حد ظهر معاه المشكلة دي ان اللمبة تنور ولما يروح يكشف عليها يطلع الerror سببه misfire وهل ده بسبب فعلا نوع البنزين انه رديء ؟؟
عرض للطباعة
حد ظهر معاه المشكلة دي ان اللمبة تنور ولما يروح يكشف عليها يطلع الerror سببه misfire وهل ده بسبب فعلا نوع البنزين انه رديء ؟؟
ال misfire لما الكود بتاعة بيطلع مبيطلعش لوحدة كده لازم يطلع معاه رقم السيلندر
مثلا Cylinder 1 Misfire P0301 او P0300 Random Misfire Code
لو مشكلة فى دورة البنزين بشكل عام الكود لازم يطلع P0300 لو مشكلة فى حقن سيلندر معين حبطلعلك كود عطل انجكتور بنفس رقم السيلندر فى كود عطل misfire
ويفضل تعملها فى التوكيل
الصراحة أنا مش عارف انت تقصد انهى error
بس شوف ده يمكن ينفعك
http://www.nilemotors.net/Nile/42200...post3875580661
S.Hasan و wel781
ال misfire مش بيكون عيب بنزين, بيكون عيب بوجيه بنسبة كبيرة.
راجعو الرد دا
http://www.nilemotors.net/Nile/38229...post3875219345
بس هوا مكتبش أن الكود اللي طلع له P0300 عشان نقول دا عيب ناتج من دورة بالبيجو.
خليني أوضح لك حاجة صغيرة,
في البيجو عموماً لما الكود بيطلع إن فيه misfire بتكون حاجة من أتنين
يا أما من البوجية بقي وحش أو مرطب, يا أما مشكلة في الموبينة.
لما بتكون فيه مشكلة في دورة البنزين بيطلع كود عطل تاني علي شاشة المعلومات في العربية قبل ما تسجل كود عطل وبتكون الرسالة Depollution system failure
ودي بيكون ناتج من سوء في دورة البنزين أو رداءة في البنزين المستخدم.
وبرضه بتشمل إن فيه مشكلة في بوجيه من البوجيهات, أو الموبينة, أو ضعف ضغط طلمبة البنزين.
بس أساس الرسالة دي بيكون إن فيه مشكلة في خليط البنزين مع الهواء اللي بيشغلو الموتور.
بالنسبة لأستفسار صاحب الموضوع, المشكلة اللي عنده مش فيه دورة البنزين ولا الموبينة لأن العربيات كلها لسه جديدة.
وكان فيه ناس أشتكت من فترة إن كان فيه بعض العربيات كان فيها بوجيهات أتغيرت في الضمان.
فا بنسبة 90% المشكلة عنده في بوجيه وحش,, وهيتغير في الضمان بدون تكلفة.***
>>> ودي رسالة مني ليه عشان يبقي عامل حسابة علي دا أما يروح لو حاولو يقولو له يغيره علي حسابة.:welcome1:
فا الموضوع مش صعب ولا مكلف,
والتغير هيكون علي أساس البوجيه اللي فيه مشكلة في السلندر اللي مسجل كود العطل, أو بيغيرو طقم البوجيهات الأربعه,
ودايماً الواحد لما يشخص المشكلة صح بيبقي أفضل له عشان ميكلفش نفسه مصاريف ولا مشواير للتوكيل وبدل ما يقعد يفكر في دورة بنزين وموبينة وأفلام كتير خصوصاً لو الفني اللي وقع في أيديه مكنش فاهم.
اسف ياجماعة في التاخير في الرد
روحت التوكيل وحطوا العربية عالجهاز وقالولي المشكلة في البوجيهات وهتتغير قولتلهم وانا مالي العربية عاملة 8000 كم ولسه في الضمان راح البيه ردخل ولاقيته جايب زجاجة بنزين تم تعبءتها من عربيتى وجايلي يقولي بص البنزين اللي في عربيتك ده بنزين مخلوط بسولار وريحته باينه قولتله انا حاطه من بنزينه نضيفة ثانيا ال error ده ظهر معايا من شهرين وانا اللي مجيتش المهم قالي انا معنديش مشكلة اغيرهولك بس هقول الادارة ايه لما اوريهم عينة البنزين دي
المهم في الاخر مرديش يغيره قولت اروح واغير البنزينة وابقي اروح تانى كمان اسبوعين كده
ايه رأيكم ؟؟
وانتا عرفت منين انه جابلك البنزين ده عربيتك ااصلا
ولو فعلا مخلوط بسولار ايه الاضرار اللى حصلت بخلاف البوجيهات
وايه حيخلى محطة بنزين تخلط بسولار هو السولار موجود اصلا ولا حد لاقيه
توكيل زبالة وبيحورا وناس ملهاش كلمة والمشكلة فى البوجية
فعلا توكيل زبالة
كانك بتوصف اللي حصل معايا بالظبط اقسم بالله نفس الكلام اللي هو بنزين ومخلوط بزفت
يعني انا بقي عاوز افهم حاجة هما بيعلموهم في التوكيل انهم يساعدوا العملا ولا يضحكوا عليهم
والله انا حاسس انهم بيقعدوا مع بعض ويتفقوا علي رد واحد وكذبة واحدة لو حد راح اشتكي من حاجة
بص عشان تجيب من الاخر فى الحوار ده معاهم وتشوف مين اللى ليه حق
1- حتطلب منهم يطبعلك تقرير من الكمبيوتر بالاعطال
2- لو طلع كود العطل فى التقرير p0301 :
معناها ان ده عطل فى بوجيه سلندر راقم واحد
الاستنتاج : لا يمكن ان يكون عيب فى البنزين لان عيب البنزين سوف يؤثر على دورة البنزين فى كل السلندرات وليس سلندر واحد فقط
3- لو كان الكود p0300 :
خلل بدورة البنزين
الاستنتاج : من الممكن فى هذة الحالة ان يكون البنزين مخلوط او مشكلة بدورة الوقود بشكل عام
السلام عليكم
بالنسبه لموضوع البنزين انا كنت كتبت موضوع عن حيرتى فى شراء 301 وكنت بتفرج عليها امبارح عند القرش فى مصر الجديده ولقيت مكتوب على تانك البنزين ان العربيه بيتشتغل ب 95 او 98 فمعرفش هل ده مظبوط و مكتوب عندكم كده برده على التنك وﻻ ده حاجه جديده التوكيل منزلها على العربيه هلشان يهرب من موضوع البوجيهات و نوعيه البنزين
وجزاكم الله كل خير