لما انته خجلان من عربيتك بتركبها ليه حتى لو صينى

**lanos2004** · 15-05-2014 05:59 AM

ويرجع السؤال لما انته مكسوف وخجلان من عربيتك بتشتريها ليه

**S O P H O S** · 15-05-2014 01:42 PM

والله كلامك صح
وبيبقي شكلها سئ جدا
وقال الناس مثلا مش عارف هي ايه !

**2CODE** · 15-05-2014 04:15 PM

المشاركة الأصلية كتبت بواسطة أبو آسر

أوصل لحاجة معينة زي إيه يعني مش فاهم
حضرتك بتتكلم كلام فيه زي ازدراء لأصحاب هذه السيارات اللي تمنها 120 و 130 ألف ورافض إنها تعمل صيانتها جنب عربية حضرتك اللي ب400 ألف علشان وقت حضرتك ميضيعش بسبب عربية تمنها ربع أو تلت تمن عربية حضرتك !
وبالتالي أنا رديت على حضرتك بنفس المنطق اللي هو لو مسألة فلوس فمن حق اللي بيدفع في عربيته مليون وربع إنه ميعملش صيانة مع عربية تمنها تلت تمن عربيته زي عربية حضرتك !
وبنفس المنطق فلو حضرتك بتتكلم على أفخم شركة عربيات في العالم اللي هي bmw - من وجهة نظر حضرتك طبعا - فبالتالي هل حضرتك هتمانع لو واحد معاه عربية bmw برده بس موديل قديم وتمنها السوقي لا يزيد عن 20 ألف جنيه إنه يعمل صيانة في نفس المركز مع عربية حضرتك اللي ب400 ألف جنيه على الرغم من أن كلا السيارتين من نفس الشركة والمصنع مع فارق الموديل والعام والقيمة السوقية ؟!

تاني برضه نفس السؤال !!!!!!!!!!!!!!

من الاخر علشان وقتنا بس وانت تسأل نفس السؤال وانا رديت عليك وهرد تاني ولاخر مره

عربيات BMW كلها تدخل تعمل صياناتها براحتها لكن عربيات اي شركة تانية بريليانس او عربيات كوكب المريخ تروح توكيلها في كوكب المريخ

اهو رديت نفس الرد على نفس سؤالك للمره المليوووووووووووون

دي عربيات شركة تانية مختلفة دي بريليانس ودي BMW ازاي يعملوا صيانات في نفس المكان ؟؟؟؟؟؟؟؟ ونفس المهندسين ؟؟؟؟؟ ومهندسين BMW بياخدوا الشئ الفلاني من العميل على اساس انهم محترفين في العربيات !!!!!!!!!!!

والحمد لله الكلام ده مبيحصلش ومش هيحصل نهائياً لعلمك - علشان بس لو معاك عربية صيني بريليانس ولا حاجة فأكون اسف لو كلامي جرحك ولا حاجة بس انا قولت الحقيقة واللي بيحصل دلوقتي

انما الناس عايزه تسوق لبريليانس على حساب حاجات تاني يبقى معلش مش على حساب صياناتي اللي انا بدفع مصنعية للمهندسين بدفع اضعاف اللي كنت بدفعه قبل ما اشتري BMW - لو جربت بنفسك هتعرف كلامي كويس !!!!!!!!!!

**أسامه الحسيني** · 15-05-2014 04:35 PM

ما باليد حيلة

**eslamsubaru** · 15-05-2014 04:36 PM

المشاركة الأصلية كتبت بواسطة 2code

لأ طبعاً مين قال لحضرتك ان بتاع البريليانس هيدخل معايا الصيانة ؟؟؟؟؟

انا ده كان سؤالي واهم سؤال سألته قبل ما اشتري العربية هو انا بتاع البريليانس هيعمل صيانة معايا ؟؟؟؟؟

قالي لأ طبعاً دي ادارة ودي ادارة ودي فروع ودي فروع وانتوا اساساً كلاس افضل سيارة وهم كلاس صيني ده كان رده بالظبط

ولقيني مش مصدق راح واخدني القطامية 2 وروحت هناك قالي هو ده مركز الصيانة اللي هتيجي تعمل فيه ان شاء الله حضرتك شايف ايه ؟؟؟؟؟ بصراحة مشوفتش الا عربيات bmw ومفيش خالص بريليانس

بريليانس ليها مراكز الخدمة بتاعتها منفصلة عن bmw تماماً

مع كامل احترامى ليك : كلامك فيه شئ من العنصرية الغير مقبولة ..
ماله اللى معاه بريليانس : مش انسان مثلا علشان حضرتك متشوفوش جنبك فى مركز الصيانة !!!!!!!!!!
عموما ربنا يهدينا جميعا و يصلح حال الناس ... طوال ما احنا بنتعامل مع بعضنا بالشكل ده يبقى مننتظرش أى اصلاح فى حال مصر .

**أبو آسر** · 15-05-2014 04:40 PM

المشاركة الأصلية كتبت بواسطة 2code

تاني برضه نفس السؤال !!!!!!!!!!!!!!

من الاخر علشان وقتنا بس وانت تسأل نفس السؤال وانا رديت عليك وهرد تاني ولاخر مره

عربيات bmw كلها تدخل تعمل صياناتها براحتها لكن عربيات اي شركة تانية بريليانس او عربيات كوكب المريخ تروح توكيلها في كوكب المريخ

اهو رديت نفس الرد على نفس سؤالك للمره المليوووووووووووون

دي عربيات شركة تانية مختلفة دي بريليانس ودي bmw ازاي يعملوا صيانات في نفس المكان ؟؟؟؟؟؟؟؟ ونفس المهندسين ؟؟؟؟؟ ومهندسين bmw بياخدوا الشئ الفلاني من العميل على اساس انهم محترفين في العربيات !!!!!!!!!!!

والحمد لله الكلام ده مبيحصلش ومش هيحصل نهائياً لعلمك - علشان بس لو معاك عربية صيني بريليانس ولا حاجة فأكون اسف لو كلامي جرحك ولا حاجة بس انا قولت الحقيقة واللي بيحصل دلوقتي

انما الناس عايزه تسوق لبريليانس على حساب حاجات تاني يبقى معلش مش على حساب صياناتي اللي انا بدفع مصنعية للمهندسين بدفع اضعاف اللي كنت بدفعه قبل ما اشتري bmw - لو جربت بنفسك هتعرف كلامي كويس !!!!!!!!!!

لا أنا معايا رينو لوجان مش بريليانس ومش بحب الصيني عموما
كلام حضرتك ليه وجهة برده وبحترمها لكن أسلوب عرض حضرتك للكلام بس أعتقد خانك اللفظ فيه لأنه يشتم منه رائحة تحقير وازدراء لأصحاب البريليانس اللي عمري ما ركبتها ولا هفكر أركبها فعلشان كده رديت على حضرتك مش أكتر

مش ابقى انا دافع 400 الف جنية في عربية والاقى واحد جنبي بيضيع ليا يومي كله بسبب معاه عربية صيني وهو دافع 120 او 130 الف جنية !!!!!! معلش انا عربيتي تشتري 3 او 4 عربيات منه

تقبل مروري وآسف على تضييع وقت حضرتك

**shiko85** · 15-05-2014 07:28 PM

يا جماعه حصل خير

**lanos2004** · 15-05-2014 07:36 PM

الجهد والعرق والمال المبذول فى صناعه اسم وماركه عالميه مثل بى ام او مرسيدس او غيرها هنقارنه بعربيه صينى
دى تبقه نكته
دة ميراث اجيال من العلم والفكر وليس سرقه ولا اقتباس انه الابداع والعرق فى صناعه الجمال والقوة
وليس صناعه الدمى و الهزال
وصراحه الى شارى ماركه عالميه لاينبغى ان يتم صيانتها بجوار ماركه صينيه مهترئه
دة كلام عن سيارات وليس افراد
ومش عارف ليه الناس بتتكلم عن عربيتها -كانها تؤام روحها مع انها سيارة وليست انسان

**SYD** · 15-05-2014 08:14 PM

المشاركة الأصلية كتبت بواسطة 2code

ههههههههههههههههههه

والله عسل يا بشمهندس محمد ملناش غير السيات ياباشا والله

انا بهرج يا باشا والله
انا عارف ان جري العادة انك لما تحب تتكلم عن ارخص عربية في مصر فوراً بتقول سيات واكيد المقصود ال133 مش الليون

تحياتي
وبسجل اعجابي بالموضوع وبالمناقشات اللي دايرة فيه