الشيفروليه الاوبترا 2014 ولا بيجو 301 2014

**ENG.MaRk** · 21-05-2014 08:43 AM

الجماعة هنا أكثر مني خبرة و ماليش حق أعدل علي حد فيهم و لكن أنا متأكد من المعلومات ديه

**a7medalaa** · 21-05-2014 08:55 AM

ممكن حضرتك تزود ل ١٣٥ لو تقدر و تجيب ريو خليجي ABS و EBD و 2 airbags و جنوط ١٧ ومالتي فانكشن وبلوتوث ومثبت سرعة اسأل علي الفئة دي عند سمير ريات او اي معرض اركبها هتلاقيها حاجة تانية خالص اعلي من الصني و الاوبترا و عربية متجربة مفيهاش مشاكل غير مشكلة استهلاك البنزين الزيادة ودي كانت في الدفعات الاولي بس و خلاص مبقتش موجودة وحتي الدفعات الاولي اتحلت فيها ب سوفت وير جديد

**yasser100** · 21-05-2014 09:35 AM

المشاركة الأصلية كتبت بواسطة eng.mark

علي فكرة يا جماعة العربية اللي في الموقع الصيني ليست أوبترا و إنما تقليد ليها زي مالصين بتقلد تقريبا الشكل و لكن بكواليتي أقل .... هذه السيارة لا تمت بصلة للأوبترا و أنا متأكد من هذا الكلام
ملحوظة : أنا غير متحيز للسيارة علي الإطلاق .... أكاد أكون مش بحبها أصلا و لكن الحق يتقال

يا باشا ادخل على الشركه نفسها , عامله شراكه مع جنرال موتورز و العربيه دى قديمه عندها من زمان , و مين اللى قلد مين ؟ اذا كان الاوبترا الشكل الجديد ده لسه نازل , الشركه الصينيه هاتقلده ازاى ؟ ادخل على موقع الشركه نفسها و شوف هيه بايعه منه اد ايه قبل ما جنرال موتورز تتعاقد عليه اصلا و همه كمان كاتبين بيصدروه باسمه الحقيقى فين ؟ فى امريكا الجنوبيه

**raad13** · 21-05-2014 11:19 AM

بيجو احسن اختيار و ممكن تزود 6000 جنيه و تجيب الهايلاين هتبقى احسن بكتير!! اوعى تجيب الشارك الفئة الاولى لأنها من غير اي امان لا abs ولا airbags ولا حتى رفاهية