بتعامل زملائك في العمل ازاي ؟؟

**ayman20100** · 13-05-2014 04:40 PM

موضوع غريب بس اكتشفت انه اد ايه مهم جداً
خصوصاً اني اكتشفت اني غلط وبقيت احس بالغلط في اسلوبي
انت بتتعامل ازاي مع الناس في شغلك وده فيه اكتر من فئه وممكن نتكلم عنهم بالترتيب بس نخلي المشاركة الاولي عن العمال والاوفيس بوي
1- الاوفيس بوي او العامل
انا في شغلي بعامل الاوفيس من منطق المساواة بين كل البشر من منطق ان كلنا عند الله سواسية واني موظف وهو موظف بعاملهم بصداقة واخوه باخدهم في طريقي وانا مروح اوصلهم و بطلب الحاجة بذوق وبعمل كل حاجة بايدي لو مش محتاج مساعدة وممكن اعمل المشروب بتاعي لو كنت فاضي حتى لو هو قاعد ومش بطلب طلبات اقدر اعملها ياعنى هاتلي من العربية كذا وصلي ديه هنا روح اعمل كذا في المكان كذا بطلب السهل والى معتقد انه يخص شغله وبعاملهم باخوه واتكلم معاهم في مشاكلهم

بس مع الوقت لاحظت الاتي : الناس اتساهلت في التعامل معايا لدرجة كبيرة - عكس تعاملهم مع زمايل ليا ممكن يكونوا اقل مني في المرتبة الوظيفية . بقوا يتأخروا في اي طلب يقولوا مشغولين وياخروا طلبي ده لو حصل بيتناقشوا معايا كتير ويعترضوا بدون مبرر ويتدخلوا في تفاصيل ما تخصهمش بواقع العشم وممكن يعلقوا على شغلي !!! ووصل الحال انهم بيخافوا من زملائي وانا بالنسبالهم الشخص الى مش مهم مع اني مش غلبان خالص خصوصاً لو مع زميل شايف نفسه لكني ما بعرفش احرج حد او اهين حد غلبان
لاحظت ان الى بيتكلم ناشف ومباشر بياخد وضعه معاهم
الى بيتكلم وحش وبيدفع فلوس بيكسر عينهم وبرضه واخد وضعه

تفتكروا الغلط في ايه ؟؟ انا غلط اني عاملت الناس ديه باسلوب مش مناسب معاهم ولا ايه الغلط ؟؟

الجزء الثاني : زملاء العمل بنفس القسم والجزء الثالث : الادارة العليا

**amr011111** · 13-05-2014 04:54 PM

بالنسبه لموضوع الاوفيس بويز
انت صح فى تعاملك معاهم بس للاسف هما غلط لانهم مش بيعملوا حدود فى مواقف كتير
بالنسبه بقى لموضوع عمل المشروب بنفسك الموضوع ده ممكن تلاقيه موظفين كتير فى البوفيه بيعملوا الحاجه بنفسهم
بس لو صاحب العمل موجود هيرفض شىء زى ده
لانه بيحسبها ان مثلا لو كل موظف عمل حاجته بنفسه وخد 10 دقائق يومياً فى 10 موظفين
يبقى كده ضيع ساعه من وقت العمل
وخاصة انه بيحسبها ان ساعه الموظف اعلى من ساعه الاوفيس بوى

**M R. Z E C O** · 13-05-2014 04:59 PM

امشي بمبدا شعرة معاوية

**ابو لؤى** · 13-05-2014 05:01 PM

انا كنت زى حضرتك كده بالظبط وفعلا بقى يأخر طلباتى وممكن معلش وبتاع بس بصراحه وقفت الكلام ده وبقيت رخم جدااا لو عايز كبايه مياه وانا قدام البوفيه ممكن ادخل اشرب عادى اقوله عايز مياه على المكتب من فضلك المعامله بقت ميرى اوى وده انا شايفه افضل

**ابو لؤى** · 13-05-2014 05:02 PM

واضح ان اغلب الناس مابقتش تحترم المحترم والمتواضع

**AboELsoud** · 13-05-2014 05:07 PM

نفس الحوار حاصلي هنا في الشغل

الاوفيس بوي من ساعه ما جيت و انا بعامله بكل اخوه و صداقه

لقيته بعد شويه بقى يتأخر في الطلبات و وصلت لانه ساعات ينفضلي

شديت عليه في مره و عاملته برخامه و وريته اني ازاي كنت طيب قوي معاه

لاقيته بعد كده بيناديني بأستاذ محمود و المعامله رجعت زي بقيت الناس

بقيت شويه اصاحبه و لما الاقيه هيرجع زي الاول اشد عليه

و ماشي بمبدأ لا اسيب الحبل يرخي خالص ولا اشده جامد اقطعه

**M R. Z E C O** · 13-05-2014 05:09 PM

المشاركة الأصلية كتبت بواسطة m r. Z e c o

امشي بمبدا شعرة معاوية

ودي شعرة معاوية للميعرفهاش

. يعتبر معاوية رمزًا للدهاء والسياسة وكانت العرب تضرب به المثل في ذلك و لعلّ أشهرها مصطلح شعرة معاوية، وهو كناية عن حسن السياسة أو الدبلوماسية في المصطلحات الحديثة ولذلك كان يقول: (لو أنّ بيني وبين الناس شعرة ما أنقطعت، كانوا إذا مدّوها أرخيتها، وإذا أرخوها مددتها).

**احمد المصرى** · 13-05-2014 05:15 PM

انت صح مليون فى الميه بس انت غلطه صغيره هيا ال خلت الموضوع كدا

لازم تاخد موقف حاسم حاليا ولازم تظبط الدنيا والموضوع فى ايدك حاليا لازم حد فيهم ياخد جزاء حتى لو يوم واحد علشان الميزان يرجع للوضع الصح ولازم ترخى وتشد ودا طبيعى جدااااااااااااااااااااااا ا لو معملتش كدا مع النوعيه دى اسف فى الكلمه هيركبوك ودا مع كل الناس وانا اولهم لازم نشد شويه ونرخى بس لازم نحافظ على الشعره ال بين العشم والاحترام

بس لو فى مقدورك تعضى لحد جزاك من باب تظبط الدنيا فى اى مناسبه بعدين ابق رجعله الفلوس ال اتخصمت باى شكل

**ayman20100** · 13-05-2014 09:53 PM

المشاركة الأصلية كتبت بواسطة dede_dodo88

عامل البوفيه عندي حساس بزيادة فبحاول على قدر الأمكان أقلل من تعاملي معاه و نادراً لما بطلب منه حاجة و بعمل المشروب بنفسي, فيوم لما بطلب منه حاجة هو نفسه بيكون مبسوط, لكن عموماً أنا بعامله أحسن من بعض زمايلي في الشغل..
أنا عموماً مش بحب فكرة أني أستنى حد يعملي حاجة أو أني أوسخ مكان براحتي طول ما في حد هينضف ورايا,, هي صحيح وظيفته أنه يعمل كده بس أنا ليه أصعبها عليه لما في أيديا أني أسهلها و العملية مش هتكلفني المجهود الفظيع يعني..

الجميل بقى انك تعمل الكلام ده وتلاقي صدى كويس
المشكلة اني بعمل زيك واكتر وبحاول اساعد لكن الموضوع بيتفهم غلط وللاسف الاقي الناس ((اسف )) الزبالة في معاملتهم معاهم بياخدوا معاملة وخدمة واستجابة افضل
طبعاً مش مجال اني احكي مواقف حصلت بس فعلاً انا حسيت اني لازم اعمل زي الناس ديه اقله مش هيبقى الاحسان في المعاملة مقابلة اللامبالة في التعامل معايا بالشكل المقرف ده

-

الموضوع: بتعامل زملائك في العمل ازاي ؟؟

LinkBack

أدوات الموضوع

عرض

-

-

-

-

-

المواضيع المتشابهه

خريج تجارة .. يستعد ازاي لسوق العمل ؟!

العمل ثم العمل ثم العمل - منقول للافاده..

اريد مركز صيانة بتعامل مع التأمين

يا تري بتعامل لابتوبك ازاي

شوفوا المشرفين بتعامل الاعضاء ازاي

الكلمات الدلالية لهذا الموضوع

المفضلات

المفضلات

ضوابط المشاركة