اخدت مخالفة بسبب ديفندر التيريوس

**houba85** · 13-05-2014 05:57 PM

ماشية في امان الله في شارع التحرير .. لقيت لجنة الامين بتاعها وقفني .. رابطة الحزام وجوزي قاعد جنبي ورابطه برضه ومفيش اي مشكلة .. قاللي رخصك واركني على جنب

طلعت له رخصة السواقة ورخصة العربية ( العربية بتاعة والدي واسمه ) .. ابتدا ترخيم عليا بسبب ان العربية مش ملكي .. طيب مفيش اي تشابه اسماء في الرخصتين مثلا ؟؟ ثم ايه المشكلة اني اخد عربية والدي ولا عربية اي حد تاني مادام الورق سليم ؟؟ لقيته بيقوللي مخالفة 600 جنيه بسبب الديفندر

يابيه العربية نازلة كدة من بلدها ( العربية متجمركة من جدة السنة اللي فاتت ) .. من هنا لهنا مش عاوز يقتنع بسبب ان الديفندر مش مثبوت في الرخصة

في الاخر لقيته بيقول لجوزي عشان هي واحدة ست انا حغرمها غرامة عادية ( الاربعين جنيه اياهم ) عشان يمشيني وانا كنت مستعجلة

السؤال هنا : ايه حكاية ان الديفندر ممنوع مادام مش مثبوت في الرخصة ؟؟ ولا المرور بيلم فلوس وخلاص ؟؟

الملاحظ ان في الكمين دة كل العربيات وقفت على جنب وشارع التحرير كان واقف على اخره بسبب ان الامين بيوقف اي عربية بيلاقيها ويخالفها

**fourseasons** · 13-05-2014 06:47 PM

هو ال ارعرفه انه ممنوع بس بيعدى يعنى حسب الكمين و الغلاسة بتاعته

**ashouhdy** · 13-05-2014 06:53 PM

هو ممنوع فعلا وبيتشال فى اللجان الجامدة وفى الفحص بيشيلوة

**J A G U A R** · 13-05-2014 06:55 PM

مخالفه 600 جنيه ههههههههه حلوه دى ده كان زمانهم على كده بيلمو ملايين
بس هو فعلا مخالف بس فى امناء شرطه وظباط ساعات بيكبرو دماغهم بالنسبه للديفندر وفى اللى ما بيصدق زى الاخ ده ما عمل بس شكلها كده اللجنه دى كانت شده واى حاجه مخالفه بتدى عليها مخالفه .. بس لو كنتى كرمشتيله عشرينايه ولا حاجه اعتقد مكنش عمل كده

بس هو الديفندر بيبقى مش مكتوب انه مثبوت فى الرخصه ولا ايه ؟؟