سؤال لخبراء الريو

**Egy_fan** · 13-05-2014 06:08 PM

السلام عليكم. انا معايا لانسر بوما 1.6 و بفكر اجيب كيا ريو 2 فئه بس المشكله انى لما سوقت 2 فئه حسيت ان السحب و الثبات اقل من البوما بكتير. هل ده حاله خاصه فى العربيه اللى انا سوقتها و لا الريو كلها كده. انا اهم حاجه عندى الثبات و قله المشاكل

شكرا للافاده

**kokowasfy** · 13-05-2014 07:07 PM

طبيعى تحس بفرق البوما فئة و الريو فئة البوما 1600 و الريو 1400

**toty_305** · 13-05-2014 07:25 PM

-مع احترامي للبومة ..مفيش فرق من ناحية السحب ده الفتيس cvt بتاع البومة ممل جدا و بطئ في التجميع

**Ahmed.Essam** · 14-05-2014 12:28 AM

انا مجربتش البومة فتيس cvt انا بسوق بومة فتيس اوتو عادي معرفش افيدك في حتة السحب
الثبات : البومة ثباتها محسوس اكتر من الريو بس الريو اثبت في الملفات على سرعة عالية

**Egy_fan** · 14-05-2014 01:00 AM

شكرا للردود. هو فعلا cvt ممل جدا فى السحب بس انا حاسس ان الريو سحبها ابطئ بكتير من البومه و برده مش فاهم اذاى الريو تبقى اكثر ثباتا و البوما multi-link و الريو torsion ؟؟؟

**2CODE** · 14-05-2014 02:28 AM

المشاركة الأصلية كتبت بواسطة Egy_fan

شكرا للردود. هو فعلا cvt ممل جدا فى السحب بس انا حاسس ان الريو سحبها ابطئ بكتير من البومه و برده مش فاهم اذاى الريو تبقى اكثر ثباتا و البوما multi-link و الريو torsion ؟؟؟

السحب اختلف معاك تماماً الريو اسرع رغم انها 1400 انما الموتور قوي جداً والفتيس نافع العربية اوي لانه بيدي الغيار الصح للموتور وعربية بلا مشاكل ودي كفاية اوي عربية من ساعة ما الشكل الجديد نزل وهي مفيهاش ولا مشكلة الا مشكلة استهلاك البنزين ودي كانت في اول دفعة سنة 2012 واتحلت بعد كده العربية حتى الان بلا مشاكل

نرجع بقى لموضوع الثبات - مفيش كلام العفشة الـmulti link احسن في الثبات من الـtorsion beam وده معروف

**toty_305** · 14-05-2014 08:54 AM

-حضرتك كمان لو بسيط على أبعاد العربية لا ال lancer في حجم سيراتو عشان متظلمش الريو بس السعر اللي قريب بين لانسر و ريو

**tito32** · 14-05-2014 09:25 AM

طبيعى تحس بفرق البوما فئة و الريو فئة البوما 1600 و الريو 1400 ده كمان من غير التكيف

**Egy_fan** · 14-05-2014 10:50 AM

طيب يا شباب لو فكرت اقارن البوما بالسيراتو. اكيد السحب احسن فى السيراتو بس ممكن تردوا على فى النقط التاليه:

- الثبات (المناوره بين العربيات) لأنى اخرى على الطريق 120
- قطع الغيار
- الاعطال
- العمر الافتراضى

شكرا للجميع

**toty_305** · 15-05-2014 01:49 AM

-لو حضرتك من النوع اللي بتحافظ على السيارات يبقى لانسر او سيراتو الاعتمادية مش هتفرق كتير...الثبات معرفش بس ال لانسر بركبها كتير ثباتها عادي يعني....العمر الافتراضي لانسر تكسب