المشاركة الأصلية كتبت بواسطة muslimmeskeen
لأ يا باشا مش طبيعي طبعاً..
حرارة الجنط الأمامي بعد مشوار متوسط (حوالي 35كم) مبتكونش عالية للدرجة اللي تقول عليها "ساخنة جداً جداً"، وكمان فرق الحرارة بين الجنط الأمامي والخلفي مبيبقاش كبيركدة؛ لأن العربية دي فراملها مزودة بنظام abs مانع لانغلاق الفرامل على الأربع عجلات ووالنظام ده مدعم بـ ebd لتوزيع قوة الفرملة (قفشة التيل على الطنبورة) على الأربع عجلات برده حسب توزيع الأحمال على كل عجلة لإعطاء ثبات أكثر أثناء الفرملة.. فبالتالي الطبيعي إن حرارة الجنوط بعد المشوار تكون متقاربة؛ تزيد سنة بسيطة في العجل الأمامي لطبيعة حمل الموتور عليه.. لكن مش لدرجة " ساخنة جداً جداً" اللي ذكرتها.. حاول تكشف عليها وتشوف المشكلة في ايه..