بجد انا خلاص هتجنن من العربية ومعنديش امل غير في مساعداتكم

**amor777** · 18-05-2014 12:19 AM

اولا العربية نيو اكسنت 2011 اوتوماتيك العربية دي هتجنني خلاص اول حاجه انا جايبها مستعملة من سنه كده المهم غسلتها وغسلت العفشه من تحت وبعدها لاقيت العربية بترج جامد جدا لما بغير الفتيس من D الي R او العكس المهم رحت لكهربائي بعد حوارات كتييير اكتشفنا ان فيش الفتيس وصلها ميه وملحت نضفنا الفيش كويس واشتغلت تمام لمدة 5 شهور كده من كام اسبوع عملت نفس الموضوع ونضف الفيش بس بقت بتعمل حاجة غريبة العربية بقت بتنتش وانا ماشي وحتي وانا واقف العربية بترج رجه بسيطه كده كل نص دقيقة او اكتر والموضوع ده بيزيد لما بشغل التكييف مش عارف ده ممكن يكون من ايه
معلومة انا رحت التوكيل عشان اخلص دماغي واخدت الصدمة العربية طلعت مغيرة فتيس وا العربية اصلا مانيوال مش اوتوماتيك ورفضوا يشتغلوا فيها
ياريت حد يقولي ممكن يكون سبب المشكله ايه وممكن يكون تغيير الفتيس ده سبب من الاسباب ولو يعرف كهربائي كويس ميقعدش يجرب فيه ارحله يقولي مكانه انا من فيصل وشكرا مقدما ليكم
ارجووووووكم متبخلوش في الردود انا بجد مخنوق جدا من الي في العربية ده لدرجه اني بقيت مبكلش خالص

**hussien010** · 18-05-2014 03:03 AM

ربنا معاك

**Adnfalcon** · 18-05-2014 03:06 AM

متزعلش نفسك
صلح الفيتيس و بيعها طالما اتخنفت منها
ولو ناوي ع مستعمل تاني لازم فحص شامل

**svneleven** · 18-05-2014 07:25 AM

المشاركة الأصلية كتبت بواسطة adnfalcon

متزعلش نفسك
صلح الفيتيس و بيعها طالما اتخنفت منها
ولو ناوي ع مستعمل تاني لازم فحص شامل

مع حضرتك قلبا و قالبا طالما الراجل قفل من العربية يبقي يبيع لكن رأيي بيع علي طول هتلاقي تاجر أو أي حد يشتري و قول اللي فيها بكل أمانة و العربية ماشية مش عطلانة يعني.

**ENG.MaRk** · 18-05-2014 10:18 AM

أولا الغلطة غلطتك من الأساس لأنك كان لازم تفحصها في التوكيل قبل ما تشتريها
ثانيا ربنا معاك في موضوع الفتيس ده
ثالثا انزل الحرفيين و أكيد هتلاقي الحل هناك
رابعا مادام اتخنقت من العربية يبقي مش هتعرف تحافظ عليها .... أول ما تصلحها ( إن شاء الله ) بيعها علي طول و هات أي حاجة تانية و لو انت لسة مقتنع بالنيو أكسنت ممكن تجيب نيو أكسنت تاني بس حالة نضيفة و الله الموفق و المستعان

**amor777** · 18-05-2014 07:19 PM

بالعكس يا جماعة انا عجباني العربية وهيه حالتها نضيفه جدا بس انا نفسي اظبطها وتشتغل معايا تمام زي الاول فياريت حلول للتصليح ولو حد يعرف سبب النتشه وهيه ماشية والرعشه وهيه واقفة دي ممكن يكون سببه ايه ياريت يفيدني ممكن تكون بوجيهات ولا ايه ولو حد يعرف كهربائي كويس وامين يقولي لاني الكهربائي اللي بروحله حرامي في المصنعية قوووي ومش عايز اروحله تاني ولا اروح لميكانيكي مش كهربائي ارجوكم عايز المساعدة في التصليح انا مش عايز ابيعهااا

**amor777** · 21-05-2014 03:19 PM

ايه يا جماعه فين الردود 120 مشاهدة و محدش فادني باي معلومة عن المشكله الي في العربية او يقولي علي صنايعي كويس اروحله !!!!

**amor777** · 25-05-2014 12:25 PM

بجد يا جماعة شكرا قوي علي المساعدة دي ولا حد فادني بحاجه خالص ممكن اعملها !!!! : (

**amr011111** · 25-05-2014 12:37 PM

فيه مراكز هنا لها اعلانات على المنتدى
روح لاى مركز فيهم
وهتلاقى الحل إن شاء الله

**shiko85** · 25-05-2014 12:43 PM

عايز كهربائى ولا ميكانيكى ؟؟؟
على العموم انا اعرف 2 ممتازين فعلا و فشارع فيصل عند كلية تربيه رياضيه
ميكانيكى شغال فمركز خدمه معتمد و كهربائى ما شاء الله دماغ
بس مش عارف اوصفلك تروحلهم ازاى
ابعتلك رقمهم على الخاص و تكلمهم ؟؟

الموضوع: بجد انا خلاص هتجنن من العربية ومعنديش امل غير في مساعداتكم

LinkBack

أدوات الموضوع

عرض

-

-

-

-

المواضيع المتشابهه

خلاص هتجنن

هتجنن خلاص

انا خلاص هتجنن

بجد خلاص هتجنن

هتجنن خلاص

الكلمات الدلالية لهذا الموضوع

المفضلات

المفضلات

ضوابط المشاركة