600 مقاس واحد 44 ملليمتر
5- الشيء المهم جدا هو درجة حرارة الهواء الداخل لغرفة الحريق و اللي كل ما يعلي كل ما يقلل كفاءة الحريق و لو لاحظنا هنلاقي محركات كتير في GM و KIA و هيونداي و بعض محركات فولكس الكبيرة هتلاقي فيه دورة تبريد مياة المحرك داخله فيها بوابة الخانق و احيانا الماينفولد لتبريده لهذا السبب

طيب لو حبيت تركب تربو مثلا بيعمل ايه ... حسب فهمي بيزيد سرعة الهواء و بالتالي بتقل درجة حرارته و لكن بيقابله تغيير في نسب ضخ البنزين بعملية remapping لوحدة الكنترول يعني مش بنزود سرعته و ضغطه للمحرك و خلاص يقوم يبقي تربو لألألألأ لازم نزود كمان نسبة ضخ البنزين عشان الخليط يكون غني و بيحدث ضغط و قوة مناسبة داخل الغرفة عند الحريق

من وجهة نظري ايضا ان تعديلات الفلاتر الاسبور و القصص دي غير مفيدة اساسا لأن الاوريجينال كافي لتوفير كمية الهواء المناسبة للمحرك و إلا كانو هيخسروا ايه ما كانوا كبروا المواسير و وسعوا الفتلر طالما هيزيد من قوة المحرك

المفيد فعلا هو التربو و لكن له حسابات كثيرة و تعديلات يجب عملها عشان يفيد

تعرف محرك عربيتي الي 1000 سيسي ال 16 فالف ده فيه منه نسخة تربو بيخرج كام حصان 111 حصان مقابل 70 حصان في العادي عندي و تعرف عزمه كام ؟؟ بيخرج عزم 155 نيوتن متر مقابل 90 نيوتن متر في العادي عندي
طيب عشان يعمل كده مغيرله ايه ؟؟؟
1- الماينفولد بدلا من الفبر اللي عندي راكبله اخر المونيوم و
2- وش سلند بدل العادي راكبله VVT اللي هو variable valve timing
3-البوابة بالفلتر فالخراطيم مقاس اكبر
4- نظام حقن البنزين تتابعي و قصه كبيرة في كنتروله و وحدة ال ecu بتاعته و برمجته

نزل فين بقي الموتور ده ؟؟؟ نزل علي الفولكس جول و باراتي في امريكا الجنوبية و خاصة البرازيل

الموضوع كبير يا صديقي العزيز

كلام المهندس ايهاب مظبوط
قصاد الهوا لازم نسبة البنزين تزيد وبالتالي الطرمبة ﻻزم ضخها يزيد وفي المقابل البوحيهات
فوق كل دة البلوكة ﻻزم تستحمل الضغط الشديد جواها

الموضوع اكبر مما تخيل ومصاريفه اعلي مما تخيل

تحياتي للجميع

Sent from my GT-I8262 using Forum Runner

انا برده مقتنع ان الهوا اللى بيدخل للبوابه بيدخل بكميه اقل بدليل ان الفلتر السبور لما بيركب بيزود نسبه الحرق بانه بيدخل كميه الهوا المطلوبه فى وقت اقل وبالتالى بتزيد نسبه الحرق فى الدقيقه
السؤال اللى عاوز اعرفه هو العمه دى ممكن تركب على بوابتى عادى وياترى ممكن الائيها فين
بالنسبه للموتور ده انت بتقول انه بينزل على الفليشيا بس انا شوفته ستوك على اوكتافيا a4 فعاوز اعرف كوده وهول نفس العمه دى ممكن تركب عندى لان الموتور ده بينزل بقوه 90 هورس باور بعدد 5400 لفه تقريبا على عكس موتورى 75 هورس باور عند 4700 لفه \ دقيقه