استفسار في شغلانة (عايز اشتغل مدرب سواقة)

**Mamoud salah H** · 15-05-2014 01:29 AM

السلام عليكم

انا حابب اعرف حاجة بسيطة وعايز حد يجاوبني لو عنده فكرة

ايه هي الشروط والمتطلبات عشان اقدر اشتغل مدرب قيادة سيارات غير اني اكيد بسوق ومتمكن الحمد لله ومعايا رخصتي الخاصة

ايه تاني بيكون مطلوب مني عشان ابدا الشعلانة دي سواء في مكتب تعليم قيادة او من خلال الاعلانات علي الانترنت
انا عندي ١٩ سنة وبسوق فعليا من ٤ سنوات لاني بتعلم من صغري من ايام ابتداءي تقريبا

يارييت لو حد عنده فكرة يرد عليا
شكرا مقدما

**aldesha989** · 15-05-2014 01:41 AM

وعليكم السلام ورحمة الله وبركاته

اول حاجه هتشتغل على عربيتك وهتبهدلها
تانى حاجه التعامل مع الناس مش هيبقى سهل
جرب تخد واحد صحبك تعلمه السواقه ونقى واخد غبى انا اسف بس هتقابل منهم كتير
وحاول تشوف نفسك لو قدرت تستحمتله توكل على الله وجرب
وعادى دور على مكتب كويس وقدم انك تشتغل فيه
وكمان لازم تكون فاهم فى اساسيات العربيه لان الانترفيو اكيد هيسئلوك على حاجات زى كده لان بتشرح حاجات للى هيتعلم اول مره زى ايه ده الاسبراتير الموبينه والكربراتير الانجكشين الفلتر الماتور الاسلاك سلك موبينه سلك بوجيه مقاس زيت الردرياتير السربنتينه حاجات زى كده تبقى عارفها

**Mamoud salah H** · 15-05-2014 01:49 AM

انا فعلا نسيت اذكر اني معلم اكنر من واحد من اصحابي منهم الي بيلقط علي طول ومنهم الي كان هيلبسنا ويعمل مصايب وفي الاخر كملت معهاهم للاخر وهما كانوا ٣ اتنين طلعوا الرخصة ولسة اخر واحد بيمارس ويتعلم عشان يتمكن اكتر وهيطلعها في رمضان ان شاء الله وبالنسبة للمهلومات عندي معرفة كويسة باجزاء وحجات كتيير في العربية

ومتشكر لسرعة الرد يا باشا