مشكلة نقلات بومة 2007 مانيوال 1600cc

**ramezt2000** · 14-05-2014 06:26 PM

انا معايا بومة موديل 2007 مانيوال 1600CC من الزيرو ...

السيارة عاملة 84000 كيلو متر ... تم عمل صيانة ال 80 الف في توكيل دايموند موتورز اللي ف طريق مصر
اسماعيلية الصحراوي وتم تغيير زيت الفتيس المانيوال لاول مرة من الزيرو ...

لكن لقيت الفتيس في عضة في النقلات اثناء السير بين الاول والثاني والثالث على خفيف والسيارة لسه باردة ... لما السيارة بتسخن العضة بتقل بنسبة كبيرة لكن لسه موجودة ...

رجعت التوكيل وسألت على نوع الزيت المستخدم ... لاقيتهم استخدموا Total بدل من موبيل والمهندس قعد
يشكر في الزيت ده ... شرحت له مشكلة النقلات وطلع جرب السيارة ... قالي ده عيب طقم دبرياج ولازم يتغيير ... بصراحة ما استريحتش لكلامه ... لان سحب العربية ممتاز والتجميع زي الفل ..

جربت السيارة حوالي اسبوع ومفيش فرق ... فغيرت الزيت من Total ل موبيل ... برضه لسه المشكلة قائمة
والفتيس فيه عضه في النقلات اثناء السير فقط ...

يا ريت الشباب الخبرة اللي في المنتدى يساعدني ... وشكرا

**madman2002** · 15-05-2014 07:04 PM

المشكله دى حصلتلى فعلا .. انا شارى العربيه من سنه واول مره اغير زيت الفتيس ... والزيت القديم نازل طالع عين اهله .. وحطيت اغلى زيت لقيته اللى هو ليكوى مولى hypoid gear oil 85-90 وحصل نفس مشكلتك بالمللى وحتى الان مش لاقى حل ... وبرده اتقالى طقم الدبرياج رديت قلتلهم يعنى طقم الدبرياج كان مستنى اغير الزيت عشان يبوظ !!!!

انا توقعى ان اللزوجه اللى حطيتها غير مناسبه للفتيس

عموما لو عرفت حل ابقى قولنا