طيب ايه رأيكم في توتال 9000 كوارتز ياجماعة
لأني من المنوفية ومش بلاقي شل خاااالص
واللي موجود توتال وموبيل
ودمتم بخير
طيب ايه رأيكم في توتال 9000 كوارتز ياجماعة
لأني من المنوفية ومش بلاقي شل خاااالص
واللي موجود توتال وموبيل
ودمتم بخير
موبيل1 معايا سبحان الله ذى الفل لا عمرة نقص و لا غير لون بالعكس دة بينزل لونة فاتح و لزج كمان
حبقى اجرب شل و اشوف الفرق مع ان امارات مصر نضييف جدا
يا جماعة
موبيل1 الزيت رقم 1 فى العالم !!!!!!!!!!!
اللينك اللي فيه معلومة ان موبيل 1 بيتغير على 5000 ميل او 8000 كيلو كان احد الاخوة الاعضاء حاطه على الموقع هنا لكن للأسف مش فاكر فين... على العموم هو في قسم الاسئلة على موقع موبيل و الكلام اللي في الموقع مترجما كما يلي :
عند التغيير من زيت عادي الى موبيل 1 قم اولا بتصفية الزيت القديم ثم ضع موبيل 1 في المحرك و قم بتغييره بعد 2500 ميل ( 4000 كيلو) و في المرة التاليه قم بتغييره على 3500 ميل ( 6000 كيلو ) ثم بعد ذلك غيره باستمرار كل 5000 ميل ( 8000 كيلو )
هو ده الكلام المكتوب في موقع موبيل...
و على فكرة يا جماعة في مفهم غلط عن الزيت.... الزيت لما ينزل فاتح معنى كدة انع مش بيقوم بجزء خطير من مهامه داخل المحرك و هو تجميع الرواسب و الكربنة و الوساخات و تنظيف المحرك...
و اذكر ان اخ لينا في المنتدى ذكر مثال جنيل لكدة ... بيقول انه لما يكون عندك شيء متسخ و تغسله بيماه فقط فأن لون المياه لن يتغير كثيرا ... لكن لو اضفت له منظفات و صابون فإن لونه سيتغير كثيرا لأنه يقوم بتنظيف هذا الشيء...
نفس الحكاية مع الزيت ... الزيت للي لونه مش بيغير ده معناه انه وحش و مش بيلم نواتج الاحتراق من المحرك.... و ده خطير جدا...
انا لقيت اللينك .... اهو
http://www.mobiloil.com/USA-English/...o_Mobil_1.aspx
طيب هو زيت توتال 9000 كوارتز
بيتغير على كام الف ،، لأن أغلب سواقتي جوا البلد تقريبا
وبعمل مثلا 7000 كم كل 6 شهور
ايه النظام ؟؟؟؟؟
توتال 9000 زيت تخليقي.... مكافيء لموبيل 1 يعني على حسب العرف عندنا في مصر يقعد 10000 كم
بالظبط وده اللي كان بيحصل معايا بصراحه شل بيستحمل الحرق عليه اكتر مليون مره من موبيل
فعلا مافيش دراسه علميه
بدليل ان مافيش اي نوع زيت بيتكتب عليه كام كيلو
بس انا عموما ما بغيرش الزيت بالكيلو انا بغيره بالزوجه لأن هو ده المطلوب في الزيت
كلام صح واللى عايز معلومات أكتر فى ملف عن زيت موبيل وان حمله من الرابط أدناه
http://www.mobilegypt.com/Egypt-Engl...chure_arab.pdf
انا قريت اللي مكتوب على اللينك اللي حضرتك قولت عليها :
http://www.mobiloil.com/USA-English/...o_Mobil_1.aspx
اللي مكتوب مش معناه ان زيت موبيل 1 عمره 5000 ميل... هما بيدو مثال ازاي تحول من زيت معدني لزيت تخليقي في حاله لما يكون الموتور حالته تعبانه... فبيقول لو مثلا في الاحوال العاديه بتغير كل 5000 ميل... اول مره تحط زيت تخليقي غير بعد 2500 ميل... و المره اللي بعدها 3500... و اللي بعدها ارجع لمعاد تغييرك العادي اللي هوه في المثال ده 5000 ميل.
موبيل برضو بيقولو ان الفيصل في معاد تغيير الزيت هوه توصيات صانع المحرك... و دي في المحركات الجديده بتكون ما بين بين 5000 ميل (8000 كم) و 15000 ميل (24000 كم)
انا قريت اللي على اللينك تاني .... و هو فعلا زي ما انت بتقول ... لكن ليه موبيل هتقولك غير الزيت على 5000 ميل و انت ممكن تغيره على 15000 ميل .... ؟؟؟
المفروض انك بتحط تخليقي عشان يعيش اكثر من العادي... في حلقة مفقودة
انا عندي في الكتالوج بيقولي حط زيت من فئة sj و هي فئة ذات مواصفات ضعيفة ... و بيقولي امشي عليه 2500 كيلو داخل المدينة و لو معظم مشيك خارج المدينة امشي عليه 5000 كيلو....
اناعن نفسي بغير موبيل 1 كل 8000 كيلو عشان اامن نفسي و اريح دماغي ب 2000 كيلو اللي هم بالنسبة لمشي مش كثير...
ولاهي يا جماعة انا حاديكم مثل شفتة بعنيا واحد صحبي معاه بروتون واجا عاملة 80 الف كيلو عمل ب موبيل1 حوالي 18 الف و العربية مفيش فيها مشاكل بس بدأ صوت الموتور يعلي شوية و بقت اخشن من الاول و الزيت طبعا مية هوا عموما غيره و محصلش اي حاجة و هوا علي طول كدا عمره ما بيغير قبل ال 12 الف و الموتور دلوقتي معدي ال 100 و حالتة فابريقة و بالمناسبة الشيل الترا عمره اطول بكتير من موبيل ا علي الاقل مره و نصف و دا عن تجربة شكرا
هو فين محطات شيل اللى فى اسكندرية ؟؟؟؟؟؟؟؟؟؟؟؟؟
ايه اخبار كالتكس كويس ولا اى كلام
استاذ ميدو 80 .... ممكن حضرتك تقولنا ازاي بتعرف ان عمر زيت شل اطول من موبيل .....
و ايه مؤشراتك على كدة .....
حمرة
الطاحونة
ازيكم يا جماعة
بعد طول غياب حبيت اخد رايكم في حاجة
انا كنت باحط الشيل الالترا بتاع ماليزيا و بصراحة زيت جامد جدا انا مغيره علي 13 الف و كان ممكن يكمل معايا اكتر و قد وقت حوالي 10 شهور
غيرتة من حوالي 4 شهور و حطيت شيل الترا بس الجديد الي متجمع في مصرنا الحبيبة صحيح العلبة شكلها احلي و مطمئن علشان الكتابة بالعربي بس الاداء حاسس انة اقل يعني ابسط مثال اللمبة بتاعت الزيت حاسس انها بقت تغيب علي ما تطفي مش زي الاول مش عارف لية بالرغم من اني عامل بية حوالي 5 الاف صحيح الزيت حالة كويسة و لسة نظيف و صوت الموتور مش بطال بس حاسس ان فية فرق يا ريت لو حد متابع يحكي لنا الدنيا ماشية معاه ازاي و طبعا بالرغم من كل دا بس برضة احسن من موبيل1 و الي بدات افكر فية بجدية هوا التعاون لاني باشوف زيوتهم الي هيا بتعادل الاكس اتش بي و الشيل الاصفر بتتفوق عليهم من حيث عدد الكيلو مترات و اداء المواتير باعتراف المستخدمين و السعر طبعا ارخص
بالمناسبة محطة شيل الوحيدة المحترمة في الاسكندرية في سوق دربالة عن الساعة و دية انا غيرت فيها اخر مره هيا شعبية شوية بس مضمونة الي حد ما
و بالنسبة لعمر الزيت اطول علشان لونة و قوامة حتي و هو سخن دا غير طبعا اداء الموتور الي ممكن تحس فية بشوية اختلاف لو كنت راكب عربيات شعبية زي بتاعتنا كدا هيونداي و خلافة
شكرا
لو الزيت ما اتغيرش لونه الى الأسود يبقى ما بيعملش حاجة في تنظيف الجسم الداخلى للمحرك من البقايا المتكربنة الناتجة من احتراق البنزين و من اللون المضاف الى البنزين"لمعرفة الأوكتان" ومن اكسدة زيت المحرك مع الحرارة ومن نواتج الإحتكاك "الشمبر مع القميص"
يعني بالعربي كده السواد ده معناه انه بيؤدي وظيفته و بينظف المحرك و تتراكم اجسام الكربون في فلتر الزيت.
لو الزيت ما اتغيرش لونه الى الأسود مع عمل المحرك يبقى ما بيعملش حاجة في تنظيف الجسم الداخلى للمحرك من البقايا المتكربنة الناتجة من:
- احتراق البنزين ومن اكسدة زيت المحرك مع الحرارة (عضوي)
- من اللون المضاف الى البنزين"لمعرفة الأوكتان" ومن نواتج الإحتكاك "الشمبر مع القميص"(غير عضوي)
يعني السواد ده معناه انه بيؤدي وظيفته و بينظف المحرك و تتراكم اجسام الكربون بعد ذلك في فلتر الزيت.
....*وظيفة زيت التزييت كالأتي:
1-تزييت المحرك
2-سرعة طرد فقاعات الهواء التي تتكون داخل الزيت مع حركته داخل المحرك
3-منع صدأ اجزاء المحرك
4-تبريد سبيكة المحرك
5-تنظيف المحرك من الرواسب العضوية و غير العضوية
6- منع تأكل اجزاء المحرك في كل الحرارات و الضغوط
7-احكام الكبس في المحرك
8-رفع كفاءة المحرك
9-خفض معدل الضوضاء الصادر من الإحتراق داخل المحرك
10- خفض معدل استهلاك الوقود للمحرك
11-خفض معدل الإنبعاثات الحرارية الصادرة من المحرك الى الجو و المساعدة على الإحتباس الحرارى
12-المحافظة علي البيئة من التلوث"وقود محترق بنسب خاطئة - زيت محترق-ضوضاء سمعي"
بصراحه الموضوع ده جامد ومهم :verygood:
موضوع مميز ومفيد وشكرا ليكم جميعا
انا باستخدم شل الاصفر 5000 ممتاز
يا جماعه انا محتار نستخدم موبيل 1 ولا شل الترا ؟
هو شيل الجيركن البترولى(ازرق غامق) اقصى حاجة ممكن تمشى علية لحد كام كيلو
8 الاف كيلو و دا احسن نوع في زيوت شيل لانة نصف نخليقي و ثمنة معقول و بيقعد مدة كويسة للناس الي مش بتعمل كيلو مترات كتير دا غير انة صناعة اوروربي و دا الاهم احسن كلة بقي يتعبي في مصر و فقد مميزاتة
ياجماعة فى زيت جامد جداً ومحدش كتير يعرفه لأنه مش مشهور وهو الزيت اللى بينتجه الجيش (للأسف مش فاكر اسمه بالظبط) وده بيكون موجود فى محطات البنزين اللى اسمها (وطنية) ودى مملوكة للقوات المسلحة
يمكن قصدك زيت تنظيف سلاح نيههههههههههههههههههههههه ههههههههه
طيب يا جماعة يا مشجعين زيوت شل
ممكن اسعار الزيت وعدد الكيلوات وانواعة
لانى خلاص بعد الكلام دة كله قررت اغير من موبيل سوبر الى شل
بس عايز اعرف انواعة او الوانة وسعرة وعدد الكيلوات واكون شاكر
انا بستخدم زيت كالتكس فى بيجو 504 الموتور خفيف
وناص نصحتنى انى احط الشل العاده الى هو الجركن الاحمر ياترى سعره كام وهل كويس بالنسبه للموتور الخفيف
سعر شل الاصفر 2500 : 70ج وبتمشى على 2000 وتغير
سعر شل الاصفر 5000: 120 ج وبتمشى على 4000 وتغير
لون زيت محرك السيارة
بعض سائقي السيارات يفرح ويتباهى أمام زملائه السائقين إن زيت محرك سيارته مازال لونه لم يتغير بعد وضعه في محركه وتشغيل السيارة عده كيلو مترات، والحقيقة إن من وظائف زيت التزييت في المحركات هو تنظيف المحرك من نواتج احتكاك الأجزاء المتحركة داخله، لهذا فلابد وان يتغير لونه دليل على انه يقوم بوظيفته كما ينبغي، أما إن لم يتغير لونه بعد عده كيلو مترات فهذا دليل على إن الزيت المستخدم لم يقوم بوظيفته وترك الرواسب بداخل المحرك.
لون زيت محرك السيارة
بعض سائقي السيارات يفرح ويتباهى أمام زملائه السائقين إن زيت محرك سيارته مازال لونه لم يتغير بعد وضعه في محركه وتشغيل السيارة عده كيلو مترات، والحقيقة إن من وظائف زيت التزييت في المحركات هو تنظيف المحرك من نواتج احتكاك الأجزاء المتحركة داخله، لهذا فلابد وان يتغير لونه دليل على انه يقوم بوظيفته كما ينبغي، أما إن لم يتغير لونه بعد عده كيلو مترات فهذا دليل على إن الزيت المستخدم لم يقوم بوظيفته وترك الرواسب بداخل المحرك.
صاحبى معاه لانوس وبيغير بزيت موبيل أداء كويس الحمدلله موبيل لسه نمبر 1
بس شل برضه كويسه انا عن نفسى بستخدم شل الأصفر 5000ك وبغيره 4000ك
انا بستعمل شيل الترا-او فيسكو5000
انا بستعمل شيل الترا-او فيسكو5000