الموضوع: ملحوظه مفيده عن الفلوينس

هل تعلم ان الفلوانس فيها اوبشن فتح الشنطة نفسها من جوة الشنطة ؟؟
فى زرار فى القفل العلوى من جوة ممكن تفتح الشنطة من جوة يعنى للأسف مش هتعرف تخطف حد و تحطه فى الشنطة زى فيلم Bounty Hunter كدة ههههههههههههههه

المشاركة الأصلية كتبت بواسطة yasser100

كلنا ملاك الفلوينس كنا مستغربين عدم وجود اوبشن فتح الشنطه من داخل العربيه برغم كل
الاوبشن اللى فيها دى و انا نفسي كنت مسترخم الموضوع ده و كنت باقول لمراتى العالم دى
بتستعبط ده انا والدى الله يرحمه اول عربيه له فى التمانينات كانت فيات 125 الشنطه كانت بتفتح
من جوه العربيه . لكن الناس طلعت مش بتترك حاجه للصدفه و تفكيرهم سابقنا .
كنت من يومين باكلم صديق ليه و بيحكي لى على موقف حصل معاه ربنا ما يكتبه على حد .
ركن عربيته علشان يدخل يصلى العشا و اخد الاب توب من الكنبه اللى ورا وحطه فى الشنطه علشان
الامان طبعا و قفل العربيه بالريموت و العربيه فيها انذار و دخل يصلى . حرامى شافه و هو بيحط الاب توب فى الشنطه
و استنى لغاية اقامة الصلاه و كسر الازاز و ما فتحش الباب علشان الانذار و داس على زرار فتح الشنطه و سرق اللاب .
نزلت انا على الفلوينس و انا دماغى بتلف لانه باعمل الموضوع ده كتير و ساعات بتكون فلوس . فتحت العربيه
وفتحت ازاز العربيه بتاع السواق و قفلت الباب بالريموت و الازاز مفتوح كمحاكاه لكسر الازاز و مديت ايدى و فتحت الباب من
الاكره الداخليه . الباب فتح . الباب ده بس و رجعت على الشنطه افتحها ما فتحتش . دوست على زرار اللوك فى العربيه ما فتحش حاجه

احترمت اوبشن عدم وجود فتح داخلى للشنطه من العربيه . و ربنا يعوض على صديقى اللى اتسرق منه

طب ما الحرامى ممكن بعد ما يكسر الزجاج و يدخل العربية يدوس على الزرار بتاع طى الكنبة و من خلاله يقدر يوصل لمحتويات الشنطة! ربنا هو اللي بيستر.

المشاركة الأصلية كتبت بواسطة dr.a.osman

طب ما الحرامى ممكن بعد ما يكسر الزجاج و يدخل العربية يدوس على الزرار بتاع طى الكنبة و من خلاله يقدر يوصل لمحتويات الشنطة! ربنا هو اللي بيستر.

هو طبعا ربنا سبحانه وتعالى اللى بيستر اولا واخيرا

لكن الحرامى يدخل و يرجع للكنبة اللى ورا ويقلب الكراسى عشان يسرق دة عاوز نص ساعة غير انه لو اتقفش جوة وهو عالكنبة هيتعمل معاه الجلاشة لأنه زنق نفسه ههههههههههههه