مبتدئ - أطلب المساعدة البسيطة

**smallguy6** · 18-05-2014 02:59 AM

السلام عليكم

انا لا أفقه شىء فى عالم السيارات , حتى مبعرفش أسوق . طقت فى دماغى مؤخرا انى اتعلم السواقة و أشترى عربية صغيرة .
هدفى مش عربية تعملى مشاوير ولا سفر ولا اى حاجة , هدفى عربية أتعلم عليها ومن غير وجع دماغ .
مشاوريى قليلة جدا جدا و ان كانت معدمة لكن زي ماتقولوا كده نفسى أسوق و خلاص .
لكن محتار فى كل حاجة .
عايز مدرسة سواقة محترمة فى عين شمس أو اى حتة , لأنى فاكر من فترة حاولت أتعلم وكانت تجربة سيئة جدا لأن غير الفلوس الى دافعها فى تمن الكورس , كل مدرب يركب معايا كان عاوز فلو س تانى , ده غير الاهمال و العربيات المتكحرتة .
محتار فى الرخصة.
مش عايز أدفع كتيير , يعنى ممكن أقبل بعربية سيات 133 بس من غير مشاكل ,لأنى زى ما تقولوا واخدها لعبة , تغيير .
محتار فى الورق بعد أختيار العربية وهيتم أزاى .
محتار فى فحص العربية وخايف يضحك عليا , لأانى حتى معنديش صحاب أو معارف يفهموا فى العربيات .

يا ريت لو حد فى المنتدى يدلنى على مواضيع مسبقة أو ما شابه أقراها أنا او يفيدنا بخبراته يبقى كتر خيره .

**khaled_sabry** · 18-05-2014 09:27 AM

بالنسبه لموضوع مدرسه السواقه فالموضوع انتا و حظك حسب المدرب اللى حتقع معاه - يعنى ماتقدرشى تحكم على مستوى مدرسه قياده لإن ممكن تقع مع واحد كويس يعلمك السواقه و ممكن تقع مع واحد اى كلام مايعلمكشى حاجه
اشهر مدرسه سواقه فى عين شمس هى "العنانى كار" تقاطع شارع احمد عصمت مع ش عين شمس
بالنسبه لفحص العربيه بصراحه ماقدرشى افيدك اوى لكن خد معاك ميكانيكي
و يفضل زى ما انتا حتعمل تشترى حاجه صغيره زى السيات او 126 تلعب بيها فى الاول و حتى لما تحب تبيعها ماتخسرشى فيها اوى

**smallguy6** · 18-05-2014 11:54 AM

المشاركة الأصلية كتبت بواسطة khaled_sabry

بالنسبه لموضوع مدرسه السواقه فالموضوع انتا و حظك حسب المدرب اللى حتقع معاه - يعنى ماتقدرشى تحكم على مستوى مدرسه قياده لإن ممكن تقع مع واحد كويس يعلمك السواقه و ممكن تقع مع واحد اى كلام مايعلمكشى حاجه
اشهر مدرسه سواقه فى عين شمس هى "العنانى كار" تقاطع شارع احمد عصمت مع ش عين شمس
بالنسبه لفحص العربيه بصراحه ماقدرشى افيدك اوى لكن خد معاك ميكانيكي
و يفضل زى ما انتا حتعمل تشترى حاجه صغيره زى السيات او 126 تلعب بيها فى الاول و حتى لما تحب تبيعها ماتخسرشى فيها اوى

أشكرك على ردك و ياريت باقى الأعضاء يشاركونا

**Akram** · 19-05-2014 11:48 AM

بالنسبة لتعليم السواقة : مش هقدر افيدك و لكن مفيش مشكلة انك تدي المدرب مبلغ كل حصة علشان يهتم اكتر (للأسف) بس اللي اعرفه ان فيه اماكن تعليم تبع المرور و بتساعد في استخراج الرخصة (ممكن تروح للمرور اللي انت تبعه و تسأل)
بالنسبة لنوع العربية : بلاش تختار سيات أو 126 لأن مشاكلها كتيرة , جيب 127 أو 128 لأن مشاكلهم أقل و مش هتخسر كتير لما تبيع ان شاء الله (السعر في حدود 12 الف قابل للزيادة و النقصان)
بالنسبة للفحص : بعد المعاينة المبدئية ليك جيب ميكانيكي و سمكري ثقة يشوفها و يتمنها
بالنسبة للورق : بعد الاتفاق يتم عمل توكيل أو يتم نقل الملكية و يفضل توكيل لو هتبيعها قريب و طبعا الرخصة تكون سارية و البائع بيجيب شهاده مخالفات

**smallguy6** · 22-05-2014 07:11 AM

المشاركة الأصلية كتبت بواسطة akram

بالنسبة لتعليم السواقة : مش هقدر افيدك و لكن مفيش مشكلة انك تدي المدرب مبلغ كل حصة علشان يهتم اكتر (للأسف) بس اللي اعرفه ان فيه اماكن تعليم تبع المرور و بتساعد في استخراج الرخصة (ممكن تروح للمرور اللي انت تبعه و تسأل)
بالنسبة لنوع العربية : بلاش تختار سيات أو 126 لأن مشاكلها كتيرة , جيب 127 أو 128 لأن مشاكلهم أقل و مش هتخسر كتير لما تبيع ان شاء الله (السعر في حدود 12 الف قابل للزيادة و النقصان)
بالنسبة للفحص : بعد المعاينة المبدئية ليك جيب ميكانيكي و سمكري ثقة يشوفها و يتمنها
بالنسبة للورق : بعد الاتفاق يتم عمل توكيل أو يتم نقل الملكية و يفضل توكيل لو هتبيعها قريب و طبعا الرخصة تكون سارية و البائع بيجيب شهاده مخالفات

متشكر لردك , لكن العربية الى ب 12 ألف دى مش هتتعبنى و لا هأضطر أشدها أو اضبط الموتور؟

**smallguy6** · 23-05-2014 12:37 PM

أنا شفت الموضوع ده عن أجراءات البيع و الشراء والصراحة أتعقدت و مش فاهم حاجة

http://www.nilemotors.net/Nile/2346-...post3872062676

من الى فهمته انى يا أما اشتريها بتوكيل أو أنقل الرخصة بأسمى و أنهى أصح ؟

وانا مش بعرف أسوق ومش معايا رخصة حاليا , فهل ينفع انى اشترى عربية وأرخصها بأسمى حتى لو لسا مش معايا رخصة ؟

وأنا بدور على الرعبيات شفت العربية الى تحت دى , فيها مكنة جولف 1800 سى سى وصاحبها طالب فيها عشرين ألف , تستحق ؟