طلب شراء سياره فى حدود 15 - 20 الف ريال مستعملة

**hamedstar** · 13-05-2014 11:36 PM

السلام عليكم اخوانى

لو سمحت ايه افضل سيارات فى رنج 15 الى 20 الف ريال مستعملة
وهل الافضل انى ادخل مقدم مثلا واجيب حاجة جديدة زى ياريس او اكسنت
ولا اجيب مستعمل نظيف احسن بالسعر خصوصا انى مش معايا غيره

مستنى الرد

**GREYMAN** · 25-05-2014 02:44 PM

السعر ده ممكن يوفر لك سيارة مستعملة نظيفة ممكن من رنج 18 ل20 ممكن مازدا 3 او ياريس او اكسنت لكن الموضوع هيحتاج منك التركيز علشان متقعش فى سيارة تعبانة انت لو فى جدة انزل الحراج خد لك لفة الجمعة تاخد رنج على الاسعار وبتلاقى هناك حاجات كويسة كمان بس اهم حاجة الفحص الفحص اللى ميرضاش السيارة تتفحص فكك منه
وممكن كمان ادخل على موقع حراج بس اسعاره ساعات بتكون اغلى من قيمة السوق بسبب ان كل واحد عايز احسن سعر فى سيارته واى سؤال انا فى الخدمة

**hamedstar** · 27-05-2014 02:39 PM

اشكرك على ردك اخى الكريم انا فى جده ايوه
هل قطع غيار مازدا 3 متوفره ورخصيه
يعنى انا عاوز الانواع اللى سهل ابيع بعد كدا ومش اخسر فيها كتيرررررر ويكون قطع غيار متوفره
ياريت النصيحة
وشاكر ليك

**sellou** · 11-07-2014 03:55 AM

لو عاوز مستعمل خليك في التيوتا سعرها في اعادة البيع حلو قوي
انا اشتريت كورولا 2005 مستعمل ب 15000 والوقتي عارضها للبيع وصلت معايا 13000
ومابعتش ومستني توصل 14000 والموديل ده مرغوب مهما كان فيه بس يتوضب وبيبقى زي الفل
وربنا يوفقك وتلاقي عربية كويسة ان شاء الله ولو لسه ماجبتش خدلك لفة على الوكالات وشوف عروض رمضان هتلاقي تقسيط بسعر الكاش وبمقدمة في حدود ١٠ الاف