الموضوع: من المنصورة الي الاسماعيلية ....ماهي افضل الطرق ...؟

الحمد لله روحت الاسماعيلية النهاردة ورجعت في نفس اليوم...
الطريق ايلي اختارتة ...المنصورة - دمياط لحد اول مطلع الطريق الساحلي..ومنة علي القنطرة ومنة علي الاسماعيلية...والرحلة قطعت حوالي 200 كم ذهابا و200 اخري عودة...

الطريق ممتاز جدااا...يعيبة بس انة اطول بكتير من الطريق المتعارف علية ..(السنبلاوين الزقازيق التل الكبير الاسماعيلية)..ولية عيب تاني ...هو منازل الوصلات (ايلي هي شبة الكباري)..لانها معمولة بطريق غريبة جداا وكأنك بتقع في حفرة او مطب...دة طبعا غير عيب انعدام الخدمات تماما..

يعني الطريق رايح فية حوالي 50 كم زيادة وطبعا زيهم في العودة يعني حوالي 100 كم زيادة....طبعا بالنسبة لرحلة مرة واحدة....الـ 100 كم يهونوا ولا الطريق الفردي من السنبلاوين للزقازيق ومن الزقازيق للتل ...

عموما الف شكر لكل الاخوة ايلي اشاروا عليا بالطريق دة....