لما انته خجلان من عربيتك بتركبها ليه حتى لو صينى

**Falcon.Crest** · 15-05-2014 12:32 AM

المشاركة الأصلية كتبت بواسطة hunting_eagle

اوكي خد حقك تالت و متلت زي ما بيقولوا

بس ايه علاقة اني اخد حقي بأني أعمل صيانة لوحدي أو مع حد ؟

يعني لو بتعمل صيانة مع أودي هتوافق ؟ ولا مش هتاخد حقك ؟

حاجة تاني .. نفترض الوكيل عايز يدلع بتوع برليانس و يعمل لهم صيانة زي بتوع ال بي ام علشان يبيع العربية و يشجع الناس انا ايه يضرني في كده ؟!

للعلم .. انا ما عنديش عربية صيني .. و رافض لفكرة شرائها أساسا

تحياتي

تحياتي ليك فندم و لردك المحترم القصه بيعده تماما عن التعصب
القصه كلها في التخصص يعني مثلا أودي سيستم غير فولكس فاجن سيستم
علشان كده التيم بتاع اودي مش ينفع يشتغل في فولكس

علي فكره هما في المانيا كده بيدو اودي اهتمام اكبر بدليل لما استلمت عربيتي جالي مكالمه من اودي المانيا بعد شهر للسوءال عن العربيه
و لما اشتريت الجولف قبلها و لا حد عبرني

الفكره كلها احترام البراند

**Hunting_Eagle** · 15-05-2014 02:13 AM

المشاركة الأصلية كتبت بواسطة falcon.crest

تحياتي ليك فندم و لردك المحترم القصه بيعده تماما عن التعصب
القصه كلها في التخصص يعني مثلا أودي سيستم غير فولكس فاجن سيستم
علشان كده التيم بتاع اودي مش ينفع يشتغل في فولكس

علي فكره هما في المانيا كده بيدو اودي اهتمام اكبر بدليل لما استلمت عربيتي جالي مكالمه من اودي المانيا بعد شهر للسوءال عن العربيه
و لما اشتريت الجولف قبلها و لا حد عبرني

الفكره كلها احترام البراند

فهمت وجهة نظر حضرتك

شكرا للايضاح

**ahmedfathi** · 15-05-2014 02:31 AM

ما ينفعش يا جماعه اصلا ان مهندسين صيانه بتوع ماركه معينه يشتغلوا فى ماركه تانيه خالص حتى لو فى نفس المكان

يعنى انا مثلا راكب بروتون وفخور جدا انى بروتونى وانا راكب عربيتى فعلا بحس انى راكب احسن عربيه فى الدنيا الحمد لله

لما بروح الصيانه فى ابو رواش بلاقى عربيات فولفو وجيب ودودج وستروين

بس كل واحده من دول ليها ورشه خاصه بيها ومهندسين صيانه مختلفين تماما

**Ahmed Saad** · 15-05-2014 02:51 AM

والله كلام سليم 100 ال 100 بس بالنسبه لموضوع الأودي والفولكس الأودي ده القطاع بتاع السيارات الفارهة في مجموعه الفاج فلازم يكون ليه وضعه أما الفولكس فاجن فمعنى اسمها بيشرح نفسه سياره الشعب بس مش معنى كده الفولكس وحش لا دي فئه ودي فئه واللي ركب مثلا اودى a4 الجديده والباسات الجديده مع احترامي الشديد للباسات الأودي اودى تاكلها مهما عملت وبالنسبه للى بيغير علامه عربيته الصيني بماركه أخرى خلي الناس تفرح يعني اللي معاه byd وحاطط علامه تويوتا عربيته متحولتش كامري بفعل سحر علامه تويوتا خلو الشعب يعيش ويفرح

**SYD** · 15-05-2014 03:23 AM

المشاركة الأصلية كتبت بواسطة aldesha989

فعلآ والله اكتر حاجه بكرها موضوع تغير علامه العربيه انا بعتز بعربيتى حتى لو كانت سيات

هنخبط

**أبو آسر** · 15-05-2014 03:47 AM

المشاركة الأصلية كتبت بواسطة 2code

كلامك سليم يا فندم وهو ده اللي لازم يحصل لان هو ده الصح برضه اللي دافع في اودي اكتر من اللي دافع في فولكس وانت بتاخد خدمة على قد فلوسك اللي دافعها ده الصح

لأ معلش يا فندم يتدلعوا براحتهم بس مش على حسابي !!!!!!

مش ابقى انا دافع 400 الف جنية في عربية والاقى واحد جنبي بيضيع ليا يومي كله بسبب معاه عربية صيني وهو دافع 120 او 130 الف جنية !!!!!! معلش انا عربيتي تشتري 3 او 4 عربيات منه

عايز يعمل صيانات مكاني يتفضل يشتري bmw انما هيعمل صيانات معايا ويضيع ليا يومي ويعمل ضغط على مهندسين bmw اللي بدفع لهم شئ وشويات في الصيانات لانهم على درجة عالية من المهارة زي ما بيقولوا بتوع المبيعات يبقى يشتري bmw

وصدقني انا بقولك اهو لو كنت روحت ولقيت الصيانات كلها داخلها في بعضها bmw مع بريليانس مكنتش هشتري العربية وكنت هشتكي التوكيل لـbmw ag

ده اسمه "عدل" وخلينا يا اخي نشوف العدل ده في مصر !!!!!!!!!!!!!!! ولا مش حقنا حتى لو دفعنا 400 الف جنية ؟؟؟؟؟

لو الموضوع كده يبقى التوكيلات مفروض يعملوا كذا فرع حسب الفئة السعرية لكل سيارة
بمعنى توكيل كيا مثلا يعمل فرع لفئة البيكانتو أم 80 ألف وفرع تاني لفئة سول أم 160 ألف وفرع تالت لفئة السبورتاج أم 225 ألف وهكذا !
أو بلاش كيا خلينا في البي إم دبليو بتاعة حضرتك
مفروض التوكيل يعمل فرع للموديل 740 مثلا علشان ميبقاش واحد دافع فيها مليون وربع ومهندس الصيانة يضيع ليه يومه بسبب إن معاه عربية زي بتاعة حضرتك أم 400 ألف بس ! معلش عربيته تشتري 3 عربيات من بتاعة حضرتك !!!
منطق غريب بصراحة

**أبو آسر** · 15-05-2014 04:34 AM

المشاركة الأصلية كتبت بواسطة 2code

يا استاذي الفاضل انت فهمت الكلام ازاي ؟؟؟؟؟؟

قولي بس انت شوفت فين شركة بتعمل اللي انت بتقوله ههههههههههههههه

كلامي بقوله تاني وبكرره مينفعش شركة بريليانس وعربياتها الرخيصة تعمل صياناتها مع عربيات bmw الغالية

حضرتك فهمت غير كده يبقى راجع المشاركة بتاعتي كويس والا يبقى حضرتك عايز توصل لحاجة معينة في بالك ومش عايز تشوف غيرها

وكلامي واضح ولله الحمد - bmw كلاس مختلف تماماً عن brilliance شئناً ام ابينا احنا بنتكلم على افخم شركة عربيات في العالم !!!!!!!!!!!!!!!

أوصل لحاجة معينة زي إيه يعني مش فاهم
حضرتك بتتكلم كلام فيه زي ازدراء لأصحاب هذه السيارات اللي تمنها 120 و 130 ألف ورافض إنها تعمل صيانتها جنب عربية حضرتك اللي ب400 ألف علشان وقت حضرتك ميضيعش بسبب عربية تمنها ربع أو تلت تمن عربية حضرتك !
وبالتالي أنا رديت على حضرتك بنفس المنطق اللي هو لو مسألة فلوس فمن حق اللي بيدفع في عربيته مليون وربع إنه ميعملش صيانة مع عربية تمنها تلت تمن عربيته زي عربية حضرتك !
وبنفس المنطق فلو حضرتك بتتكلم على أفخم شركة عربيات في العالم اللي هي bmw - من وجهة نظر حضرتك طبعا - فبالتالي هل حضرتك هتمانع لو واحد معاه عربية bmw برده بس موديل قديم وتمنها السوقي لا يزيد عن 20 ألف جنيه إنه يعمل صيانة في نفس المركز مع عربية حضرتك اللي ب400 ألف جنيه على الرغم من أن كلا السيارتين من نفس الشركة والمصنع مع فارق الموديل والعام والقيمة السوقية ؟!

-

الموضوع: لما انته خجلان من عربيتك بتركبها ليه حتى لو صينى

LinkBack

أدوات الموضوع

عرض

-

-

-

-

-

-

-

المواضيع المتشابهه

ادخل قولنا نوع الحاجه اللى بتركبها فى هوندتك

عاوز موبايل بخطين ميكونش صينى مش صينى ترشحولى اية فى حدود 300 جن اصفر :))

اوبل استرا صينى (صينى يا جدعان) صينى

هل انته متعود تفاصل دايما؟؟؟؟؟؟؟

انته فين يا جماعه !!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة