الموضوع: تكلفة تغيير خط مواسير الغاز جوا المطبخ

انا واخد شقه جديد وراكب فيها العداد والتوصيلات بس لسه الغاز مشتغلش وتبع شركة تاون جاس

الحيطة بتاعت المطبخ ماشى عليها من فوق خط الغاز لحد نزله مكان البوتجاز اللى مش موجود لسه (الشقه لسه فاضيه وبوضب فيها)

فأنا عايز اجيب بتوع الغاز يفكو المواسير واهد الحيطة عشان اوسع المطبخ واجيبهم تانى يركبوا المواسير مره اخرى

فناس قالتلى الموضوع هيكون فيه رخامه منهم وتأخير وفلوس كتير وانسى الموضوع ده وقريت عالنت الناس بتشتكى كتير من تاون جاس فى التركيبات والمواعيد

انا عرفت منهم ان المعاينة ب 22 جنيه فى الشركة

بس عايز اعرف لو حد مر بتجربه فى الموضوع ده يقوللى اتكلف كام تقريبا عشان اعرف الدنيا ماشيه ازاى؟؟

بس فيه حد قاللى هات البوتجاز وركب الغاز على التوصيله الحاليه وبعد مايخلصوا ويمشوا شيل البوتجاز وفك المواسير وهد الحيطه وغير زى ما انت عاوز وهنرجع نعمل التوصيلات على الحيطة الجديده..بس المهم الغاز يكون اشتغل من طرفهم وخلاص..دى معلومه من حد معرفه فشركة غاز مصر وقاللى هجبلك فنيين الغاز بليل يخلصوا كل حاجه..هل الكلام ده صحيح؟؟

بص يا باشا

انا حقولك تجربتى مع غاز مصر

بتكلمهم فى التليفون بيجو يعملو معاينة و يسمعو انت عايز ايه

بعد كدة تروح تسال بعدها بيومين فى غاز مصر الى فى الماظه

لو كان الموضوع فيه سقاله حتخشلك فى 1300 جنيه ( السقاله بـ 600 جنيه )

لا مفيش سقاله ..كل التوصيلات جوه المطبخ هتتفك فقط لحين توسيع الحيطة وبعد كده ترجع تانى
ده الموضوع بسيط جدا بس انا مش عارف تكلفته ايه غير المعاينه

السلام عليكم
الموضوع سهل و ان شاء الله محلوله
هابعت نمرتى على الخاص

هكلم حضرتك يافندم