الموضوع: غيرت طلمبة المياه للنوبيرا

فجأة السيارة فرغت مياه التبريد من عند طلمبة المياه طبعا حسن الحظ كنت بظبط هواء الإطارات إستعداداً للسفر لعملى بشرم الشيخ وبعدين وانا لسه بنطلق الفنين بتوع مركز الخدمة اللى بزود عنده الكاوتش همه اللى لاحظو الميه ونبهونى ليها طبعا بدأت الف في المنصورة الآول على الطلمبة لقيت الغالبية انواع بتغليف مختلف وكلها مكتوب عليها كورى وسعرهم 95 جنية لكن الحقيقة اصريت انى الاقى الكورى الأصلى لحد ما لقيت الكورى مدموغة بعلامة منصور شيفروليه سعرها 240 جنيه واعتقد انها بتاعت الأوبترا وبما إن سير الكاتينة اتفك غيرت بلية ثابتة كانت خشنة وموش هقولكم الميكانيكي حارب قد اية علشان يخرج الطلمبة القديمة كانت قافشة فى بلوك الماكينة لكن الحمد لله خرجت وشكلها متتخيلوش كأنها ليس لها علاقة بالطلمبات ولا بأجزاء السيارات أصلا وكانت مخرومة خرم كبير في بدنها نفسه وقفلنا والحمد لله غيرش بس ظبط وش التقسيمه عزب الميكانيكي قد تغيير الطلمبة عشر مرات.

غيرت البلية الثابتة كورى بس موش جينرال موتورز عاملة 50 جنية والبلية المتحركة كويسه مغيرتهاش وسير الكاتينة كنت مغيرة من 25 ألف بنوع أصلى ضمانه 70 ألف ميل يعنة اكتر من 100 الف كم