السلام عليكم

اولا و قبل ما ابدأ في الموضوع احب اشكر نايل موتورز و القائمين عليها و كل الاعضاء اللي استفدت منهم عامة و لاعضاء عصابة الاوبل خاصة

انا نويت و النية لله اني اشتري اوبل ان شاء الله
و طول عمري مؤمن ان الالماني عموما مريح و مش متعب طالما انت بتراعية و بتديلة
وانا كان معايا فولكس بيتل و بيعتها
و دلوقتي عايز اشتري اوبل
و محتار بين حاجتين الفيكترا و الكورسا
بيني و بينكم انا ميال للفيكترا (B) لو فيكترا
المبلغ اللي معايا 40 الف و ممكن اضغط علي نفسي و اخليهم 45 الف بالعافية
بس نفسي في حاجة كويسة و نضيفة
و يكون فيها كماليات (طماع انا عارف )
انا دورت كتير علي دوبيزل و كونتكت كار ولاقيت فيكترا 96 . 97 . 98 . 99 و في نفس المبلغ تقريبا
و الكورسا بعد ال 2000 برضة في نفس المبلغ
بالنسبة لسؤال انت بتحب المانوال و لا اوتوماتيك ... المهم الافضل و اللي ميغلبنيش
فانا محتار حيرة ما يعلم بيها الا ربنا
فانتوا اية رايكم الفيكترا و لا الكورسا