الموضوع: سؤال هام للعصابة و لعشاق اوبل .. فيكتر .. ولا .. كورسا

بص هتدور فى ال B موديل 96 , 97 ممكن تلاقى حاله معقوله فى حدود ال 45 لكن بعد كده صعب وخصوصا فى المانوال وخد بالك من نقطه الاوتوماتيك ارخص من المانويل فى ال b1 وعموما ان شاء الله الناس هنا بردو هتفيدك اكتر ونقعد مع بعض كلنا لحد اما تلاقى حاجه ممتازه ان شاء الله وبسعر معقول

شكرا جزيلا علي ردك السريع يا استاذ حنفي و علي افادتك
بس حضرتك اية رأيك المانوال افضل و لا الاوتوماتيك
و هل الكورسا ابعد عنها خالص و هل الفيكترا افضل موديل 96 . 97
و لا ال كورسا 2000 مثلا مع العلم انهم تقريبا نفس السعر

خليك في الفيكترا بي 1 1600 gls اخف في الاعطال بس حاول تزود الفلوس شويه علشان تجيب حاله نضيفه لانك بتحبها فلو جبتها تعبانه ح تتعبك و تكرها و تضطر تبيعها و تقول توبه

المشاركة الأصلية كتبت بواسطة إبراهيم المصرى

بالنسبه لايه الاحسن كورسا ولا فيكترا ترجع من وجهة نظرى لاحتياج حضرتك لو محتاج وسع يبقى الفيكترا لو مش فارقه الكورسا تتميز بالموديل الاحدث
وبالنسبه للفتيس برضه ترجعلك لو مشاويرك كلها فى الزحمة وبتتعب فى السواقه من النقل يبقى الاتوماتيك اما لو مفيش كده انا شخصياً افضل العادى مشاكله اقل بكتير وده كله من وجهة نظرى ووممكن تكون فى اراء اخرى تحترم وتحياتى للجميع وبالتوفيق ان شاء الله

شكرا استاذ ابراهيم .... الوسع مهم بالنسباللي طبعا يبقي 1-0 للفيكترا

المشاركة الأصلية كتبت بواسطة omar mahmoud

الفيكترا افضل بس السعر ده يجيب الموديلات 1996و1997 و اهم حاجة الحالة و ربنا يوفقك

شكرا استاذ عمر 2-0 للفيكترا .. ادعيلي ربنا يرزقني بحد ابن حلال يبيع لي حاجة كويسة

المشاركة الأصلية كتبت بواسطة احمد فهمى

فيكترا بى 1998 او 1999 مانيوال 1600 افضل اختيار ملهاش مشاكل تماماً وفيها abs وده مش موجود فى الكورسا وهى افضل حجماً وقطع غيار وابعد عن الاوتوماتيك مشاكلو كتير للموديلات القديمه وبالتوفيق

شكرا استاذ احمد 3-0 للفيكترا ... ياريت حضرتك توضح لي اية المشاكل اللي ممكن تقابلني و شكرا جزيلا مقدما

المشاركة الأصلية كتبت بواسطة raef.atia

خليك في الفيكترا بي 1 1600 gls اخف في الاعطال بس حاول تزود الفلوس شويه علشان تجيب حاله نضيفه لانك بتحبها فلو جبتها تعبانه ح تتعبك و تكرها و تضطر تبيعها و تقول توبه

شكرا استاذ عطية 4-0 للفيكترا و للاسف دي اقصي امكانياتي ربنا يوقعني في حد ابن حلال يبيع لي حاجة كويسة

تمام يبقي بشهادة الجميع الفيكترا الافضل حتي لو الموديل قديم عن الكورسا... يبقي هشتري الفيكترا ان شاء الله
نيجي بقي لاوتوماتيك و لا مانوال
انا مشاويري كلها زحمة للاسف زي ما استاذ ابراهيم بيقول بس انا خايف من مشاكل الاوتوماتيك زي ما استاذ احمد بيقول فياريت اعرف الاوتوماتيك اية مشاكلة و لو باظ خالص اقدر اغيرة بكام و هل هو متوفر و لا فية ندرة و اية اكتر مشكلة ممكن تعكنن عليا حياتي