لحد كده كويس عرفنا إن التكييف بيسقع عن طريق الفريون اللي بينقل الحرارة من الكابينة لخارج السيارة
طيب في الشتاء بيدفي إزاي
المسألة باختصار إن العربية طبعا لما بتدور بتسخن وفيها دورة تبريد ( هواء أو مياه)
في العربيات اللي تبريد هوا فقط بيكون فيه وصلة من خرج الهواء رايحة على التابلوه علشان تجيب هوا سخن
اما في العربيات اللي تبريدها مياه يتم أخذ وصلة من دورة التبريد لعمل دورة مصغرة داخل التابلوه برادياتير صغير إسمه سربنتينة السخن
http://up2all.net/do.php?img=18729
ودي بتكون موجوده في التابلوه جنب الثلاجة
عايزك تتخيل إن الهوا بيدخل من الفلتر الخارجي اللي تحت التابلوه وبعدين فيه تحويله ممكن تسده وتدخل هوا من أرضية التابلوه وليها مفتاح في التابلوه
http://up2all.net/do.php?img=18731
المفتاح ده بيحدد الهوا اللي هيدخل على المكيف هيكون هواء جديد من خارج الكابينة ولا هواء من داخل الكابينة
بعد كده بيكون فيه طريقين جنب بعض
طريق الثلاجة الساقعة وطريق الربنتينة السخنة في نهايتهم مفتاح تحويل بيقفل واحد ويفتح التاني أو يفتحهم نص نص
http://up2all.net/do.php?img=18730
الاحمر معناه إن البوابة فاتحة السخن تماما وقافلة البارد تماما ولما تلف البكرة شوية شوية معناه إن البوابة بتتحرك علشان تقفل على السخن وتفتح البارد على قد حركة البكرة وبعد كده بيقلبلنا البلاور اللي هو عبارة عن مروحة بتسحب الهوا وتدفعه إلى الهوايات اللي في التابلوه اللي بنتحكم في قفلها وفتحها وإتجاهها
ويمكنك مراجعة هذا الرابط لمزيد من الإفادة
http://www.nilemotors.net/Nile/417519-a.html
أتمنى أن أكون قدمت شيئا مفيدا