الموضوع: علاقه حساس الكامه بحساس الكرنك

فعلا حساس الكامه لما بيكون مش شغال عداد الار بى ام بيفصل عند 4.5 وانا كانت عندى مشكله حابب اشاركها معاكم كانت لمبه التشيك فى اول الدواره تكون منوره وبعد ما تسخن اطفى الوتور واشغله اللمبه تطفى لكن لما امشى واللمبه منوره كانت الار بى ام يفصل عند 4.5 وكلمت الميكانيكى بالتليفون قالى ده حساس الكامه ولازم يتغير وكده هتاكل منك بنزين فقلت ااجلها شويه طالما مش عامله مشكله فى المشى وبعدها بيومين شميت ريحة بنزين وفتحت الكبوت لقيت خرطوم صغير فى صدر العربيه بينقط بنزين رحت مربط على الكوليه كويس ومنع تسريب بعدها اللمبه ما نورتش تانى خالص وفهمت ان البنزين بينزل على الحساس يخليه ينور اللمبه والمشكله اتحلت الحمد لله