متسوبيشي اتراج

**catmoon** · 13-05-2014 05:50 PM

ياجماعه عايز موضوع عن اتراج ضرورى في اقرب وقت لانى وانا. رايح استلم ٣٠١ لقيتها تحت التست درايف وجربتها طلقه رصاصه فعلا فهل اكمل في البيجو واستلم ولا اغير لاتراج هانم ههههههههه

**houseiny** · 13-05-2014 06:33 PM

بصراحة انا بصيت على اتراج ، لقيتها عربية غريبة مالهاش هوية ، يعني من ورا كيا ريو ده بالنسبة للشكل اللي بره ، للشكل اللي هنا مدية على نيو صني ، من قدام نيو صني على نيو اوبترا ومن جوه افيو على اوبترا ، بصراحة مدية على صيني ، من وجهة نظري البيجو 301 افضل ، على الاقل عربية ليها شكل مميز ومنتشرة انما التراج محدش يعرف عنها حاجة وخاصة مع وكيل دايموند ممكن تكون حضرتك الوحيد اللي راكبها

**catmoon** · 13-05-2014 06:47 PM

المشاركة الأصلية كتبت بواسطة houseiny

بصراحة انا بصيت على اتراج ، لقيتها عربية غريبة مالهاش هوية ، يعني من ورا كيا ريو ده بالنسبة للشكل اللي بره ، للشكل اللي هنا مدية على نيو صني ، من قدام نيو صني على نيو اوبترا ومن جوه افيو على اوبترا ، بصراحة مدية على صيني ، من وجهة نظري البيجو 301 افضل ، على الاقل عربية ليها شكل مميز ومنتشرة انما التراج محدش يعرف عنها حاجة وخاصة مع وكيل دايموند ممكن تكون حضرتك الوحيد اللي راكبها

بالرغم اننا في منتدى الميتسوبيشي بس احترم ردك الجرئ ورجحتلى البيجو شكرا ياكبير

**kokowasfy** · 13-05-2014 07:13 PM

اية هية متسوبيشي اتراج اول مر ة اسمع عنها دى

**catmoon** · 13-05-2014 07:28 PM

بس بغض النظر عن شكلها وتوكيلها امكانيات العربيه وقدراتها ايه اخبارهم وتتقارن بال٣٠١ ولا بعيد

**ahmed.Elashy** · 13-05-2014 07:49 PM

المشاركة الأصلية كتبت بواسطة catmoon

بس بغض النظر عن شكلها وتوكيلها امكانيات العربيه وقدراتها ايه اخبارهم وتتقارن بال٣٠١ ولا بعيد

لا طبعا مفيش وجه مقارنه
اتراج عربيه مدينه للمشاوير الصغيره وللتوفير في البنزين مع اقل الامكانيات و وسائل الامان وقدره للموتور متواضعه للغايه حتي في المنتديات الاجنبيه محدش بيشكر فيها خالص وبيقولا عربيه ضعيفه
البيجو عربيه كويسه وامكانياتها وسعرها معقولين جداا
بطل حيره وخاليك زي م انت

**J A G U A R** · 13-05-2014 07:53 PM

اول مره اسمع عنها اتراج دى

**ahmzd** · 14-05-2014 12:52 AM

المشاركة الأصلية كتبت بواسطة ahmed.elashy

لو تسمع عن الميراج في الاتراج هيا العربيه السيدان منها

ولو متعرفش الاتنين ف دي عربيه نازله بس مش من التوكيل. جايه خليجي
ومن غير ضمان. وامكانيات متوسطه وسعر قليل

رأيي باختصار وبصراحة شديدة.. الميراج والأتراج.. مالهمش لازمة!

**houseiny** · 14-05-2014 01:01 AM

المشاركة الأصلية كتبت بواسطة catmoon

بالرغم اننا في منتدى الميتسوبيشي بس احترم ردك الجرئ ورجحتلى البيجو شكرا ياكبير

العفو ياباشا ربنا يكتبلك اللي فيه الخير ، وبصراحة بيجو ماركة محترمة ، مع ان انا من مؤيدي الكوري ، ان كنت راكب سيفيك اس اي ، وبعديها جيتس وبعديها كارينز 2013 وبعدين كارينز 2014 بصراحة الكوري في تطور من سنة لسنة وكل سنة بيتجنب الاخطاء السابقة للعام اللي قبله، يعني السنة دي الكوري مكتسح خاصة كيا . ولو بتقارن ممكن تبقى تبص بصة برضه كده على سيراتو مش هتخسر حاجة ، مع العلم انها لا تقارن مع بيجو من حيث وسائل الامان ، لكن كخامات وسحب وتقفيل ، بيتهيألي تفوقت ،