استاذ فادي واهل الخبره .. استفسار لمشكله عايزكم تساعدوني

**ooosha_14** · 16-05-2014 05:06 AM

انا العربيه عندي كان فيها مشكله الدخنه السوده الى بقت وباء فى عربيات كتير .. المهم الحمد الله حلتها .. وغيرت بوابه كامله والعربيه ظبطت .. المهم في حاجه ظهرت غريبه انا مش فاهمه خالص .. انا هتجنن والله وعرف منين الصوت دا جي ..
العربيه لما بتبقى بارده مابسمعوش تقريبا اول ما تسخن كده اسمع صوت كركره سعات بتعلى ع خفيف مش صوت على يعني برضه وسعات اركز عشان اسمعها .. ( مش قادر اسيطر على موقفها ان كانت عاليه شويه او لا .. ) الصوت دا بيظهر ع اخر التاني ويرووح ويرجع ع نص التالت .. كل لكا اكبس بنزين .. من غير ما احرق على اى غيار .. بس بكبس شويه بنزين بسمعه .. انا مش عارف دي كركت ايه .. بنزيت ولا بليه .. ولا ممكن يكون حاجه غاصه بالسيور ولا ايه انا مش عارف .. ولا حاجه جوه الماتوور ( ودا الى هوووت واطمن عليه .. خايف يكون حاجه جوه الماتور ) المهم مش عارف اعمل ايه في صوت الكركه دي لما روحت للميكانيكي بتاعي بيقولي بنزين وحش بيخلي كل العربيات تكركر لكن انا حاسس انها مش كركرت بنزين .. مش عارف ولو عايز اعرف جي منين الصوت دا اعمل ايه ... [overline]بجد محتاج مساعدتكم[/overline] ..
اوبل فيكترا b 97 الماتور الاسود ..

**hossamalsadik** · 16-05-2014 10:54 AM

السلام عليكم
أنتا خايف ليه كده ........... ماتخفش
الكركره اوالسكه أوما يطلق عليه عملية الصفع detonation وهوا ناتج من موجات شديدة من الضغط داخل السلندر وله عدة اسباب ممكن تكون الكهربا عندك مش مظبوطه
راجع على سلوك البوجيهات والبوجيهات ونوعيتهم
والسبب التانى نوعيه البنزين بس قبل ده أتأكد ان كهربتى سليمة
وتأكد من مظبط تقسيمة الماتور
وأخير نضافة بساتن الماتور من تكون رواسب كربونيه كثيفه تتوهج تلقائياً نتيجه لسخونة الماتور مسببه الاشتعالى الذاتى المسبب لزيادة الضغط داخل غرفة الحريق وأختلاف توقيت الاشعال

**Raef.Atia** · 16-05-2014 11:41 AM

قولنا لو سمحت عملت ايه في موضوع الدخنه السوده لان ممكن جدا يكون الاتتنين ليهم علاقه ببعض و هل الكركره دي و انت واقف ع السلانسيه و لا انت ماشي بس

**فادى محمد** · 16-05-2014 02:24 PM

-لو الدخنه السودا مستمره يبقي اكيد البوجيهات مهببه وطبعا مش هتقدر تحرق كميه البنزين اللي بيتم ضخها في السرعات البطيئه.. في السرعات الاعلي بيحصل حاجه اسمها تنظيف ذاتي للبوجيهات فمش بتحس بالمشكله الي حد ما. لازم تحل موضوع الدخنه دي..
-السيور تعمل صوت صريخ او خشونه , عاوز تتاكد بخاخه ميه ورش عليهم علي خفيف ودور الموتور , المفروض الصوت يتغير ويروح
- في احتمال يكون الصوت من قاعده بليه الدينامو , تعمل كركره اقرب الي الدق
-في احتمال يكون الصوت من الفتيس مش الموتور.. دوس دبرياج وراقب الصوت لو راح يبقي من الفتيس
شوف كده واحنا معاك ان شاء الله بس ماتغيرش حاجه الا لما نتاكد علشان ماتدفعش كتير

**فادى محمد** · 23-05-2014 10:18 PM

ايوه يا باشا الكوبلن الداخلي لو مالص او مفوت يعمل كركره مع دوسه البنزين لانك بتدي عزم حركي بالضغط علي البنزين وبيقابله بطيء واضطراب في الاستجابه من الكوبلن . غيره استيراد .

**فادى محمد** · 24-05-2014 04:08 PM

كوبلن داخلي بايظ مش هياثر علي سحب العربيه بس هيضايقك في السواقه
وقاعده عامه .اي حاجه بتبوظ لو سيبتها بتبوظ حاجه تانيه..

-

-

-

-

الموضوع: استاذ فادي واهل الخبره .. استفسار لمشكله عايزكم تساعدوني

LinkBack

أدوات الموضوع

عرض

استاذ فادي واهل الخبره .. استفسار لمشكله عايزكم تساعدوني - انشر الموضوع فى :

-

-

-

-

المواضيع المتشابهه

عايزكم تساعدوني فب اختيار عربية

حسباية بسيطة كنت عايزكم تساعدوني في حسبتها

الى سمير بك عياد ومحمد بك ممدوح واهل الخبره

اخيرا وبي الاستعانه بي الخبره الماليزيه (الحل لمشكله طول مشوار بدال الفرامل)

يا جماعة عايزكم تساعدوني اعمل ساوند سيستم

الكلمات الدلالية لهذا الموضوع

المفضلات

المفضلات

ضوابط المشاركة