موبيل زيت حقير جداَ من بعد 7000 ولا 8000 بالكتير بلاقي العربية مخنوقة و الصوت عالي و مفيش لزوجة تقريباَ .
زيت توتال جربته أيضاَ جيد و أفضل من موبيل .
موبيل زيت حقير جداَ من بعد 7000 ولا 8000 بالكتير بلاقي العربية مخنوقة و الصوت عالي و مفيش لزوجة تقريباَ .
زيت توتال جربته أيضاَ جيد و أفضل من موبيل .
انا نفسي أجرب كاسترول .. محدش يعرف إذا كان في أي حد في مصر بيستورده ولا لأ ؟
يا فندم بيقول ان دلفاك ليه فوائد كتير مقارنه بالزيوت التقليديه. موبيل1 مش زيت تقليدي... موبيل1 زيت (تخليقي) علشان كده الجمله اللي بعد اقتباسك على طول بتقول "When compared to Mobil 1 performance, those benefits may not be as obvious, and in fact, Mobil 1 would be expected to outperform Mobil Delvac 1 in many gasoline applications" و الكلام ده معناه ان عند مقارنه دلفاك بموبيل1 لن تكون فوائد دلفاك ظاهره.. و في الواقع فأنه من المفترض ان يتفوق اداء موبيل1 على دلفاك في اكثير من محركات البنزين
عندك حق فعلا انا لسه واخد بالي من الكلام ده
بس عموما لو التعاون 1 ب 200 جنيه
و زيه بالزبط التعاون 1 ديزل ب 180 جنيه اكيد حجيب الأرخص لانه هو هو نفس المكونات بس بيضيفوا عليه بعض المواد اللي بتقاوم الكبريت اللي بيتكون في محركات الديزل
والله كنت نازل النهاردة الصبح اغير زيت وعلطول انا بحط موبيل 3000 وبالصدفة فتحت الموضوع ده
ونزلت قولت اجرب شيل زى ما بتقولو عليه
المهم جبت شيل الاصفر 3000 ب 98 جنيه وغيرت فلتر الزيت بالمرة ب 25 جنيه
وفعلا والله اول لما دورت العربية حسيت ان صوت الموتور هادى جدا وناعم عن الاول
الف شكر يارجالة
ولقيت شباب بيغيرو هما كمان وسألتهم قبل ما اغير قالولى شيل احسن وبيعيش عن زيت موبيل
بيقولولى ال 3000 بنمشى عليه فى الشتا لحد 4500 و 5000 وبينزل كويس
انا باستخدم موبيل سوبر من زمان وإن شاء الله اغير لشل عشان كتير بيشكرو فيه بس قبل ما اغير لازم استخدم زيت فلاش ولا مجرد اني اغير الفلتر والزيت وخلاص
هوا زيت شل الاصفر بيعمل كام كيلو ؟
احسن واضمن مكان فى اسكندرية تجيب منه زيت شيل هى بنزينة شيل على الصحراوى فى الكيلو 17 صحيح حتتطلع بره البلد بس مضمون متغلف
والله يا جماعة انا طول عمرى باستخدم موبيل xhp بس فعلا نتيجة اكتر من الزفت بشوية
ان شاء الله هاجرب شل الترا بعد العيد وهاقول لكم على النتيجة
نصيحة لأجمل شباب فى الدنيا
لو حبيت تغير نوع الزيت بتاعك يفضل انك تغير معاه الفلتر وتتأكد ان المهندس الدكتور العبقرى العالمة اللى بيغير لك الزيت ساب العربية براحتها لغاية لما نزلت كل الزيت القديم اللى فيها على الاقل 10 دقائق
انا من اول ما اشتريت الكورسا وبغير موبيل 1 الموتور صوته كان عالى جدا! حربت شيل الصفر بصراحة فرق كتير جدا فى الشد لان الموتور بقى صوته انعم مفيهوش الخشونة الكانت دايما موجودة بعد ال120 كم
أنا جربت موبيل وشل وطبعا موبيل ممتاااااااااااااز جدا بالنسبة لشل
موبيل ممكن يمشي كيلومترات أكتر من غير ما تتغير خواصه بسهولة
واللي يحب يشوف الفرق يجرب بنفسه هيلاقي كلامي صح
والزيت عموما راحة نفسية أكتر
أنا يا جماعه بحب بس أوضح ان زيت موبيل 1 ده أي كلام و ده عن تجربة في عربية لانسر 2008 بيغيرو في التوكيل مع كل صيانة و أنا من كام يوم كنت معاه و كان الزيت في العربية بعد اخر صيانة كان عامل 5780 كم و كشفت عليه لاقيت الزيت أسود تماما و ريحته شياط و لما شوفت اللزوجة كان عامل زي المية في ايدي .... بجد مكنتش مصدق ..
انا عن نفسي بحط زيت شل الأصفر و أنا برتاح جدا معاه و ليه لزوجه عالية و بينضف الموتور تمام و أنا ليغايت دلوقتي عامل بيه 4792 كم و لا فيه ريحة شياط ولونه لسه بنى و اللزوجة عالية جدا و إن شاء الله هاغيرو على ال 5000 كم
مين اللى قالك ان توتال 5000 بيقعد 5000 كم؟؟
توتال 3000 ده بيقعد 1000كم
توتال 5000 ده بيقعد 3000كم
توتال 7000 بيقعد 5000كم (مش موجود)
توتال 9000 بيقعد 1000كم
و عموما زيوت توتال
من ناحيه تانيه زيوت الـ 1000 كم من اي صانع تقعد 10000 كم او 6 شهور بغض النظر عن المسافه المقطوعه. لو استعمالك خفيف و مستخسر تنزل الزيت بعد 6 شهور استعمل زيت غير تخليقي
توتال3000 كنت باحطة في الاونو و باعمل بية 3000 و احيانا اكتر و كان بينزل كويس نسبيا بالنسبة لزيت مستهلك و فضلت كدا لحد م بعت العربية و هيا عاملة اكتر من ميه الف و حالة الموتور بتاعها زي الفل لحد دلوقتي مع الي اشتراها مني و انا بعتها من حوالي سنتين و بعدين مش انا الي باقول ممكن تسال اي حد في اي بنزينة لتوتال
و لا انا محتاج اقارن
عموما التجربة خير برهان
و انا حكيت تجربتي
و باقي الناس بتعمل نفس الموضوع سواء هنا في المنتدي او حتي اصدقائي
حتي علي ما اتذكر كان مره في عضو حكي انة ساب الزيت التوتال ال5000 لمدة 8 الاف كيلو و العربية ما حصلهاش حاجة !!!!!!!
انا فاهم ان حضرتك بتقصد التاثير علي المدي الطويل
علشان كدا انا وضحت اني وصلت لحد 100 الف و الي بعدي عمل حوالي 80 الف يعني المجموع قربت حاليا علي 200 الف لموتور عربية اونو و لسة الموتور ما اتفتحش مع العلم ان خامة مواتير الفيات و خصوصا الفئة دية مش كويسة قوي يعني بالبلدي علي قدها مش زي الالماني مثلا او الفرنساوي يعني اقل مشكلة او اجهاد او احتكاك زايد في الموتور بتبان و دا محصلش
علشان كدا انا توصلت لاستنتاج ان استخدامي للزيت كان مضبوط بما في ذلك مواعيد تغيره
و عموما انا اتجهت للتخليقي مع موتوري الجديد و اي ملحوظة بتحصل معايا باقولها زي الناس ما هيا بتعمل علشان الي بيفكر يغير يستفاد من تجربتنا و شكرا
بصراحه شل ووطنيه وكالتكس كلهم ممتازين
طيب انا اخر مرة غيرت شل الاصفر كانت الازاة الى فيها مؤشر لكمية الزيت ومكتوب علية 20w 50
التهارده جبت الازازة لقيت شكلها متغير(للأوحش وبدون المؤشر) ومكتوب عليها 15w 50
ولانى اللى باجيب منه الزيت صاحبى نصحنى وقالى ده كويس وبيقولوا انه مزودينوا اضافات وبيقوللى انه مبيستخدمش الا هوا فى عربيته التيدا بس 10000
فايى رايكم كده اللزوجة اتغيرت للاحسن
يعني إيه
20w 50
انا قريت فى المانيوال بتاع العربية ان كلما قل الرقم اللى بين Sae20wالى Sae05w
مثلا كلما ينصح باستعمال المحرك لان طبقا للمؤشرات اللى انا شوفتها انة بيخلى المحرك يعمل فى جو منخفض فى درجة حرارته او بمعن اخ مبيسخنش المحرك اوى ويمل له اوفر لود وده اللى فهمته
فيا يا ريت حد يفسر لنا الموضوع ده
وجدتها فى موضوع ياترى نشترى زيت نوعه ايه!!!!!!!!!!!!!!!!!!!!
اقتباس:
هناك زيوت أحادية اللزوجة ولن يكون الكلام القادم عنها
أما الزيت المتعدد الدرجات أو متعدد اللزوجة هو زيت يتم تركيبه لتغطية الإحتياج بالنسبة للسيارة لأكثر من درجة لزوجة واحدة وهذا طبقاً لتصنيف جمعية مهندسي السيارات SAE
هذا يعني أن هذه الزيوت إستخدامها في مدي كبير من تغير درجة الحرارة
عند بدء التشغيل تكون أقل درجة حرارة - ودرجة الحرارة العادية للموتور
0W40
معناه أن هذا الزيت يؤدي مهامه بمواصفات فئة 0W في حالة البودة الشديدة يعني عند بدأ عمل المحرك صباحاً
ويؤدي مهامه بمواصفات فئة 40 في حالة درجة الحرارة العادية أثناء عمل المحرك
والحرف W يرمز لكلمة Winter بمعني الشتاء
والرقم علي يسار W كلما قل كلما كان أفضل حيث يعبر علي قدرة أكبر لسريان الزيت في درجات الحرارة المنخفضة (يعني الزيت غير متجمد)
لا.......تعليق...........
وبكده الشل يكسب
كلام سليم جداً
توضيح:
الرقم الذي علي اليسار كلما قل كلما ضمن أن الزيت يعمل بكفاءه ويقوم بوظيفته من التزيت والتليين وتقليل الإحتكاك عند درجة حرارة منخفضة.
المطلوب من الزيت:
1- عدم التجمد في البرودة (برود المحرك) مما يساعد علي رفع كفاءته في العمل صباحاً.
2- الإحتفاظ بخواصة عند درجات الحرارة العالية (سخونة المحرك) بمعني أنه لا يصبح مثل الماء فيفقد لزوجته وقدرته علي التليين.
مثال:
العسل الأبيض في الشتاء يكون متجمد وغليظ القوام مما يعوق حركته وجريانه
وفي الصيف يكون أشبه بالماء ويكون حركته أسرع
وهذا يوضح الكلام عن كفاءة الزيت في درجات الحرارة المختلفة والتي تصفها تلك الأرقام علي الزيوت
0W40 , 20W50
انا حطيت موبيل 1 وكتير بيشكرو فيه اوي وانا حاسس ان الموتور بقى بيتنفس وصوته اهدى شويه لاني كنت بحط xhp
السلام عليكم
اول مشاركة ليا من حوالي 4 شهور
بعد الدراسة و الاختبار و الملاحظة زيت شيل الترا افضل بكتير من الموبيل1 و خصوصا من حيث عمر الزيت دا غير اني باحس انة بيظل محتفظ بلزوجتة حتي و الموتور مولع مع العلم اني بادرس الاتنين من حوالي سنتين
التعاون:120146b
على فكرة انا جربت شل الاحمر 3000 ممتاز جدا بس الاضمن انك تغيرة فىمحطة بنزينة شل وبلاش يا جماعة تغيير زيت برة محطات البنزينة عشان بيكون مضروب اوالبرشام مضروب زى ما الاخ الكريم قال بالظبت
كلام سليم 100%اقتباس:
الاضمن انك تغيرة فىمحطة بنزينة شل وبلاش يا جماعة تغيير زيت برة محطات البنزينة عشان بيكون مضروب اوالبرشام مضروب زى ما الاخ الكريم قال بالظبت
و عن تجربة زيوت شيل ممتازة