بفضل الله و فضل الأساتذه اللى موجودين هنا نفذت تعليمات ضبط تاكيهات الموتور , ضبط البنزين على 0.20 والعادم على 0.25 وكانت النتيجه مذهله و الحمد لله, حسيت ان الموتور ارتاح جامد جدا والسحب جامد جدا لدرجة انى بطلع ع التانى والعربيه واقفه والحراره جميله جدا .... ما شاء الله. بس كان فيه ملاحظه: هو ان سمعت صوت نقر التاكيهات, هو مش عالى قوى بس فى نفس الوقت مقدرش أتجاهله لأنه ظاهر. هل النقر ده بينتج عنه ضرر بعد كده بمعنى ممكن يبوظ الشاكوش أو رأس الصباب؟ ولا ده أمر طبيعى نظرا للمسافه اللى انا خلقتها بالفيلر بين الشاكوش ورأس الصباب؟ محتاج افاده من أساتذتى ولكم جزيل الشكر