اقتباس المشاركة الأصلية كتبت بواسطة dodylife مشاهدة المشاركة
شكرا أ/ هشام
بس انا بسمع عن المهندس/ مصطفى إنه حاجته غالية وكمان المصنعية
بص ياباشا... انا فضلت أدور زيك كده ورحت اول حاجه عند العسكري في الحرفيين...كشف على العربية كمبيوتر وكشف موتور وعفشه وخد 150 جنيه
رحت بعديها للأسف عند فرينش موتورز... شركولي العربيه وعملولي مقايسه ب 17000 جنيه لحد ما الراجل قالي من بقه ان هما الحاجه اللي أقل من 70% بيقولو تتغير.. وكان عندي كاوتشة الكوبلن عاوزه تتغير.. قالولي الكوبلن كلو... وكان عندي موتور طلمبة البنزين عاوز يتغير قالولي الطلمبه كلها... دفعت 350 جنيه زي الباشا في الكشف ومستفدتش أي حاجه.. وفي الاخر عملت اللي العسكري قالي عليه في الكشف بتاعه... وبعديها اتعرفت على بيتر اللي قلتلك عليها ومن ساعتها وانا معاه في اي حاجه.. ولد شاطر وراكب ميجان وسينيك... وحافظ كل مسمار...

بالنسبه للمهندس مصطفى سمعته زي الفل بس للأسف بعيد وسمعت انه لازم هوا اللي يعمل الحاجه بايده عشان العربيه تبقا زي الفل...
براحتك ياباشا.. انصحك تروح عند بيتر أو العسكري لو انتا ساكن في مصر الجديده... ميزة بيتر انه مش معروف وهيخلصك على طول... بس ولد شاطر وهيريحك ان شاء الله
لو عاوز نمرة العسكري عشان الكشف انا تحت أمرك..