نتوكل على الله ....خلاص هي صني سوبر صالون 2009

**mrbond88** · 10-10-2008 07:12 PM

حكاية شرا عربية تخلي عقلك يتمخول .( الترجمة: يدوخ)
بس من الاخر هي الصني سوبر صالون ب 102500 من Nissan Auto في شارع النزهة ( هو ده هو التوكيل ولا زي اي معرض؟؟؟؟) المهم- مشكلتها الوحيدة ضيقة في الكنبة اللي ورا (بتفكرني بالشاهين طويلة على الفاضي) لكن التقفيل شيك وفي شوية ابانوس و مدلعنها حبة _ بس_ طبعا المصري هو هو- حاطين السي دي بلاير في الشنطة ؟؟؟!!! هو صحيح يكفي 6 سي دي بس يعني لو حبيت تغير ال سي دي تقوم تنزل من عربيتك و تفتح ال شنطة الخ....... او لو في حد راكب معاك ركبه في الشنطة :D
مش مهم الحكاية دي, بس غير كده الباقي حلو بالمقارنة بنفس فئة سعرها
و هكملكو النهارده بليل- ان شاء الله- عشان نازل

**mohamed10** · 10-10-2008 08:12 PM

ربنا يوفقك وهى السوبر صالون جميلة وموضوع انها ضيقة من ورا دا بسبب ان تنجيد الكراسى عالى فامخلى الاحساس بالمسافة ضيق وعلى كل حال ربنا يديك خيرها ويكفيك شرها

**mrbond88** · 11-10-2008 01:41 AM

شكرا يا mohamed10 و ربنا يكرمك
اكمل راي في العربية
1) العربية موتور ممتاز مفهوش كلام و تقريبا هو نفس موتور التيدا بس التيدا العزم اعلى شوية

2)العفشة انا لسة ما جربتهاش بس هي المفروض عفشة رياضية طبعا

3)في العمود اللي ماسك العجلتين اللي ورا العمود صلب ما شاء الله حاجة ممتازة ماتقولش لانسر ولا غيره ( مع الاعتذار لاصحاب اللانسر وحبايبها) و بيقولو ده مديها ثبات على الطريق احسن

4) العربية طويلة وفخمة وتديك احساس الفخامة من بره بصراحة- وعلى فكرة شكلها احلى من اللي نازل الخليخ ( الخليجي : شكل الشنطة وحش اوي)

5)فيها شوية اوبشن حلوين ( المرايات ضم كهربا و مكان للنضارة و مكان للكوبيات ومساند راس في الكنبة الخلفية وكاسيت سي دي (شوية دلع) و جنوط سبور

6) كون انها تقفيل مصري فا ده يضمنلك -باذن الله- حاجتين :
أ) توافر قطع الغيار
ب) رخص تمن قطع الغيار
7) الصيانة الناس بيشكروا فيها ( انا لسة ماجربتش التوكيل والصيانة)

8) سوق المستعمل فيها كويس (مطلوب+ السعر ما بيخسش كتير) انا لسة لافف سوق السياراات و سألت عليها

ملخض المميزات (شكلها حلو -سعرها حلو - قطع غيارها حلوة - الصيانة حلوة -سوقها حلو -اوبشن حلو (السوبر صالون)-مصر حلوة )

خلينا نتكلم بالعدل عن العيوب ( هي مش عيوب لكن حاجات يتعلق عليها)
1) خامات التقفيل مش زي التيدا مثلا
2)ضيقة شوية ورا
3) مافهاشABS هو ده مش عيب لكن وجود الفرامل المانعة للانزلاق ده ميزة طبعا

بس كده مافيش حاجة تانية انا شايفها في العربية بس بالنسبة للون : احلى حاجة الاسود والنبيتي بالنسبة لي
اللون الشامبين ده متهيألي عار على العربية ( او انا ممكن مش بحبو)

NISSAN SUNNY IS A JAPANEESE EGYPTIAN HONEY

**Nour_Peugeot** · 11-10-2008 01:49 AM

مبرووك عليك العربية يا باشا و عقبال متجيب البي ام دبليو السودا هههههههه

**mrbond88** · 11-10-2008 02:33 AM

ربنا يكرمك يا Nour_Peugeot
بس انانفسي اجيب chrysler 300 c السودا طبعاا :k38:

**loai-omar** · 11-10-2008 09:20 AM

مبرووك عليك العربية يا باشا
حتعجبك ان شاء الله العربية دي تحفة ماشاء الله

بس خلي بالك السيديهات تجيبها اوديو مش ام بي ثري :)

انت بتحط ال 6 و تختار منهم جوا ايلي تشغله

ان شاء الله تبشرنا بأه :)