السلام عليكم يا رجالة
انا مؤخراً بقيت باسمع صوت تصفير لما بادوس فرامل - خاصة لما بهدي اوى عند المطبات
دا يبقي ايه؟ كده التيل بيصفر؟
انا عامل حتى الان 8400 كيلومتر - وعربيتي لوجان اوتوماتيك 2014 الشكل القديم
مشكورين مقدماً
عرض للطباعة
السلام عليكم يا رجالة
انا مؤخراً بقيت باسمع صوت تصفير لما بادوس فرامل - خاصة لما بهدي اوى عند المطبات
دا يبقي ايه؟ كده التيل بيصفر؟
انا عامل حتى الان 8400 كيلومتر - وعربيتي لوجان اوتوماتيك 2014 الشكل القديم
مشكورين مقدماً
فى الغالب ان التيل محتاج يتغير
8400 كم قليلين على تغيير التيل .. الا لو كان خامة رديئه اصلا .
حل العجله وبص عليه هيبان ان كان خلص وللا لأ
تيل الفبريكة بتاع اللوجان تعبان أنا غيرته علي 8000 كيلو وكان بدأ يبوظ في الطنابير
ونصيحة متركبوش في التوكيل غالي علي الفاضي 425 جنيه (سعر ومصنعية وضريبة) ونفس النوعية التعبانة.
في ريمسا اسباني بره 120 جنيه (شارع دمشق)فضل معايا 15000 كيلو بس انا رجلي تقيله علي الفرامل. عربيتي لوجان مانيوال2013
ممكن لو انت بتمشي فى اماكن متربة كتيرة و مدقات و طينة يبقى تصفر كده - جرب تغسلها نظيف من تحت و حتشوف الفرق
انتو بتهرجو 8000 ايه و15000 ايه - التيل بيقعد مش اقل من 30000-40000 حسب الاستخدام
انا اللى اعرفه عموما ان التيل الكويس اللى مش بيبوظ الطنابير هو تيل العربية الاصلى - بس الارقام اللى بتتكلمو فيبها لو مظبوطة تبقى استهبال رسمى مالتوكيل - ريمسا ده لو بيعيش كتير على حساب الطنابير تبقى مش حاجة حلوة
بص يا باشا
انت شيك عليه في التوكيل في الصيانة بس روح قبل ال10000 كيلو و لو قالولك التيل محتاج يتغير قلهم يتغير ضمان و خليك مصر على كدة لأن ضمان التيل و الطنابير 10 الاف كيلو + ان فعلا تيل التوكيل مش حلو للاسف
شكراً يا شباب على ردودكم
انا قدامي كام سفرية كده للاسف قبل ما هاروح التوكيل لصيانة 10000 - فهحاول اروح لهم ان شاء الله قبل ما اكمل ال 10000 كيلو
طيب يا استاذ جبريل: انا قريت قبل كده ان ضمان التيل والطنابير 10000 او 3 شهور ايهما اقرب - الكلام ده صحيح؟ ولا الضمان 10000 كيلو بس؟
وشكراً يا باشا مقدماً على الرد
بصراحة المدة الزمنية مش عارف قد ايه بالظبط بس الكلام ده ممكن يقلوه في طقم دبرياج على اساس انك تبقى مريح رجلك على الدبرياج على طول ولا بتفرك بالعربية في مساعد علشان احتمال تاكل نقرة ولا حفرة على سرعة لكن تيل فر امل او طنابير ايه اللي هيحصل فيهم في 3 شهور، و بعدين اعمل 10 الاف كيلو في 3 شهور ازاي :d