لبست مطب جااااامد

**m10_10** · 16-07-2007 05:11 AM

ازيكم يا احلى منتدى

انا عايز احكيلكم يا جماعه عن موقفين حصلولي يمكن يفيدوطو في اي حاجه

انا الحمد لله ربنا كرمني وجبت البونتو اللي كنت باسألكم عليها
العربية ماشاء الله جميله جدا

بس حصل ان امبارح وانا ماشي لبيتنا في 6 اكتوبر وانا ناحية الشيخ زايد كنت ماشي في الطريق البطئ عشان قلت اهو الواحد يمشي براحته من غير وجع دماغ
الكلام ده كان بالليل
لاقيت واحد ماشي معاكس وجاي من بعيد ومعلى النور

طبعا انا ركزت معاه عشان هو حمار وفجأة لاقيت نفسي لابس مطب طيرني
طبعا قعدت اسب والعن في اللي خلاني اركز مع الحلو المعاكس ده وماخدش بالي من المطب دة

اللي يغيظ اني انهارده برضة كنت متخانق في الشغل وراجع بيتنا وسرحان لاقيت نفسي لبست المطب ده تااااااني ( مش عارف مستقصدني لية )

المهم عشان مادوشكوش معايا انا عايز اقول حاجتين
يا جماعه مهما يحصل والواحد يكون شايل هم الدنيا كلها بس وانت بتسوق حاول تركز في السواقة والطريق بس
انا جت في مطب الله اعلم ممكن كان يحصل ايه غير كدة

تاني حاجه عايز اقولها هيا سؤال بخصوص العربية
انا حاسس انها بقت بتحدف شوية بيا بعد المطبين النيلة دول

هل الحكاية ظبط زوايا بس ولا ممكن يكون حصل حاجه اكتر ؟؟؟
هل محتاجه شغل في العفشة مثلا ؟؟

انا حاسس ان الدركسيون بقى مش ثابت في ايديا ؟؟
زي مايكون فية بووش كدة
ياترى كده يكون فيها اية

يايت تفيدوني يا جماعة

**AlmAhAtmA** · 16-07-2007 08:44 AM

ممكن تشوف الكاوتش
لان انا لبست مطب جامد و بعد يومين اكتشفت بقليله في الكاوتش
شوف الكاوتش و الزوايا بالمره
و الف بعد الشر علي البونتو
و شكرا علي النصيحه

**fahd_628** · 16-07-2007 08:47 AM

معلش يا باشا ولا يهمك و ان شاء الله مفيش حاجة كبيرة بس ممكن تبص على الجنط ممكن يكون اتعوج لو فية اهتزاز و ممكن يكون زوايا برضة

و سلامة البونتو :) :)

**Islam_galal** · 16-07-2007 09:07 AM

ألف سلامة
ابدأ بالأرخص و الأسهل و شوف النتائج بعد كل محاولة
- ضبط زوايا
- ترصيص و كشف علي الكاوتش.
- كشف علي العفشة ككل

و جزاك الله خيرا علي النصيحه

**m10_10** · 16-07-2007 12:41 PM

الف شكر بجد يا جماعه عالردود

بالنسبة ليك يا استاذ ( AlmAhAtmA )
بقليلة ازاي في الكاوتش معلش انا خبرتي على قدي

وهل البقليلة دي ممكن تكون في التيوبلس ؟؟

عموما ربنا يستر وماتكونش حاجه جامدة...

بس يا جماعه ممكن تكون حاجه في الكبالن او حاجه زي كدة ؟؟؟
معلش يا جماعه انا خبرتي زيرو

**AlmAhAtmA** · 16-07-2007 12:48 PM

الكاوتش عباره عن مجموعه من الطبقات
و الخبطه الجامده بتسبب ضعف في الطبقات دي
يا نتيجه قطع داخلي في احدي الطبقات
يا نتيجه ضعف التماسك بينها
و بتكون ظاهره في شكل ورم في الكاوتش
ان شاء الله ما يكونشي فيه بقليله ولا حاجه
زي ما اخواتنا قالوا لك
افحص الكاوتش و الجنط و بعد كده الزوايا