فرامل اليد مشدوده و مشيت بتاع كيلو عليها

**samehshokry** · 16-05-2014 12:16 AM

استفسار لولبي
بدماغي انهارده و للاسف مشيت بتاع كيلو او 2 كيلو و فرامل اليد مشدوده و انا ماشي و شامم ريحه حريقه و كنت فاكرها من الشارع بره لغايه ما اخدت بالي و لقيت العجله بتطلع دخان .
السؤال :
انا قعدت ادلق عليها ميه عشان ابردها ( هل فيها مشكله عشان الاراء بتختلف في الحكايه دي )
ثانيا : الطنبوره فيها خط كده مكان التيل ما بيمسك فيها ( بس مش متأكد ده مني و لا قبل كده لأني لسه جايب العربيه و ماخدتش بالي بصراحه). لو مافيش رجه مع الفرامل هل فيه ضروره لتغيير الطنبوره ؟ هل فيه تأثير علي اي حاجه ؟
شكرا ليكم

**eng.salama93** · 16-05-2014 01:53 AM

لا هو ان شاء الله محصلش حاجة بس غلط انك تدلق عليها ميه و هي سخنة كدا انتا بتبوظ الطنابير

**samehshokry** · 16-05-2014 09:02 AM

المشاركة الأصلية كتبت بواسطة eng.salama93

لا هو ان شاء الله محصلش حاجة بس غلط انك تدلق عليها ميه و هي سخنة كدا انتا بتبوظ الطنابير

ده كنت عايز اعرفه ، هي المياه مش بتساعد علي التبريد .... ايه اللي ممكن يحصل
و ازاي اعرف ان الطنابير باظت ؟؟؟؟؟؟؟ بيحصل فيها ايه ؟
هتقفع مثلا و لا فيه بوظان من نوع تاني ....
ارجو الافاده

**gadoo30** · 16-05-2014 12:07 PM

ان شاء الله سليمة
بس المية ماتجيش تانى على الطنابير وهى سخنة علشان مايحصلش فيها ريجة او تقفع
وطبعا العيب دة بخلى فية رجة في العربية لما تدوس فرامل

**automea** · 16-05-2014 12:17 PM

الحريقة نتيجة ان التيل قافش في الdrum نتيجة الاحتكاك بيسخن وبيتحرق وانت شادد فرامل اليد
اما حكاية انك تدلق مية على اي حاجة سخنة فده خطر انت بتعمل تبريد فجائي للسطح الساخن والتبريد الفجائي بيغير في خصائص المادة الي عندك فبتبدي تشقق او تشرخ .

**samehshokry** · 16-05-2014 01:44 PM

المشاركة الأصلية كتبت بواسطة gadoo30

ان شاء الله سليمة
بس المية ماتجيش تانى على الطنابير وهى سخنة علشان مايحصلش فيها ريجة او تقفع
وطبعا العيب دة بخلى فية رجة في العربية لما تدوس فرامل

يعني لو الرجه او الهزه في الدركسيون دي مابتحصلش ، اقدر اقول ان الحمد لله جت سليمه و مافيش ريجه
بس انا بيتهيألي كده فيه ريجه لأني بمشي ايدي علي الطنبوره كده بحس بيها بس بصراحه مش بتعمل اي هزه ..... فيها مشكله لو اتسابت علي كده و اديني ماشي بيها

المشاركة الأصلية كتبت بواسطة automea

الحريقة نتيجة ان التيل قافش في الdrum نتيجة الاحتكاك بيسخن وبيتحرق وانت شادد فرامل اليد
اما حكاية انك تدلق مية على اي حاجة سخنة فده خطر انت بتعمل تبريد فجائي للسطح الساخن والتبريد الفجائي بيغير في خصائص المادة الي عندك فبتبدي تشقق او تشرخ .

شكرا يا مسيو علي شرحك الوافي ...
ماكنتش اعرف عشان كده فعلتها

، الحمد لله !!